Zak 2
2
A 'la gbazlɩlɩa nɩkplaan
1N bholiecɩnyɩ, ala pɔɔtɛtɛa a zʋ 'lɛ ‑ala ‑Kwlenyɔ Zozi Klisi, 'klʋagba ‑yelio 'lɛ na 'kʋ na, a 'la 'cakalɩa ɛya nɩkplaangbazlɩlɩlɩɛ. 2‑Baasakpa, a ya 'wluwlalɩ 'nyɩ nclɔɔa ‑ɔ ‑zʋɔ 'lɛ ‑asɩkɛkpatlʋwʋ, 'nyɩ -ɔ ‑pla 'lɛ 'nanɩ nɩkplaan na, ya anyɩ sidiin ble, 'nyɩ ŋaazɩnyɔ ‑ma, ‑ɔ ‑pla 'lɛ lokuzɩ nɩkplaan na, ya ble. 3Na, gbazɩ a ‑ka nclɔɔa ‑ɔ ‑pla 'lɛ loku 'nanɩa nɩkplaan na bu, 'nyɩ a ‑kɔɔ 'cla lebhe: «‑Mɔɔ, 'maa 'plɩ ‑gɩgada ‑naa ɩya ‑n kʋsa,» 'nyɩ a ‑ka ŋaazɩnyɔa 'claa lebhe: «‑Mɔ, 'nylugo ‑da,» ‑aana «‑wlɔlʋʋn ‑deliin sa» na, 4ka a 'ta 'lɛ nɩkplaangbazlɩlɩ bha? ‑Kplakplatɩtɩ a 'ta 'lɛ ‑pla bha?
5'Na ‑wawabholiecɩnyɩ, a po 'nyukwliin. Maa ‑laagɔzɔan la 'lɛ ŋaazɩnya na, ‑n 'ta Laagɔ ‑ɔ 'ta 'lɛ maa de sla, le ɔ 'ka maa pɔɔtɛtɛ nɩkplaan nyɩbhɛlɩ ple, ɩya ma 'ka Nyɩbhɛlɩdua ɔ ta 'lɛ ‑ndanyɩ le ɔ cɩ maa ‑ɔ ‑wɔɔ 'lɛ na 'nyɩ na, ‑aja 'kʋ lili bha? 6‑Ma anyɩ, a bu 'ta ŋaazɩnyɔ. Nyɩbhɛlɩa, ‑n 'ta maa ‑ɔ ‑sa 'ta 'lɛ anyɩ gbaylɩ bha? ‑N 'ta ‑awlɛ maa ‑ɔ fa 'ta 'lɛ anyɩ 'tɩtɩplajliia nɩkplaan bha? 7‑N 'ta maa ‑ɔ nyumo 'ta 'lɛ 'ŋlɩ 'nanɩa Laagɔ zʋ 'lɛ anyɩ na bha?
8Zieziewɔlɩa* cla lebhe: «Wabha ‑n 'yʋ le saa ‑mɔ 'titi ‑n ‑wa 'lɛ ‑ncɩ na.» Na, gbazɩ a ‑ka Nyɩbhɛlɩdua 'la ‑jlɩmaa 'kʋ 'plɩlɩ, saa Zieziewɔlɩa bhli 'lɛ na, 'nanɩ a nʋ 'lɛ. 9‑Ma gbazɩ a ‑ka nɩkplaan gbazlɩlɩ na, nyinyi a nʋ 'lɛ, 'nyɩ ‑jlɩmaa gʋa anyɩ, ‑ofi lebhe a yaa tʋ. 10‑Masa, nclɔɔ ‑ka ‑jlɩmaa ‑tɛtɛa 'kʋ 'plɩlɩ, 'nyɩ ɔ ‑ka bhlogbɩɩ 'titi te na, 'a 'fɩan ɔ ya 'lɛ tʋ. 11Sa ɔmɔa ‑ɔ 'cla 'lɛ lebhe: «‑Naa 'matɩa ‑n 'yʋ nʋŋlɔ» na, ɔmɔ ‑sakasaka ‑ɔ 'cla ‑awlɛ 'lɛ lebhe: «‑Naa 'bhlaa nclɔɔ.» 'Nyɩ, ka ‑n 'ta 'yʋ nʋŋlɔ 'matɩ, 'nyɩ ‑n ‑ka nclɔɔ 'bhla na, ‑jlɩmaa ‑n ya 'lɛ tʋ. 12Na, a nyɩtɛ ɩya a nʋ le ncɛlɩa ma cɩ 'ka 'lɛ ‑jlɩmaa ‑a nyɩ 'lɛ ‑ncɩkalɩɛ na 'kʋ 'plɩlɩ ɩya ma 'ka 'tɩtɩpla na. 13‑Masa ɔmɔa ‑ɔ 'ta 'lɛ ɔ 'yʋ ŋaazɩɩn 'lɩ na, 'tɩtɩplaclɩɩa 'kʋ Laagɔ cɩ 'tɔɔ ŋaazɩɩn 'lɩ, 'nyɩ ŋaazɩɩnlɩlɩɛ 'gulu 'ta 'tɩtɩplalɩɛ.
