SALMOS 112
112
I wenlel mu' bʌ i bʌc'ñan lac Yum
1¡Aleluya! Tijicña jini winic mu' bʌ i bʌc'ñan lac Yum, mu' bʌ i taj i tijicñʌyel i pusic'al cha'an i mandar.
2Ñuc mi caj i q'uejlelob i yalobilob ti' lumal.
I yalobilob jini toj bʌ mi caj i yʌq'uentelob i yutslel i t'an Dios.
3Wen chumul jini winic. An cabʌl i chubʌ'an ti' yotot.
Mi caj i chʌn ña'tʌntel cha'an toj bʌ i melbal.
4An i c'ajc che' mi' yic'an pañimil.
Uts i pusic'al jini toj bʌ yujil bʌ p'untaya.
5An i wenlel jini mu' bʌ i p'ew i chubʌ'an, mu' bʌ i yʌc' ti majan i chubʌ'an, mu' bʌ i mel i ye'tel ti toj.
6Jini winic mi caj i cʌntʌntel ti' yorajlel wocol.
Mi caj i chʌn ña'tʌntel ti pejtelel ora.
7Ma'anic mi' bʌc'ñan jini bʌbʌq'uen bʌ mi' tilel.
Come xuc'ul i pusic'al woli' wen ñop lac Yum.
8Ñuc i pusic'al, ma'anic mi' caj ti bʌq'uen ti' tojlel i contrajob.
9Mi' wen p'ew i chubʌ'an. Mi' t'oxbeñob jini p'ump'uño' bʌ.
Toj mi' yajñel ti pejtelel ora.
Mi caj i yʌq'uentel ñuc bʌ i ye'tel yic'ot i c'uxbintel.
10Jini xjontolil mi caj i mel i pusic'al che' mi' q'uel.
Mich' mi caj i q'uel, tsʌytsʌña jax i pusic'al, pero mi caj i sʌc jilel.
Jini jontolo' bʌ ma'anic mi caj i tajob chuqui tac yomob.
Currently Selected:
SALMOS 112: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.