YouVersion Logo
Search Icon

NUMEROS 36

36
Mandar che' an majqui mi' ñujpuñel tilem bʌ ti yambʌ lum
1Tsa' c'otiyob jini ñuc taco' bʌ i ye'tel año' bʌ ti Galaad ba'an Moisés yic'ot ba'an año' bʌ i ye'tel ti Israel. (Loq'uem Galaad ti Maquir i yalobil Manasés i yalobil bʌ José.) 2Tsi' yʌlʌyob: Lac Yum tsi' subeyet bajche' yom mi lac t'oxben lac bʌ lum ti Israel. Che' ja'el lac Yum tsi' subeyet cha'an wersa mi' yʌq'uentelob i lum jini xch'oc bʌ i yalobilob Zelofehad. 3Jixcu mi tsa' ñujpuniyob yic'ot israelob año' bʌ ti yambʌ lum, che' jini mi caj i majlel i lum ti' wenta i ñoxi'al ch'oyol bʌ ti yambʌ lum. Che' jini mux i t'ox jilel c lum lojon. 4Che' ja'el ti jini jab che' mi' yʌq'uentel wocolix i yʌlʌ lac Yum Dios, i lumob i yalobilob Zelofehad mi caj i yʌq'uentelob i pi'ʌlob ti' lumal i ñoxi'alob. Che' jini mi caj i junyajlel chijlel tic tojlel lojon, che'ob.
5Jini cha'an Moisés tsi' subeyob israelob chuqui tsi' sube lac Yum. Uts'at che' bajche' woli' ña'tañob jini winicob tilemo' bʌ ti José. 6Jiñʌch tsa' bʌ i yʌlʌ lac Yum cha'an xch'oc bʌ i yalobilob Zelofehad: “La' i cha'leñob ñujpuñel majqui jach yom yic'otob, pero ya' jach ti' lumal yic'ot i pi'ʌlob tilemo' bʌ ti José. 7Che' jini ma'anic mi caj i c'axel i lum ti' wenta yaño' bʌ israelob parte bʌ tsa' aq'uentiyob i lum. Come jujuntiquil israel wersa yom mi' chumtʌl ya' ti' lum i tat. 8Pejtelel x'ixicob año' bʌ i lum ti Israel, wersa mi' cha'leñob ñujpuñel yic'ot i pi'ʌlob lajal bʌ i ñojte'el yic'ot, cha'an che' jini ma'anic mi' chijlel i lum. 9Ti mojt ti mojt an la' lum. Ya' jach mi' cʌytʌl ti la' wenta. Mach mejlic ti c'axel ti' wenta yambʌ junmojt parte bʌ i ñojte'el”. Che' tsi' yʌlʌ lac Yum.
10I yalobilob Zelofehad tsi' meleyob che' bajche' lac Yum Dios tsi' sube Moisés. 11-12Jini cha'an jini Maala, Tirsa, Hogla, Milca, yic'ot Noa i yixic'alob Zelofehad, tsa' ñujpuniyob yic'ot winicob año' bʌ ti Manasés loq'uemo' bʌ ti José. Ya' jach tsa' cʌle i lum ti' wenta i pi'ʌlob tilemo' bʌ ti Manasés.
13Jiñʌch jini mandar yic'ot i t'an lac Yum Dios tsa' bʌ i sube Moisés yic'ot pejtelel israelob che' ya' to añob ti' lumob Moab am bʌ ti' t'ejl Jordán, ti' tojel Jericó.

Currently Selected:

NUMEROS 36: ctuBI

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy