SALMOS 120
120
I jilibal jini xlotob
1Che' bʌ tsa cubi wocol tsac pejca c Yum, tsi' jac'beyon.
2La' i loc'sañon c Yum ti' tojlel jini mu' bʌ i cha'leñob lot,
Yic'ot ti' tojlel mu' bʌ i lotiñob i pi'ʌlob.
3Mi awujil lot, ¿bajche' mi caj a wujtel?
¿Chuqui to yom ma' melbentel?
4Mi caj a jejq'uel ti' te'el jalʌjb am bʌ ti' c'ʌb jini p'ʌtʌl bʌ.
Mi caj i pulet a bʌc woli bʌ ti lejmel.
5Obol c bʌ, come chumulon ti' yojlil jini jontolo' bʌ.
Sajtemob che' bajche' jini chumulo' bʌ ti Mesec yic'ot Cedar.
6Wen jal tsa' chumleyon yic'ot jini mu' bʌ i ts'a'leñob ñʌch'ʌl bʌ lac pusic'al.
7Com mi' lajmel leto cha'an mi lac taj i ñʌch'tilel lac pusic'al,
Pero anquese mic pejcañob ti' yutslel c t'an, chʌn yomob guerra.
Currently Selected:
SALMOS 120: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.