YouVersion Logo
Search Icon

ISAIAS 12

12
Wocolix i yʌlʌ Dios cha'an laj coltʌntel
1Ti jim bʌ ora mi caj a wʌl: C Yum, mic subeñet wocolix a wʌlʌ. Isujm tsa' cʌn mich'leyon, pero ti ili ora tsa'ix lajmiyet ti a mich'ajel. Tsa'ix a cha' ñuq'uesʌbeyon c pusic'al. 2Awilan, Dios jiñʌch caj coltaya. Xuc'ul mi caj c ñop. Ma'anix chuqui mi caj c bʌc'ñan, come c Yum Dios jiñʌch c p'ʌtʌlel. Jiñʌch mu' bʌ j c'ʌyin come caj coltayajʌch. 3Jini cha'an tijicña mi caj lac jac' la caj Coltaya cha'an mi lac taj lac wenlel ti' tojlel, che' bajche' mi lac luch ja' ti' loq'uib ja' che' tiquin lac ti'. 4Ti jim bʌ q'uin mi' caj la' wʌl: Wocolix i yʌlʌ lac Yum. Uts'atax i c'aba'. Suben winicob ti pejtelel pañimil cabʌl mi' c'uxbiñonla. Cabʌl jax i p'ʌtʌlel. 5C'ʌyinla lac Yum, come wen ñuc i melbal. La' cʌjnic ti pejtelel pañimil. 6Winicob chumulet bʌ la ti Jerusalén, yom mi la' pam sub ñumel ti' tijicñʌyel la' pusic'al. Come ñucatax ti la' tojlel jini Ch'ujul Bʌ ti Israel.

Currently Selected:

ISAIAS 12: ctuBI

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy