ESDRAS 10
10
Tsa' chojquiyob loq'uel jini x'ixicob parte bʌ i lumal
1Che' woli ti oración jini Esdras, pʌcʌl ti lum woli ti uq'uel. Woli' tsictesʌbeñob i mul israelob ya' ti' tojel i Templo Dios. Tsi' tempayob tilel i bʌ cabʌl israelob ti' joytʌlel Esdras, winicob, x'ixicob yic'ot alʌlob. Ti' pejtelelob woliyob ti uq'uel. 2Secanías (i yalobil Jehiel loq'uem bʌ ti' pi'ʌlob Elam) tsi' sube Esdras: Tsa'ix c cha'le lojon mulil ti' contra Dios, come tsa'ix c pʌyʌ lojon cha'an quijñam jini xch'ocob ch'oyolo' bʌ ti yambʌ tejclum tac. Anquese che'ʌch tsac mele lojon pero anto i pijtaya Israel. 3La' cʌc' lojon c t'an ti' tojlel Dios cha'an mic choc lojon loq'uel jini x'ixicob yic'ot i yalobilob cha'an mic mel lojon che' bajche' tsi' cʌntesayon lojon lac Yum. Che'ʌch mi' yʌlob ja'el pejtel mu' bʌ i bʌc'ñañob Dios. Mux c mel lojon che' bajche' ts'ijbubil ti mandar. 4Ch'ojyen. P'ʌtesan a bʌ. An ti a wenta cha'an ma' pʌsbeñon lojon bajche' yom mic mel lojon. Mi caj c jac'beñet lojon, che'en Secanías.
5Tsa' wa'le Esdras. Tsi' subeyob i yumob motomajob yic'ot i yumob levíjob yic'ot pejtelel israelob cha'an mi' chocob loq'uel jini x'ixicob che' bajche' tsi' yʌlʌ Secanías. Tsi' laj jac'ʌyob. 6Esdras tsa' loq'ui ti Templo. Tsa' majli ti' tsalʌl Johanán (i yalobil Eliasib), pero ma'anic chuqui tsi' c'uxu, ma'anic chuqui tsi' japʌ. Come wen cabʌl i ch'ijiyemal i pusic'al cha'an ti' caj i mulob jini tsa' bʌ sujtiyob tilel ti' lumal.
7-8Tsi' choco ti pʌyol pejtel jini chumulo' bʌ ti Judá yic'ot ti Jerusalén. Tsi' subeyob cha'an mi' tempañob i bʌ ya' ti Jerusalén pejtelel israelob, i yalobilob jini tsajniyo' bʌ ti cʌjchel. An ti' wenta jini año' bʌ i ye'tel cha'an mi' chilbeñob i chubʌ'an jini mach bʌ anic mi' c'otelob ti uxp'ejl q'uin. Mi caj i chocob loq'uel ti Templo ja'el. 9Che' ti yuxp'ejlel q'uin, che' ti 5 de diciembre, tsi' tempayob i bʌ ya' ti' tojel jini Templo ti Jerusalén pejtelel jini winicob año' bʌ ti Judá yic'ot ti Benjamín. Tsiltsilñayob bʌq'uen yic'ot cha'an cabʌl ja'lel. 10Jini motomaj Esdras tsi' subeyob: Tsa'ix la' cha'le mulil, come tsa'ix la' pʌyʌ la' wijñam ch'oyolo' bʌ ti yambʌ lum. Tsa'ix la' p'ojlesʌbe i mul Israel ti' wut Dios. 11Suben la' mul lac Yum, i Dios lac ñojte'elob. Melela che' bajche' yom Dios. Tʌts'ʌ la' bʌ ti' tojlel jini ch'oyolo' bʌ ti yambʌ tejclum tac. Chocola loq'uel jini x'ixicob parte bʌ i lumal. Che' tsi' yʌlʌ Esdras.