Pɔɔtɛtɛa nʋnʋgbɩ 'ta 'lɛ 'kʋ ‑gbɛ na ɛ ‑glɩ 'kpɔkpɔ
14N bholiecɩnyɩ, ma 'ta nclɔɔ pɔɔtɛtɛ 'la nʋnʋgbɩ cɩ 'lɩlɩ na, 'lɩsaa 'la gbʋ ɔ cɩ 'kaa 'lɛ 'cla lebhe ɔ ‑ka pɔɔtɛtɛ bha? Ɔla 'dɛ 'la pɔɔtɛtɛa cɩɔ gbʋʋnsalɩɛ mino bha? 15Gbazɩ bholi bhlo ‑aana, mɛnɔ bhlo ‑ka nɩkplaanplalʋʋ ‑aana lʋʋa ɔ cɩ 'ka 'lɛ zezezelia nɩkplaan li na ‑mie, 16'nyɩ anyɩ nɩkplaan, bhlo ‑kɔɔ 'cla lebhe: «Mʋnʋ pupueen, pla nɩkplaan, ɩya n li, ɩya ‑n lo,» 'nyɩ ɔ 'tɔɔ lʋʋa ɔ ‑mie 'lɛ na 'nyɩ na, 'lɩsaa ɩ cɩ 'kɔɔ 'lɛ nʋ bha? 17'Sɛtɛɛ bhlogbɩɩ, pɔɔtɛtɛa nʋnʋgbɩ 'ta 'lɛ 'kʋ ‑gbɛ na, ɛ ‑glɩ 'kpɔkpɔ.
18Nclɔɔ bhlo cɩ 'ka 'cla lebhe: «‑Mɔɔ, ‑n ‑ka pɔɔtɛtɛ, ‑ma ‑amʋ nʋnʋgbɩa n ‑ka 'lɛ. Na, pala ka kaan ‑naa pɔɔtɛtɛa nʋnʋgbɩ 'ta 'lɛ 'kʋ ‑gbɛ na, ɩya ‑amʋ, n 'kɔɔ 'na nʋnʋgbɩa nɩkplaan 'na pɔɔtɛtɛa palalɩ.» 19‑N ‑ka pɔɔtɛtɛ lebhe Laagɔ ‑glɩ bhlo bha? ‑N ‑ka 'ge. ‑Ma 'wugwi ‑nyinyia ‑ma, ‑ka 'dɛ 'la pɔɔtɛtɛa, 'nyɩ ɩ tɩtɛlɩ. 20'Tututunyɔ! Ka ‑n ‑wa 'lɛ lebhe ma palɔɔ lebhe pɔɔtɛtɛa nʋnʋgbɩ 'ta 'lɛ 'kʋ ‑gbɛ na, ɛ ‑glɩ 'kpɔkpɔ bha? 21‑A tokadɔ Ablaamʋ, daa ɔ ‑saa 'lɛ ɔ ‑yowli Izakɩ 'nyɩ ɔ zʋɔ 'lɛ gʋgwlagbatɩa 'kʋ na, nʋnʋgbɩ nɩkplaan ɔ 'ta 'lɛ 'kʋnylugolunyɔ 'plɩlɩ bha? 22‑N ‑jlɛ, ka ɔla pɔɔtɛtɛa ɩya ɔla nʋnʋgbɩa mʋnʋa 'lɛ cɩ. Ɔla nʋnʋgbɩa, ɩmɩ ‑ɩ ‑glalɩ 'lɛ ɔla pɔɔtɛtɛa 'kʋ. 23‑Sa ɩmɩa Zieziewɔlɩa* bhli 'lɛ kʋ na, ɩ ‑glalɩ 'lɛ 'kʋ. Ɩ nabhe: «Ablaamʋ ya ɔla pɔɔtɛtɛa Laagɔ 'kʋ zʋ, 'nyɩ ɩmɩ ‑naa 'la gbʋ, Laagɔ yɔɔ 'ma le 'kʋnylugolunyɔ, 'nyɩ ɔ yɔɔ 'lɛ ɔ 'nagɔ la.»
24Anyɩ 'titi a lɩ lebhe nclɔɔ 'la nʋnʋgbɩ nɩkplaan ɔ 'plɩlɩ 'lɛ 'kʋylugolunyɔ, ‑ma ‑n 'ta ɔla pɔɔtɛtɛa bhlobhlo nɩkplaan. 25'Sɛtɛɛ bhlogbɩɩ ɩ 'plɩa 'lɛ ‑badaagluliŋlɔa ma laa 'lɛ Ghlaabʋ na ‑ma ɔla gbazɔ. Daa ɔ kla dɩfanyaa, 'nyɩ ɔ gba 'lɛ ma 'ma 'lɛ ‑buun -gugwie, 'nyɩ ma mʋ 'lɛ na, ‑n 'ta nʋnʋgbɩ nɩkplaan ɔ 'ta 'lɛ 'kʋnylugoluŋlɔ 'plɩlɩ bha? 26Na, saa 'nyɛkɛ 'ta 'lɛ nyɔmʋ nɩkplaan ‑ka, 'nyɩ ɛ ‑kuo 'lɛ na, 'sɛtɛɛ bhlogbɩɩ pɔɔtɛtɛa nʋnʋgbɩ 'ta 'lɛ 'kʋ ‑gbɛ na, ɛ ‑glɩ 'lɛ 'kpɔkpɔ.
Currently Selected:
Zak 2: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Zak 2
2
A 'la gbazlɩlɩa nɩkplaan
1N bholiecɩnyɩ, ala pɔɔtɛtɛa a zʋ 'lɛ ‑ala ‑Kwlenyɔ Zozi Klisi, 'klʋagba ‑yelio 'lɛ na 'kʋ na, a 'la 'cakalɩa ɛya nɩkplaangbazlɩlɩlɩɛ. 2‑Baasakpa, a ya 'wluwlalɩ 'nyɩ nclɔɔa ‑ɔ ‑zʋɔ 'lɛ ‑asɩkɛkpatlʋwʋ, 'nyɩ -ɔ ‑pla 'lɛ 'nanɩ nɩkplaan na, ya anyɩ sidiin ble, 'nyɩ ŋaazɩnyɔ ‑ma, ‑ɔ ‑pla 'lɛ lokuzɩ nɩkplaan na, ya ble. 3Na, gbazɩ a ‑ka nclɔɔa ‑ɔ ‑pla 'lɛ loku 'nanɩa nɩkplaan na bu, 'nyɩ a ‑kɔɔ 'cla lebhe: «‑Mɔɔ, 'maa 'plɩ ‑gɩgada ‑naa ɩya ‑n kʋsa,» 'nyɩ a ‑ka ŋaazɩnyɔa 'claa lebhe: «‑Mɔ, 'nylugo ‑da,» ‑aana «‑wlɔlʋʋn ‑deliin sa» na, 4ka a 'ta 'lɛ nɩkplaangbazlɩlɩ bha? ‑Kplakplatɩtɩ a 'ta 'lɛ ‑pla bha?
5'Na ‑wawabholiecɩnyɩ, a po 'nyukwliin. Maa ‑laagɔzɔan la 'lɛ ŋaazɩnya na, ‑n 'ta Laagɔ ‑ɔ 'ta 'lɛ maa de sla, le ɔ 'ka maa pɔɔtɛtɛ nɩkplaan nyɩbhɛlɩ ple, ɩya ma 'ka Nyɩbhɛlɩdua ɔ ta 'lɛ ‑ndanyɩ le ɔ cɩ maa ‑ɔ ‑wɔɔ 'lɛ na 'nyɩ na, ‑aja 'kʋ lili bha? 6‑Ma anyɩ, a bu 'ta ŋaazɩnyɔ. Nyɩbhɛlɩa, ‑n 'ta maa ‑ɔ ‑sa 'ta 'lɛ anyɩ gbaylɩ bha? ‑N 'ta ‑awlɛ maa ‑ɔ fa 'ta 'lɛ anyɩ 'tɩtɩplajliia nɩkplaan bha? 7‑N 'ta maa ‑ɔ nyumo 'ta 'lɛ 'ŋlɩ 'nanɩa Laagɔ zʋ 'lɛ anyɩ na bha?
