Zakari 7
7
D’el ta d’a yam b’laka hi Jerusalem-mba
1Kur biza d’a fid’i d’a Dariyus nga mi tamulid’a, kur bur ma fid’ina hi til ma zlengîna kur til ma Kisleu-na, Ma didina mi dan zlad’a. 2Suma Betel-lâ a sunï Sareser ki Regem-Melek zlapa ki suma dingâ kur gong nga kud’ora hi Ma didin ma ad’engêm kal petnid’a á tchen Ma didina, 3á djop suma ngat buzuna ki suma djok vuna ala: Na ni ami tchimi d’elemi tami bei te tena kur til ma vahlâ baba d’igi ami nga lami avok dei hina zu?
4Ma didin ma ad’engêm kal petna, mi dan ala: 5Ang de mi suma yam ambas sa wandina ki suma ngat buzuna mi ala:
Ata yima agi nga tchigi d’elegi tagi bei te tena
kur til ma vahlâ kur til ma kid’iziyana
gak ini biza d’a dok kid’iziyana,
ná lan tan djivid’a zu?
6Ata yima agi nga tagi agi nga tchagina,
ná lagi agi tagi djivid’a d’uo zu?
7Agi wagi nga zla d’a Ma didina mi dat mi suma djok vuna kid’a Jerusalem nga kaka tchugot kazì ma nglo ma nguyutna ata yima suma a i kak abo ma sutna ki hur fulina mi d’a d’uo zu?
8Ma didina mi dan ala: 9Ang ge hum suma yam zla d’a an Ma didin ma ad’engên kal petna ni dat adjeu ala:
Agi kagi sariya d’a d’ingêra,
agi wagi hohou tagiya,
10agi kid’eyêgi ir atcha d’a modonod’a
d’oze ma hokuyod’a d’oze angeina
d’oze ma houd’a d’i,
agi lagi tagi tchod’a d’uo mi d’a.
11Wani azi noî á humba, azi han azigaziya, a tos humazi woi á humba mi. 12Azi b’al huruzi ad’enga d’igi kaweina na, azi min nga á tit yam gata hi an Ma didin ma ad’engên kal petna d’a an djogozizi kur Muzuk mana avun suma djok vuna adjeud’a d’i. Ata yi máma an hurun zal ngola, 13an Ma didin ma ad’engên kal petna ni dala:
Kayamba azi humun nga d’uo
ata yima an yazinid’a,
fata azi yan ala an ndjunuziya d’a,
an nga ni humuzi d’uo mi.
14An ni ndjoyôzi woi
aduk andjaf suma ding
suma azi wazi nga d’uo na.
Ambas mazid’a ti b’lak kei blogoziya.
Sama mi nde woi kua mi hulong mi kal kuana nga d’i,
ambas sa djivid’a, azi mbud’ut djona.
Currently Selected:
Zakari 7: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Zakari 7
7
D’el ta d’a yam b’laka hi Jerusalem-mba
1Kur biza d’a fid’i d’a Dariyus nga mi tamulid’a, kur bur ma fid’ina hi til ma zlengîna kur til ma Kisleu-na, Ma didina mi dan zlad’a. 2Suma Betel-lâ a sunï Sareser ki Regem-Melek zlapa ki suma dingâ kur gong nga kud’ora hi Ma didin ma ad’engêm kal petnid’a á tchen Ma didina, 3á djop suma ngat buzuna ki suma djok vuna ala: Na ni ami tchimi d’elemi tami bei te tena kur til ma vahlâ baba d’igi ami nga lami avok dei hina zu?
4Ma didin ma ad’engêm kal petna, mi dan ala: 5Ang de mi suma yam ambas sa wandina ki suma ngat buzuna mi ala:
Ata yima agi nga tchigi d’elegi tagi bei te tena
kur til ma vahlâ kur til ma kid’iziyana
gak ini biza d’a dok kid’iziyana,
ná lan tan djivid’a zu?
6Ata yima agi nga tagi agi nga tchagina,
ná lagi agi tagi djivid’a d’uo zu?
7Agi wagi nga zla d’a Ma didina mi dat mi suma djok vuna kid’a Jerusalem nga kaka tchugot kazì ma nglo ma nguyutna ata yima suma a i kak abo ma sutna ki hur fulina mi d’a d’uo zu?
8Ma didina mi dan ala: 9Ang ge hum suma yam zla d’a an Ma didin ma ad’engên kal petna ni dat adjeu ala:
Agi kagi sariya d’a d’ingêra,
agi wagi hohou tagiya,
10agi kid’eyêgi ir atcha d’a modonod’a
d’oze ma hokuyod’a d’oze angeina
d’oze ma houd’a d’i,
agi lagi tagi tchod’a d’uo mi d’a.
11Wani azi noî á humba, azi han azigaziya, a tos humazi woi á humba mi. 12Azi b’al huruzi ad’enga d’igi kaweina na, azi min nga á tit yam gata hi an Ma didin ma ad’engên kal petna d’a an djogozizi kur Muzuk mana avun suma djok vuna adjeud’a d’i. Ata yi máma an hurun zal ngola, 13an Ma didin ma ad’engên kal petna ni dala:
Kayamba azi humun nga d’uo
ata yima an yazinid’a,
fata azi yan ala an ndjunuziya d’a,
an nga ni humuzi d’uo mi.
14An ni ndjoyôzi woi
aduk andjaf suma ding
suma azi wazi nga d’uo na.
Ambas mazid’a ti b’lak kei blogoziya.
Sama mi nde woi kua mi hulong mi kal kuana nga d’i,
ambas sa djivid’a, azi mbud’ut djona.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.