YouVersion Logo
Search Icon

SALMOS 113

113
Dios mi' p'untan jini pobre
1¡Aleluya!
Subula nuc lac Yum, i winiquet bʌ la.
Subula nuc i c'aba' lac Yum.
2La' sujbic i nuclel i c'aba' lac Yum wʌle yic'ot ti pejtelel ora.
3Ya' ti' pasibal q'uin c'ʌlʌl ti' bʌjlibal q'uin la' sujbic i nuclel i c'aba' lac Yum.
4Ñumen ñuc lac Yum bajche' pejtelel winicob x'ixicob ti pejtelel lum.
Tsiquil i ñuclel ya' ti panchan.
5¿Majqui lajal bajche' lac Yum Dios? Ma'anic yambʌ.
Buchul lac Yum ti' ye'tel ya' ti chan.
6Mi' ju'san i wut cha'an mi' q'uel panchan yic'ot pañimil.
7Mi' loc'san pobre ba' c'ax p'ump'un.
Mi' tech ch'ojyel p'ump'un bʌ ba' chocbil,
8Cha'an mi' buchchocon ti' tojlel yumʌlob c'uxbibilo' bʌ i cha'an winicob x'ixicob.
9Mi' yʌq'uen i cʌntan i yalobil jini to'ol wa'al jach bʌ x'ixic.
Tijicña i pusic'al mi' mec' i yalobilob.
¡Aleluya!

Currently Selected:

SALMOS 113: ctuBI

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy