Zak 4
4
‑Laagɔzɔan 'la ‑walʋa ‑glɩ Laagɔ 'la zɔbhɛlɩlɩɛ
1'Ndagbazɩ 'tʋa ɩya tavʋlɩɛa ɩ ‑kʋ anyɩ sidiin na, ɩ 'wlʋlʋa 'lɛ bha? Lɩɩa 'la 'tʋa ‑ʋ bhla 'lɛ anyɩ 'nyɩ ala 'nyɛka ‑yɩɩsɩ 'tɩtɔ 'lɛ na, ‑n 'ta ɩmɩ nɩkplaan ɩ 'wlʋlʋ 'ta 'lɛ bha? 2Ala pɔlɩa gɩɩ lɩɩ, 'nyɩ 'a mino 'ta ɩya a 'kɩɩ 'lɩ. Ɩ gba na, a ‑glɩ ncaabhlanya, a pla woze 'nyɩ 'a 'wɩ 'ta. A 'tɩtɔ, 'nyɩ a vʋ tʋ. A 'ta ‑ka, ‑ofi lebhe 'a 'clalɩ 'ta. 3A 'clalɩ, 'nyɩ 'a 'lɩ 'ta, ‑ofi lebhe a 'ta 'clalɩsa ‑ci. Sa ka a 'clalɩ 'lɛ le a 'kɩɩ lɩɩa ‑ɩ ‑ka 'lɛ anyɩ 'tʋ na nɩkplaan nyumonu. 4Ma cɩ 'ta anyɩ ‑delikʋtɛbhalɩ! A 'ta sɛɛ ‑ci lebhe ‑laagɔzɔan 'la ‑walʋa ‑glɩ Laagɔ 'la zɔbhɛlɩlɩɛ bha? Ɔmɔa ‑ɔ ‑wa 'lɛ lebhe ɔ 'ka ‑laagɔzɔan 'nagɔ 'plɩ na, ka ɔ plɩ 'lɛ Laagɔ 'la ‑zɔbhɛlɩgbanyɔ. 5Ka a gugu 'lɛ lebhe 'kpɔkpɔsa Zieziewɔlɩa* cla 'lɛ lebhe: 'Wugoa Laagɔ zʋ 'lɛ ‑anyɩ nɩkplaan na ɔ pla ʋla woze bha? 6‑Ma ɔla dananɔa ɔ pala 'lɛ ‑anyɩ na, ʋ 'ghli ‑awlɛ ‑gbɔɔn. Ɩmɩ 'wluku Zieziewɔlɩa cla 'lɛ lebhe: Laagɔ mʋnʋ ‑tutulelinyaa gbatlɩ, ‑ma ɔ pala ɔla ‑dananɔa maa ‑ɔ la 'lɛ macɩ ‑dʋdʋ 'kʋ na. 7Na, a ‑la acɩ ‑dʋdʋ 'kʋ ɩya a 'nyɩ Laagɔ, ɩya a mʋnʋ gɔzɛ gbatlɩ, ɩya ɛ 'ka 'gu, ɛ 'ka anyɩ cɩɩnwlʋlʋ. 8A mɛ Laagɔ cɩ, ɩya ɔ 'ka anyɩ cɩmɛ. Nyinyinʋnyanyɩ, a wɔlʋ wlɩ, yooyo ncɛlɩnyɩ, a ‑kplɔ pɔlɛɛn! 9A cibhlili acɩ 'la ŋaazɩ ɩya a 'tu. A kʋ 'kuzluun. 'Naa ala ‑glaanyʋa kaci 'nʋgbʋ, ɩya ala pɔlɛkʋmɛnɔa kaci cɩɩnkalɔ. 10A ‑la acɩ ‑dʋdʋ 'kʋ ‑Kwlenyɔ ‑deliin, ɩya ɔ 'ka anyɩ 'kʋbho.
11Bholiecɩnyɩ, a 'la nyɩtɛa a 'ye 'la wɔɔnyinyi, sa ɔmɔa ‑ɔ nyɩtɛ 'lɛ ɔ bholi 'la wɔɔnyinyi, ‑aana ‑ɔ plɔɔ 'lɛ 'tɩtɩ na, ‑jlɩmaa 'la wɔɔnyinyi ɔ nyɩtɛ 'lɛ, ama ɔ pla 'lɛ 'tɩtɩ. 'Nyɩ ‑n ‑ka ‑jlɩmaa 'tɩtɩpla na, ‑n 'ta 'ka ‑n 'plɩlɩ 'tanɩa 'lɛ 'kʋ, ‑ma ala 'tɩtɩplanyɔ ‑n ‑glɩnɩ 'lɛ. 12Ɔmɔa ‑ɔ zʋ 'lɛ ‑jlɩmaa kpo 'kʋ, 'nyɩ ‑ɔ ‑glɩ 'lɛ 'tɩtɩplanyɔa na, ɔ ‑glɩ bhlo. Ɔmɔ bhloo ‑ɔ mino 'lɛ 'nyɩ ‑ɔ sa 'lɛ nclɔɔ gbʋʋn, ‑aana ‑ɔ mlɔɔ 'lɛ. ‑Ma ‑mɔɔ, 'lɩsaa ‑n ‑glɩa 'lɛ, 'nyɩ ‑n plaa 'lɛ ‑n 'yʋ 'tɩtɩ bha?
