JOB 10
10
Job tsa' c'ojyi
1Tsa'ix c'ojyiyon. Comix chʌmel. Mux caj c sub pejtel c wocol yic'ot jini ch'aj bʌ mu' bʌ cubin. 2Com c suben Dios: Mach a wʌc'on ti toj mulil. La' c ña'tan chucoch wola' wʌc'on ti wocol. 3¿I t'ojol ba ti a wut che' ma' tic'lañon, che' ma' ts'a'len jini winic tsa' bʌ a mele? ¿I t'ojol ba ma' coltan jini jontolo' bʌ mu' bʌ i cha'leñob jontolil? 4¿Lajal ba ma' cha'len meloñel che' bajche' winicob mach bʌ anic i ña'tibal? Mach cu lajaletic, come an a ña'tibal. 5¿Lajal ba a jabilel bajche' c jabilel lojon? 6¿Chucoch ma' wersa sʌclan c jontolil? Ma' wersa sʌclan c mul. 7A wujil mach jontolonic. Ma'anic majch mi' coltañon loq'uel ti a c'ʌb.
8Jatet tsa' meleyon. ¿Mu' ba caj a jisañon? 9Ña'tan melbilon ti ts'ubejn. ¿A womix ba a sutq'uiñon ti ts'ubejn? ¿Chuqui wola' tumbeñon? Winicob mi' jebob loq'uel lech cha'an mi' melob quesu. 10¿Mach ba lajalonic ti a c'ʌb bajche' lech? 11Tsa' wʌq'ueyon c pʌchilel yic'ot c bʌc'tal. Tsa' ñut'beyon c bʌquel ya' tic p'aquel. 12Tsa' wʌq'ueyon j cuxtʌlel. Tsa' cʌntayon ti' yutslel a pusic'al. 13Pero lotol ti a pusic'al pejtel chuqui ña'tibil bʌ a cha'an. Woli a jisañon che' bajche' tsa' wʌn ña'ta. Cujil jiñʌch woli bʌ a mel tic tojlel.
14Mi tsac cha'le mulil q'uelel a cha'an. Ma'anic mi caj a ñusʌbeñon. 15Mi jontolon p'ump'un c bʌ, ma'anic j coltʌntel. Anquese mi tojon wersa mic mʌy c wut ti a tojlel. But'ul c pusic'al ti ic'ch'ipan bʌ yic'ot quisin. 16Che' lon comix ch'ojyel ila ba' añon ti lum, ma' cha' xitchocon jubel che' bajche' bajlum mu' bʌ i cha' jats' jubel i colojm. Ma' contrajiñon ti cabʌl a p'ʌtʌlel. 17Ma' chʌn ac' a t'an cha'an mic taj wocol. Mi' yutsi p'ojlel a mich'lel. Motocña mi' tilel wocol tic tojlel.
18Mi che'ʌch mi caj cujtel, ¿chucoch tsa' wʌc'ʌyon quilan pañimil? Uts'at tsa'ic chʌmiyon che' cʌntʌbilon to. 19Che'ic jini mach wʌ'ic añon wʌle. Che'ic jini tsa jach bʌc' mujquiyon che' bʌ tsi' lotoyon j co'. 20Ma'anix jayp'ejl q'uin c cha'an. A wocolic cʌyʌyon cha'an mic poj c'aj co, 21jinto mic majlel ba' ma'anix mic chʌn sujtel. 22Ya' ba'an ic'ch'ipan pañimil ti pejtelel ora, ya' ba' ma'anic i sʌclel ti jini lum, mach yulilobic chuqui woli' yujtel. Lajal ti xinq'uinil che' bajche' xin ac'ʌlel. Mi' yochelob ti axñal pejtel muc'o' bʌ ti chʌmel. Tsa' ujti ti t'an Job.
Currently Selected:
JOB 10: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.