GENESIS 42
42
I yʌscuñob José tsa' majliyob ti Egipto
1Che' bĘŚ tsi' ña'ta Jacob an i bĘŚl ñʌc'ĘŚl ya' ti Egipto, tsi' subeyob i yalobilob: ÂżChucoch woli la' to'ol q'uel la' bĘŚ? che'en. 2Jacob tsi' subeyob: Awilan, tsa cubi an i bĘŚl ñʌc'ĘŚl ya' ti Egipto. Cucula. Mʌñʌla i wut jam ya'i cha'an mi laj colel ti wi'ñal ame chĘŚmiconla. 3Jini cha'an tsa' majliyob lujuntiquil i yĘŚscuñob JosĂ© cha'an mi' mʌñob trigo ya' ti Egipto. 4Pero Jacob ma'anic tsi' choco majlel BenjamĂn i yijts'in JosĂ© yic'otob, come Jacob tsi' yĘŚlĘŚ: Ame tsĘŚnsĘŚntic, che'en.
5Jini cha'an i yalobilob Israel tsa' majli i mʌñob i bʌl i ñʌc' ya' ba' woliyob ti mʌñoñel yaño' bʌ, come an wi'ñal ti pejtelel i lumal Canaán. 6José i yumʌch i lumal Egipto. Tsi' chombeyob trigo pejtel winicob. I yʌscuñob José tsa' c'otiyob. Tsi' pʌcchocoyob i bʌ ti lum ti' tojlel José.
7-8José tsi' q'uele i yʌscuñob. Tsi' cʌñʌyob pero i yʌscuñob ma'anic tsi' cʌñʌyob José. Ma'anic tsi' yʌc'ʌ i bʌ ti cʌjñel. Tsʌts tsi' pejcayob. Tsi' subeyob: ¿Baqui ch'oyoletla? che'en. Tsi' jac'ʌyob: Loq'uemon lojon ti' lumal Canaán cha'an mic mʌn i bʌl lojon c ñʌc', che'ob. 9José tsi' ña'ta i ñajal tsa' bʌ i subeyob i yʌscuñob. Tsi' subeyob: Xyojch'etla. Julemetixla cha'an mi la' q'uel ili lum, che'en. 10I yʌscuñob José tsi' subeyob: Mach xyojch'onic lojon, c yum. A winicon lojon. Tsa' tili c mʌn lojon i bʌl lojon c ñʌc'. 11Tic pejtel lojon juntiquil jach c tat lojon. Isujm chuqui mic subeñet lojon. Mach xyojch'onic lojon, che'ob.
12José tsi' subeyob: Julemetixla cha'an mi la' q'uel jini lum ba' ma'anic cabʌl xcʌnta tejclumob, che'en. 13I yʌscuñob tsi' yʌlʌyob: Lajchʌntiquilon lojon. C pi'ʌlon lojon c bʌ. A winicon lojon. Ya'an c tat lojon ya ti' lumal Canaán yic'ot jini cojix bʌ i yalobil. Jini yambʌ mach ya'ix an, che'ob. 14José tsi' subeyob: Jiñʌch tsa' bʌ c subeyetla. Xyojch'etla. 15Mi caj j q'uelbeñetla la' pusic'al. Ma'anic mi caj la' loq'uel wʌ'i mi ma'anic tsa' juli cojax bʌ a xut ijts'in. Mic wa'chocon jini t'an ti' c'aba Faraón. 16Yajcanla juntiquil ti la' tojlel. Chocola majlel i pʌy tilel la' wijts'in. Mi caj c ñup'etla ti mʌjquibʌl jinto mi' julel cha'an mic ña'tan mi isujmʌch la' t'an. Mi mach isujmic, mux caj la' toj ti Faraón cha'an xyojch'etla, che'en.
17José tsi' tem otsayob ti mʌjquibʌl ti pejtelelob. Ya' añob uxp'ejl q'uin. 18Che' ti yuxp'ejlel q'uin José tsi' subeyob: Melela che' bajche' mic subeñetla cha'an mi la' coltan la' bʌ, come mic bʌc'ñan Dios. 19Mi isujm chuqui tsa' la' subeyon, la'to cʌlec juntiquil ti mʌjquibʌl. Cucula ti sujtel. Ch'ʌmʌla majlel i bʌl ñʌc'ʌl cha'an mi la' t'oxben la' pi'ʌlob. 20Pʌyʌla tilel la' xut ijts'in mi isujmʌch la' t'an. Che' jini mi caj cʌq'uetla ti colel, che'en José. Che'ʌch tsa' caji i melob. 21Tsi' subeyob i bʌ: Isujm an lac mul cha'an la quijts'in. Tsa' la quilʌbe i wocol i pusic'al José che' bʌ tsi' c'ajtibeyonla ti wocol t'an cha'an mi lac p'untan. Ma'anic tsa' lac jac'ʌ, che'ob.