A 'la lia ‑tutulee
13Na, anyɩa ‑ɔ cla 'lɛ lebhe: «‑Yaka ‑aana cɩpa, ‑a -cɩ ka duu ‑naa 'kʋ mʋ, ‑a ka 'yɛpɩ liowlu li, ‑a ka 'kɔsɛ yla ɩya ‑a ka ‑zaa 'lɩ» na, 14a 'ta 'lɛ saa 'titia ala 'pʋpʋa 'kʋ cɩ 'ka 'lɛ ‑cɩpa kʋkʋlʋ na ‑ylɛylɛ ‑ci, ‑ofi lebhe ka ala gbɩa ‑kʋ 'lɛ le woowoa ‑ʋ futo 'lɛ 'nyɩ ɩla leen, ma 'lɩ 'tanɩ 'lɛ na. 15A 'la ka 'lɛ 'cla lebhe: «‑Kwlenyɔ ‑ka ŋonu na, ‑a cɩ ‑ka jabhʋ 'lɩ, ɩya ‑a ka ‑sa ‑aana ‑sa nʋ» na, 16ka a kpoli 'lɛ gbɩɩn 'nyɩ a plɩ 'lɛ. ‑Sa 'la gbɩɩnkpoliea ‑tɛtɛa ‑glɩ wɔɔnyinyi. 17Na, ɔmɔa ‑ɔ ‑ci 'lɛ 'nanɩ nʋsa, 'nyɩ ‑ɔ nʋ 'tɩɩ 'lɛ na, nyinyi 'la ‑tobhu ɔ slo 'lɛ ɔcɩ.
Currently Selected:
Zak 4: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Zak 4
4
‑Laagɔzɔan 'la ‑walʋa ‑glɩ Laagɔ 'la zɔbhɛlɩlɩɛ
1'Ndagbazɩ 'tʋa ɩya tavʋlɩɛa ɩ ‑kʋ anyɩ sidiin na, ɩ 'wlʋlʋa 'lɛ bha? Lɩɩa 'la 'tʋa ‑ʋ bhla 'lɛ anyɩ 'nyɩ ala 'nyɛka ‑yɩɩsɩ 'tɩtɔ 'lɛ na, ‑n 'ta ɩmɩ nɩkplaan ɩ 'wlʋlʋ 'ta 'lɛ bha? 2Ala pɔlɩa gɩɩ lɩɩ, 'nyɩ 'a mino 'ta ɩya a 'kɩɩ 'lɩ. Ɩ gba na, a ‑glɩ ncaabhlanya, a pla woze 'nyɩ 'a 'wɩ 'ta. A 'tɩtɔ, 'nyɩ a vʋ tʋ. A 'ta ‑ka, ‑ofi lebhe 'a 'clalɩ 'ta. 3A 'clalɩ, 'nyɩ 'a 'lɩ 'ta, ‑ofi lebhe a 'ta 'clalɩsa ‑ci. Sa ka a 'clalɩ 'lɛ le a 'kɩɩ lɩɩa ‑ɩ ‑ka 'lɛ anyɩ 'tʋ na nɩkplaan nyumonu. 4Ma cɩ 'ta anyɩ ‑delikʋtɛbhalɩ! A 'ta sɛɛ ‑ci lebhe ‑laagɔzɔan 'la ‑walʋa ‑glɩ Laagɔ 'la zɔbhɛlɩlɩɛ bha? Ɔmɔa ‑ɔ ‑wa 'lɛ lebhe ɔ 'ka ‑laagɔzɔan 'nagɔ 'plɩ na, ka ɔ plɩ 'lɛ Laagɔ 'la ‑zɔbhɛlɩgbanyɔ. 5Ka a gugu 'lɛ lebhe 'kpɔkpɔsa Zieziewɔlɩa* cla 'lɛ lebhe: 'Wugoa Laagɔ zʋ 'lɛ ‑anyɩ nɩkplaan na ɔ pla ʋla woze bha? 6‑Ma ɔla dananɔa ɔ pala 'lɛ ‑anyɩ na, ʋ 'ghli ‑awlɛ ‑gbɔɔn. Ɩmɩ 'wluku Zieziewɔlɩa cla 'lɛ lebhe: Laagɔ mʋnʋ ‑tutulelinyaa gbatlɩ, ‑ma ɔ pala ɔla ‑dananɔa maa ‑ɔ la 'lɛ macɩ ‑dʋdʋ 'kʋ na. 7Na, a ‑la acɩ ‑dʋdʋ 'kʋ ɩya a 'nyɩ Laagɔ, ɩya a mʋnʋ gɔzɛ gbatlɩ, ɩya ɛ 'ka 'gu, ɛ 'ka anyɩ cɩɩnwlʋlʋ. 