ISAIAS 16
16
1Jini tsa' bʌ puts'iyob loq'uel ti Moab cha'an mi' majlelob ti Sela woli' chocbeñob majlel alʌ tiñʌme' tac jini rey ti Judá i wenta tojoñel. 2Che' bajche' mi' lon cha'len wejlel jini mut mach bʌ anix i c'u', che'ʌch ja'el mi caj i ñumelob jini x'ixicob moabob ya' ti c'axib ja' am bʌ ti colem ja' i c'aba' Arnón. 3Jini winicob tsa' bʌ i ch'ʌmʌyob majlel tiñʌme' ya' ti Jerusalén woli' yʌlob: A wocolic aq'ueñon lojon c puts'ib. Coltañon lojon. Mach a wʌc'on lojon ti' c'ʌb j contra lojon. 4-5La' ajnicob ti a tojlel c pi'ʌlob lojon mach bʌ añobix i yotot ti Moab. Yom ma' coltan jini woli bʌ i tic'lʌntelob. Dios mi caj i yʌq'ueñet a chobejtʌbal, mi tsa' wʌq'ueyon lojon ba' mic chumtʌl lojon jinto mi' lajmel c tic'lʌntel. Che jini Dios mi caj i wa'chocon i yumʌntel David cha'an mi' yajñel ti pejtelel ora. Juntiquil xuc'ul bʌ, jini toj bʌ, mi caj i ch'ʌmben i ye'tel David, che'ob jini ch'oyolo' bʌ ti Moab.
6Tsa'ix la cubi chan mi' melob i bʌ jini moabob. Ts'a' mi' q'uelonla. Mi' p'ajonla. 7Pero mach chʌn che'ix. Wolix i cha'leñob uq'uel jini moabob. Woli la' wuc'tan jini año' bʌ ti Kirhareset cha'an ma'anix mi' melbeñetla jini dulce xʌbʌl ti ts'usub. C'uñix la' pusic'al. 8Woli la' cha'len uq'uel come cʌybilix la' chol ya' ti Hesbón yic'ot la' ts'usubil ya' ti Sibma. I yumob soldadojob tsa'ix i jisayob jini wen uts'at bʌ ts'usubil. Tsa'ix c'oti i jisañob ts'usubil c'ʌlʌl ti Jazer am bʌ ti' tiquiñal pañimil yic'ot c'ʌlʌl ti colem ñajb. 9Jini cha'an mij caj ti uq'uel cha'an Jazer yic'ot cha'an Sibma. Ma'anix i ts'usubilob. Mi caj c muletla ti' ya'lel c wut winicob añet bʌ la ti Hesbón yic'ot ti Eleale, come tsa' jisʌnti i wut la' te' yic'ot la' c'ajbal ti guerra. 10Ma'anix i tijicñʌyel la' pusic'al. Ma'anix majqui mi' cha'len c'ay ti ts'usubil. Ma'anix majqui mi' chʌn yʌts' i ya'lel ts'usub ya' ti' yajñib, come tsa'ix cʌc'ʌ ti jilel i tijicñʌyel la' pusic'al.
11Jini cha'an wen ch'ijiyem c pusic'al mi cubin cha'an Moab. Mic p'untan jini año' bʌ ti Kirhareset. 12Jini año' bʌ ti Moab mi caj i melob oración ti wocol t'an ti' tojel i diosob ya' ti bujtʌl tac. Pero lolom jach. Mach i jac'ʌyobic. 13-14Jiñʌch i t'an lac Yum tsa' bʌ i yʌlʌ cha'an Moab. Pero wʌle lac Yum wolix i yʌl uxp'ejl to jab mi caj i jilel i ñuclel Moab. Ts'ita jax jini winicob x'ixicob mu' bʌ caj i cʌytʌlob. Ma'añobix i ñuclel.
Currently Selected:
ISAIAS 16: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.