22Rubén tsi' subeyob: ¿Mach ba anic tsac subeyetla mach la' cha'len mulil ti' contra jini ch'iton? Pero ma'anic tsa' la' jac'beyon. Jini cha'an an ti lac wenta i ch'ich'el José, che'en. 23Tsi' lon ña'tayob ma'anic woli' ch'ʌmben isujm José, come ya'an i yaj ñusa t'an ti' tojlelob. 24José tsa' poj loq'ui majlel. Tsa' cha' tili i pejcañob. Tsi' chucu Simeón. Tsi' cʌchʌ ti' tojlel i pi'ʌlob. 25Tsi' yʌc'ʌ i t'an José cha'an mi' but'bentel i coxtal tac ti trigo, cha'an mi' mucul sutq'uibentelob i taq'uin ti' mal i coxtal ti jujuntiquilob. Tsi' cha'le mandar cha'an mi' yʌq'uentelob ja'el i bʌlob i ñʌc' cha'an mi' c'uxob ti bij. Che'ʌch tsa' mejli.
26Tsi' p'ʌtbeyob i cuch jini burro tac but'ul bʌ ti trigo. Tsa' majliyob. 27Ya' ba' tsa' wʌyiyob ti ac'ʌlel juntiquil tsa' caji' jitben i ti' i coxtal cha'an mi' yʌq'uen i buc'bal i burro. Tsi' q'uele i taq'uin ti mal coxtal. 28Tsi' subeyob i pi'ʌlob: Cha' wʌ'ix an i tojol jini trigo. Wʌ'an ti' ti' coxtal, che'en. Jini cha'an tsa' cajiyob ti cabʌl bʌq'uen. Tsiltsilñayob ti bʌq'uen tsa' caji i joy pejcañob i bʌ ti jujuntiquil. Tsi' yʌlʌyob: ¿Chuqui tsi' melbeyonla Dios? che'ob.
29Che' bʌ tsa' c'otiyob ya' ba'an Jacob i tat ya' ti' lumal Canaán, tsi' subeyob pejtel chuqui tsa' tumbentiyob. 30Tsi' yʌlʌyob: Jini winic, i yum jini lum, tsʌts tsi' pejcayon lojon. Tsi' yʌlʌ xyojch'on lojon. 31Tsac sube lojon: “Tsa'ix tiliyon lojon ti mʌñoñel. Mach xyojch'onic lojon. 32Lajchʌntiquilon lojon. C pi'ʌl lojon c bʌ. I yalobilon lojon c tat. Juntiquil tsa'ix chʌmi. Jini cojix bʌ quijts'in lojon ya'to an yic'ot c tat lojon ya' ti' lumal Canaán”, cho'on tsac sube lojon. 33Jini cha'an tsi' subeyon lojon: “Melela che' bajche' mic subeñetla cha'an mic ña'tan mi i sujmʌch la' t'an. La' cʌlec juntiquil quic'ot. Ch'ʌmʌla i bʌl ñʌc'ʌl cha'an mi la' t'oxbeñob la' pi'ʌlob ti la' wotot. Cucula ti sujtel. 34Pʌyʌla tilel ba' añon jini cojix bʌ la' wijts'in. Che' jini mi caj c ña'tan mach xyojch'eticla. Mi caj c cha' col la' weran. Mi caj la' cha'len choñoñel mʌñoñel tic lumal”. Che' tsi' subeyon lojon, che'ob.
35Tsa' caji' jochtesañob i coxtal. Awilan, ya' lĘŚtsĘŚl i taq'uin jujuntiquil winic ti mal i coxtal. Che' bĘŚ tsi' q'ueleyob i taq'uin tsa' cajiyob ti bĘŚq'uen jini winicob yic'ot i tat. Tsi' yĘŚlĘŚyob: ÂżChuqui tsi' melbeyonla Dios? che'ob. 36Jacob tsi' subeyob: Meba'on cha'an tsa'ix la' pĘŚyĘŚ majlel cha'tiquil calobilob. JosĂ© ma'anix tsiquil. Ma'anix tsiquil SimeĂłn. WĘŚle la' womix la' pĘŚy majlel BenjamĂn. Pejtelel jini wocol woli' jisañon, che'en.
37RubĂ©n tsi' sube i tat: Yom ma' tsĘŚnsan jini cha'tiquil ch'iton bĘŚ calobilob mi ma'anic mic cha' julel quic'ot BenjamĂn. Mi tsa' wĘŚc'ĘŚ tic wenta BenjamĂn, mux c cha' pĘŚy tilel ba' añet, che'en. 38Pero Jacob tsi' sube: Ma'anic mi caj i majlel calobil a wic'ot, come tsa'ix chĘŚmi i yĘŚscun. Jini jach tsa' cĘŚle quic'ot. Mi tsi' yubi wocol calobil ti bij ya' ba' samiyetla, che' jini mux c chĘŚmel cha'an i ch'ijiyemlel c pusic'al, che'en.
Currently Selected:
GENESIS 42: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.