8A mɛ Laagɔ cɩ, ɩya ɔ 'ka anyɩ cɩmɛ. Nyinyinʋnyanyɩ, a wɔlʋ wlɩ, yooyo ncɛlɩnyɩ, a ‑kplɔ pɔlɛɛn! 9A cibhlili acɩ 'la ŋaazɩ ɩya a 'tu. A kʋ 'kuzluun. 'Naa ala ‑glaanyʋa kaci 'nʋgbʋ, ɩya ala pɔlɛkʋmɛnɔa kaci cɩɩnkalɔ. 10A ‑la acɩ ‑dʋdʋ 'kʋ ‑Kwlenyɔ ‑deliin, ɩya ɔ 'ka anyɩ 'kʋbho.
11Bholiecɩnyɩ, a 'la nyɩtɛa a 'ye 'la wɔɔnyinyi, sa ɔmɔa ‑ɔ nyɩtɛ 'lɛ ɔ bholi 'la wɔɔnyinyi, ‑aana ‑ɔ plɔɔ 'lɛ 'tɩtɩ na, ‑jlɩmaa 'la wɔɔnyinyi ɔ nyɩtɛ 'lɛ, ama ɔ pla 'lɛ 'tɩtɩ. 'Nyɩ ‑n ‑ka ‑jlɩmaa 'tɩtɩpla na, ‑n 'ta 'ka ‑n 'plɩlɩ 'tanɩa 'lɛ 'kʋ, ‑ma ala 'tɩtɩplanyɔ ‑n ‑glɩnɩ 'lɛ. 12Ɔmɔa ‑ɔ zʋ 'lɛ ‑jlɩmaa kpo 'kʋ, 'nyɩ ‑ɔ ‑glɩ 'lɛ 'tɩtɩplanyɔa na, ɔ ‑glɩ bhlo. Ɔmɔ bhloo ‑ɔ mino 'lɛ 'nyɩ ‑ɔ sa 'lɛ nclɔɔ gbʋʋn, ‑aana ‑ɔ mlɔɔ 'lɛ. ‑Ma ‑mɔɔ, 'lɩsaa ‑n ‑glɩa 'lɛ, 'nyɩ ‑n plaa 'lɛ ‑n 'yʋ 'tɩtɩ bha?
A 'la lia ‑tutulee
13Na, anyɩa ‑ɔ cla 'lɛ lebhe: «‑Yaka ‑aana cɩpa, ‑a -cɩ ka duu ‑naa 'kʋ mʋ, ‑a ka 'yɛpɩ liowlu li, ‑a ka 'kɔsɛ yla ɩya ‑a ka ‑zaa 'lɩ» na, 14a 'ta 'lɛ saa 'titia ala 'pʋpʋa 'kʋ cɩ 'ka 'lɛ ‑cɩpa kʋkʋlʋ na ‑ylɛylɛ ‑ci, ‑ofi lebhe ka ala gbɩa ‑kʋ 'lɛ le woowoa ‑ʋ futo 'lɛ 'nyɩ ɩla leen, ma 'lɩ 'tanɩ 'lɛ na. 15A 'la ka 'lɛ 'cla lebhe: «‑Kwlenyɔ ‑ka ŋonu na, ‑a cɩ ‑ka jabhʋ 'lɩ, ɩya ‑a ka ‑sa ‑aana ‑sa nʋ» na, 16ka a kpoli 'lɛ gbɩɩn 'nyɩ a plɩ 'lɛ. ‑Sa 'la gbɩɩnkpoliea ‑tɛtɛa ‑glɩ wɔɔnyinyi. 17Na, ɔmɔa ‑ɔ ‑ci 'lɛ 'nanɩ nʋsa, 'nyɩ ‑ɔ nʋ 'tɩɩ 'lɛ na, nyinyi 'la ‑tobhu ɔ slo 'lɛ ɔcɩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.