JOB 11
11
Zofar tsi' jop'be i mul Job
1-2Zofar ch'oyol bʌ ti Naamat tsa' caji ti t'an: Lajal a t'an bajche' cholocña bʌ ja'. ¿Mach ba yomic mic tiq'uet lojon? ¿Mu' ba a lon ña'tan a pʌs a bʌ ti toj cha'an cabʌl t'an? 3¿Yom ba mic ñʌjch'el che' wola' chañ'esan a bʌ? Che' ma' wajlen Dios, ¿mach ba yomic mi cʌq'uet lojon ti quisin? 4Ma' lon sub a bʌ ti toj ti' tojlel Dios. 5Uts'at muq'uic i pejcañet Dios cha'an mi' subeñet chuqui woli' q'uel ajñel. 6Uts'at muq'uic i pʌsbeñet a bʌ, come yujil Dios pejtel chuqui mucul. Che' jini muq'uix a ña'tan anto yom cabʌl a wocol cha'an mi' ju'sʌbeñet a pusic'al cha'an pejtel a mul.
7Anquese ma' cha'len wersa a ñop chuqui woli' ña'tan i mel Dios, mach mejliquet. ¿Cabʌl ba a pusic'al cha'an ma' suben Dios bajche' yom mi' mel? 8C'ʌlʌl ti' chanlel panchan ma'anic i sajtemel Dios mi che'ic to wistʌl, pero ¿chuqui to a c'ʌjñibal? Ma'anic i p'isol i ña'tibal Dios, pero jatet, ¿chuqui to a wujil? 9Wen ñuc i yEspíritu, ñumen bajche' pañimil yic'ot ñajb. 10Mi tsa' bʌc' tili Dios ti meloñel, ¿majqui mi mejlel i tic'? 11Wen yujil bajche' mi' lon ña'tañob jini sajtemo' bʌ. Mi' q'uelbeñob i jontolil baqui jach mi' melob. 12Jini ña' burro mach mejlic i cʌntan winic. Che' ja'el jini tonto bʌ winic mach mejlic i taj i ña'tibal Dios.
13Muq'uic a chajpan a pusic'al, muq'uic a sʌts'ben a c'ʌb ti' tojlel, 14muq'uic a cʌy pejtel a mul cha'an mach chʌn anix jontolil ti a wotot, 15che'ic jini mi caj a letsan a wut ti' tojlel ti' ñuclel a pusic'al. Mux i lajmel pejtel a quisin yic'ot bʌq'uen. 16Che'ic jini mach chʌn c'ajalix a cha'an jini wocol. Muq'uic a chʌn ña'tan wocol, lajal jax yubil bajche' ja' tsa' bʌ ñumi. 17Che'ic jini wen tsiquil to i c'ʌc'al a cuxtilel che' bajche' xinq'uiñil to. Che' wolix ti bʌjlel majlel q'uin che' ñoxetix, che'ʌch mi caj a q'uel che' bajche' sʌc'ajel. 18Xuc'ul mi caj a wajñel, come an chuqui wola' pijtan. Che' bʌ tsa'ix a lu' q'uele ti a joytilel, muq'uix caj a wʌyel ti' ñʌch'tilel a pusic'al. 19Che' ñololet ma'anic chuqui mi caj i bʌc'tesañet. Mux i tilelob cabʌl winicob cha'an mi' c'ajtibeñet i coltʌntel. 20Jini jontolo' bʌ mach che'ic mi' caj i yajñelob. Mach i tajayobic ba' mi' c'ajob i yo. Woliyob ti pijt, pero cha'an jach mux caj i chʌmelob. Tsa' ujti ti t'an Zofar.
Currently Selected:
JOB 11: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.