12Ti' pejtelelob tsi' jac'ʌyob ti c'am bʌ t'an: Mu' cu caj c mel lojon che' bajche' wola' wʌl. 13Pero wen bajc'ʌlon lojon. Mach jasʌlic jump'ejl cha'p'ejl q'uin cha'an mi' yujtel ili e'tel. Woli ja'al. Mach mejlix c chʌn ajñel lojon ti jumpat. 14La' wa'choconticob año' bʌ i ye'tel ti jujump'ejl tejclum cha'an mi' melon lojon quic'ot pejtel tsa' bʌ i pʌyʌyob jini x'ixicob ch'oyolo' bʌ ti yambʌ lum. La' i wʌn subob i yorajlel che' mi caj i yujtel jini meloñel tic tojlel lojon. Che' jini mi caj i lajmel i mich'ajel Dios tic tojlel lojon, che'ob. 15Cojach Jonatán (i yalobil Asael) yic'ot Jahazías (i yalobil Ticva) mach yomic i jac'ob. Mesulam yic'ot jini leví Sabe tsi' xiq'uiyob.
16-19I colojbal israelob, i yalobilob jini tsajniyo' bʌ ti cʌjchel, tsi' meleyob chuqui toj. Jini motomaj Esdras tsi' wa'choco año' bʌ i ye'tel ti' tojlel israelob ti mojt ti mojt. Laj i p'olbalob i yalobilob Israel. Tsi' techeyob i ye'tel che' ti 15 de diciembre. Tsa' ujti jini e'tel che' ti 15 de marzo. Jini motomajob tsa' bʌ i pʌyʌyob i yijñam ti yambʌ tejclum tac tsi' yʌc'ʌyob i t'an cha'an mi' cha' sujtelob. Tsi' ch'ʌmʌyob tilel tat tiñʌme' tac. Tsi' yʌq'ueyob lac Yum che' bajche' yom cha'an mi' ñusʌbentelob i mul. I yalobilob Jesúa (i yalobil bʌ Josadac): Maasías, Eliezer, Jarib, Gedalías. 20I yalobilob Imer: Hanani, Zebadías. 21I yalobilob Harim: Maasías, Elías, Semaías, Jehiel, Uzías. 22I yalobilob Pasur: Elioenai, Maasías, Ismael, Natanael, Jozabad, Elasa. 23Jini levíjob año' bʌ i mul: Jozabad, Simei, Kelaía (Kelita), Petaías, Judá, Eliezer. 24Jini yujil bʌ c'ay: Eliasib. Jini xcʌntati' ototob: Salum, Telem, Uri. 25Jini yaño' bʌ israelob año' bʌ i mul jiñobʌch: I pi'ʌlob Paros: Ramía, Jezías, Malquías, Mijamín, Eleazar, Malquías, Benaía. 26I pi'ʌlob Elam: Matanías, Zacarías, Jehiel, Abdi, Jeremot, Elías. 27I pi'ʌlob Zatu: Elioenai, Eliasib, Matanías, Jeremot, Zabad, Aziza. 28I pi'ʌlob Bebai: Johanán, Hananías, Zabai, Atlai. 29I pi'ʌlob Bani: Mesulam, Maluc, Adaía, Jasub, Seal, Ramot. 30I pi'ʌlob Pahat Moab: Adna, Quelal, Benaía, Maasías, Matanías, Bezaleel, Binúi, Manasés. 31-32I pi'ʌlob Harim: Eliezer, Isías, Malquías, Semaías, Simeón, Benjamín, Maluc, Semarías. 33I pi'ʌlob Hasum: Matenai, Matata, Zabad, Elifelet, Jeremai, Manasés, Simei. 34-42I pi'ʌlob Bani: Madai, Amram, Uel, Benaía, Bedías, Quelúhi, Vanías, Meremot, Eliasib, Matanías, Matenai, Jaasai, Bani, Binúi, Simei, Selemías, Natán, Adaía, Macnadebai, Sasai, Sarai, Azareel, Selemías, Semarías, Salum, Amarías, José. 43I pi'ʌlob Nebo: Jeiel, Matatías, Zabad, Zebina, Jadau, Joe, Benaía.
44Pejtel ili winicob ochemo' bʌ i c'aba' ila ti jun tsi' pʌyʌyob i yijñam ti yambʌ tejclum tac. Lamital añobix i yalobil yic'ot jini x'ixicob.
Currently Selected:
ESDRAS 10: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.