SALMOS 121
CTUBI
121
Lac Yum mi' cʌntañonla
1Mic letsan c wut cha'an mij q'uel wits. ¿Baqui ch'oyol j coltʌntel?
2Ya' tilem j coltʌntel ti lac Yum
Tsa' bʌ i mele panchan yic'ot pañimil.
3Mi caj i wen cʌntañonla ame tʌjts'ic la coc.
Mach yujilic wʌyel jini mu' bʌ i cʌntañonla.
4Awilan, mach ts'ubic jini mu' bʌ i cʌntan Israel. Mach yujilic wʌyel.
5Lac Yum jiñʌch xcʌntaya a cha'an.
Lac Yum i wentajʌch axñal cha'an mi' moset.
6Jini q'uin ma'anic mi caj i pulet ti q'uinil,
Mi jinic uw ti ac'ʌlel.
7Lac Yum mi caj i cʌntañet ti pejtelel a wocol cha'an ma' loq'uel ti uts'at.
Mi caj i cʌntan a cuxtilel.
8Lac Yum mi caj i cʌntañet che' ma' loq'uel majlel, che' ma' sujtel tilel.
Mi caj i cʌntañet wʌle yic'ot ti pejtelel ora.

© Wycliffe Bible Translators, Inc. All rights reserved.

Learn More About I T’an Dios