JOB 22
22
Elifaz tsi' yʌlʌ an cabʌl i mul Job
1Tsa' caji ti t'an Elifaz ch'oyol bʌ ti Teman. 2Winiconla. ¿Mejl ba laj coltan Dios? Anquese cabʌl lac pusic'al, ¿bajche' mi caj laj coltan? Mach mejliconla. Jini am bʌ i pusic'al mi' coltan i bʌ. 3Mi tojet, ¿woli ba a coltan Dios che' jini? Che' toj a bijlel, ma'anic wola' coltan Dios. 4¿Chucoch woli' yʌq'uet ti toj mulil? ¿Chucoch woli' yʌ'leñet? ¿Cha'an ba tojet? 5¿Mach ba cha'anic cabʌl a mul? Mi cʌl ma'anic i p'isol a jontolil.
6Tsa' wersa c'ajtibeyob prenda a pi'ʌlob. Tsa' chilbeyob i pislel jini p'ump'uño' bʌ. 7Ma'anic tsa' wʌq'ueyob ja' jini año' bʌ i tiquin ti'. Tsa' chilbeyob i bʌl i ñʌc' jini wi'ñayo' bʌ. 8Jini año' bʌ i ye'tel tsi' ch'ʌmbeyob i lum. Jini ñuco' bʌ tsi' ch'ʌmbeyob i chumlib. 9Che jach meq'uel i c'ʌb tsa' choco majlel meba' x'ixic. Tsa' tic'la meba' alʌlob mach bʌ anobic i coltʌntel. 10Jini cha'an wola' q'uel bʌbʌq'uen bʌ ti a joytilel. Tsiltsilñayet ti bʌq'uen. 11Tsa'ix yajpi a c'ʌc'al. Mach c'otix a wut. Mi' tilel a wocol che' bajche' but'ja' cha'an mi' sʌc jisañet. 12¿Mach ba chumulic Dios ti panchan? Q'uele jini ñajt bʌ ec'. ¿Mach ba chanic? 13Pero ma' wʌl: “¿Yujil ba Dios? ¿Mejl ba i c'otel i wut ba'an ic'ch'ipan bʌ pañimil? 14Wen pim jini tocal. Mi' mosben i wut cha'an ma'anic mi' q'uel. Che' jach mi' cha'len xʌmbal ñumel ti' pamlel panchan”, lon che'et.
15¿A wom to ba cʌytʌl ti jini jach bʌ bij tsa' bʌ i xʌñʌyob xjontolilob ti oñiyi? 16Tsa' bʌc' jiliyob che' ch'itoñob to. Tsa' ñumi but'ja' i wets' majlel lum ti yebal i yoc. 17Tsi' subeyob Dios: “La' ajnicon lojon. ¿Chuqui mi caj lac taj ti Dios?” lon che'ob. 18Mach i ña'tayic mi jiñʌch Dios tsa' bʌ i yʌq'ueyob i chubʌ'an. Leco bajche' tsi' lon ña'tayob, pero ña'tʌbilix i cha'an Dios chuqui woli' mel ajñel. 19Tijicñayob mi' cʌytʌlob jini tojo' bʌ. Mi caj i q'uelob i jilibal jini xjontolilob. Jini alʌlob maxto bʌ añobic i pusic'al mi' wajleñob xjontolilob. 20Mi' yʌlob: “Wets'bilix majlel i chubʌ'an che' bajche' misujelʌl. Laj pulbil ti c'ajc i colojbal”, che'ob.
21La', cʌñʌ lac Yum. Mux a taj i ñʌch'tilel a pusic'al. Che' jini uts'atax chuqui mi caj a taj. 22Jac'ben i t'an mu' bʌ i cʌntesañet. Lotben i t'an ti a pusic'al. 23Mi mux a cha' sujtel tilel ti lac Yum ti jump'ejl a pusic'al, mux a taj a coltʌntel. Yom jach ma' junyajlel cʌy a jontolil. 24Mach a q'uel ti ñuc taq'uin. Lajal jach yom ma' q'uel bajche' ts'ubejn. Yom junlajal ma' q'uel jini oro a cha'an bajche' xajlel am bʌ ti pa'. 25Che' jini mi caj a q'uel jini P'ʌtʌl Bʌ am bʌ ti chan che' bajche' oro yic'ot plata. 26Che' jini mux a taj i tijicñʌyel a pusic'al ti jini P'ʌtʌl bʌ Dios. Mux a letsan a wut a pejcan Dios. 27Che' ma' pejcan, mi caj i yubiñet. Mi caj a ts'ʌctesan a t'an tsa' bʌ a wʌc'ʌ. 28Che' ma' ña'tan chuqui yom melol, muq'uix i yujtel bajche' tsa' ña'ta. Mach yajpic c'ajc mu' bʌ i pʌsbeñet a bijlel ti pejtelel ora. 29Come Dios mi' ju'sʌben i pusic'al jini chaño' bʌ yic'ot p'ʌtʌlo' bʌ. Pero mi' yʌq'uen i ñuclel jini uts bʌ i pusic'al. Dios mi caj i coltan. 30Muc'ʌch i coltan ja'el jini am bʌ i mul. Muq'uix i yʌq'uet ti colel che' ñusʌbilix a mul. Che' tsa' ujti ti t'an Elifaz.
Currently Selected:
JOB 22: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.