JOB 27
27
Chuqui mi caj i taj xjontolilob
1-2Tsa' cha' caji ti t'an Job: Añonla ti' tojlel Dios tsa'ix bʌ i contrajiyon. Wolic pejcañetla ti' tojlel jini P'ʌtʌl Bʌ tsa'ix bʌ i yʌq'ueyon ch'aj bʌ. 3-4Che' cuxulon to, che' woli to c jap ic', ma'anic mi caj c cha'len lot. Ma'anic mi caj c sub chuqui tac mach isujmic. 5Muq'uic c sub isujm bajche' wola' wʌl, che' jini mach tojonic. C'ʌlʌl to mic chʌmel mux c sub ma'anic c mul. 6Mach xmulilonic, cha' cho'on. Ñʌch'ʌl c pusic'al. Ma'anic mu' ti t'an.
7Jontolob jini mu' bʌ i p'ajoñob. La' i tojob i mul jini j contrajob. 8Che' mi' chʌmel jini mach bʌ anic mi' bʌc'ñan Dios, che' mi' pʌjyel ti meloñel ti Dios, ¿chuqui mi caj i taj? 9Che' mi' cajel ti oñel cha'an wocol, ¿mu' ba i yubin Dios? 10¿Tijicña ba ti' tojlel jini mach bʌ anic i p'isol i p'ʌtʌlel? ¿Mu' ba caj i pejcan ti pejtelel ora? 11Mi caj j cʌntesañet bajche' mi' mel Dios ti' p'ʌtʌlel. Mi caj c sub chuqui mi' ña'tan. Mach c mucuyic. 12Tsa'ix la' q'uele jatetla. ¿Chucoch che' jini mi la' sub jini lolom jach bʌ?
13¿Chuqui woli' pijtan xjontolil ti' tojlel Dios? Jiñʌch i chobejtʌbal jini xtic'laya mu' bʌ i yʌq'uen jini P'ʌtʌl bʌ Mach bʌ Anic i P'isol i P'ʌtʌlel. 14Mi' p'ojlel i yalobilob, pero cha'an jach mi' jilelob ti espada. Mi' yubiñob wi'ñal i p'olbalob. 15I colobal i yalobilob mi' cajelob ti chʌmel cha'an c'amʌjel. Anquese mi' cʌytʌl ti meba' i yijñam, ma'anic mi' yuc'tan. 16Mi tsi' tempa cabʌl i taq'uin che' bajche' ts'ubejn, mi tsa' tempʌyi cabʌl i pislel, 17mi caj i cʌy. Jini tojo' bʌ mi caj i lʌpob. Jini mach bʌ añobic i mul mi caj i t'oxbentelob i taq'uin. 18Mi' caj ti jilel i yotot tsa' bʌ i wa'choco xjontolil. Lajal mi' jilel che' bajche' i puyil am yic'ot i yotlel xq'ueloñel ti ts'usubil. 19Mach jalic jini wen chumul bʌ mi' majlel ti wʌyel. Mi' ch'ojyel. Ma'anix tsiquil i chubʌ'an. 20-21Che' bajche' mi' bʌc' tilel but'ja' che' ja'el mi' tilel bʌbʌq'uen bʌ ti' tojlel. Ti ac'ʌlel tal sutujt ic' loq'uem bʌ ti' pasibal q'uin. Muc'ʌch i ch'uy majlel. Ñajt mi' cʌytʌl i yotot cha'an ticʌw bʌ ic'. 22Ma'anic i p'untʌntel. Wen p'ump'un jini winic. Ti pejtelel i pusic'al yom puts'el. 23Winicob mi' jats'ob i c'ʌb, tijicñayob i pusic'al che' mach sujtix i yum otot mu' bʌ i ts'a'leñob. I cha'añobix mi' cʌytʌl i yotot.
Currently Selected:
JOB 27: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.