8Zieziewɔlɩa* cla lebhe: «Wabha ‑n 'yʋ le saa ‑mɔ 'titi ‑n ‑wa 'lɛ ‑ncɩ na.» Na, gbazɩ a ‑ka Nyɩbhɛlɩdua 'la ‑jlɩmaa 'kʋ 'plɩlɩ, saa Zieziewɔlɩa bhli 'lɛ na, 'nanɩ a nʋ 'lɛ. 9‑Ma gbazɩ a ‑ka nɩkplaan gbazlɩlɩ na, nyinyi a nʋ 'lɛ, 'nyɩ ‑jlɩmaa gʋa anyɩ, ‑ofi lebhe a yaa tʋ. 10‑Masa, nclɔɔ ‑ka ‑jlɩmaa ‑tɛtɛa 'kʋ 'plɩlɩ, 'nyɩ ɔ ‑ka bhlogbɩɩ 'titi te na, 'a 'fɩan ɔ ya 'lɛ tʋ. 11Sa ɔmɔa ‑ɔ 'cla 'lɛ lebhe: «‑Naa 'matɩa ‑n 'yʋ nʋŋlɔ» na, ɔmɔ ‑sakasaka ‑ɔ 'cla ‑awlɛ 'lɛ lebhe: «‑Naa 'bhlaa nclɔɔ.» 'Nyɩ, ka ‑n 'ta 'yʋ nʋŋlɔ 'matɩ, 'nyɩ ‑n ‑ka nclɔɔ 'bhla na, ‑jlɩmaa ‑n ya 'lɛ tʋ. 12Na, a nyɩtɛ ɩya a nʋ le ncɛlɩa ma cɩ 'ka 'lɛ ‑jlɩmaa ‑a nyɩ 'lɛ ‑ncɩkalɩɛ na 'kʋ 'plɩlɩ ɩya ma 'ka 'tɩtɩpla na. 13‑Masa ɔmɔa ‑ɔ 'ta 'lɛ ɔ 'yʋ ŋaazɩɩn 'lɩ na, 'tɩtɩplaclɩɩa 'kʋ Laagɔ cɩ 'tɔɔ ŋaazɩɩn 'lɩ, 'nyɩ ŋaazɩɩnlɩlɩɛ 'gulu 'ta 'tɩtɩplalɩɛ.
Pɔɔtɛtɛa nʋnʋgbɩ 'ta 'lɛ 'kʋ ‑gbɛ na ɛ ‑glɩ 'kpɔkpɔ
14N bholiecɩnyɩ, ma 'ta nclɔɔ pɔɔtɛtɛ 'la nʋnʋgbɩ cɩ 'lɩlɩ na, 'lɩsaa 'la gbʋ ɔ cɩ 'kaa 'lɛ 'cla lebhe ɔ ‑ka pɔɔtɛtɛ bha? Ɔla 'dɛ 'la pɔɔtɛtɛa cɩɔ gbʋʋnsalɩɛ mino bha? 15Gbazɩ bholi bhlo ‑aana, mɛnɔ bhlo ‑ka nɩkplaanplalʋʋ ‑aana lʋʋa ɔ cɩ 'ka 'lɛ zezezelia nɩkplaan li na ‑mie, 16'nyɩ anyɩ nɩkplaan, bhlo ‑kɔɔ 'cla lebhe: «Mʋnʋ pupueen, pla nɩkplaan, ɩya n li, ɩya ‑n lo,» 'nyɩ ɔ 'tɔɔ lʋʋa ɔ ‑mie 'lɛ na 'nyɩ na, 'lɩsaa ɩ cɩ 'kɔɔ 'lɛ nʋ bha? 17'Sɛtɛɛ bhlogbɩɩ, pɔɔtɛtɛa nʋnʋgbɩ 'ta 'lɛ 'kʋ ‑gbɛ na, ɛ ‑glɩ 'kpɔkpɔ.
18Nclɔɔ bhlo cɩ 'ka 'cla lebhe: «‑Mɔɔ, ‑n ‑ka pɔɔtɛtɛ, ‑ma ‑amʋ nʋnʋgbɩa n ‑ka 'lɛ. Na, pala ka kaan ‑naa pɔɔtɛtɛa nʋnʋgbɩ 'ta 'lɛ 'kʋ ‑gbɛ na, ɩya ‑amʋ, n 'kɔɔ 'na nʋnʋgbɩa nɩkplaan 'na pɔɔtɛtɛa palalɩ.» 19‑N ‑ka pɔɔtɛtɛ lebhe Laagɔ ‑glɩ bhlo bha? ‑N ‑ka 'ge. ‑Ma 'wugwi ‑nyinyia ‑ma, ‑ka 'dɛ 'la pɔɔtɛtɛa, 'nyɩ ɩ tɩtɛlɩ. 20'Tututunyɔ! Ka ‑n ‑wa 'lɛ lebhe ma palɔɔ lebhe pɔɔtɛtɛa nʋnʋgbɩ 'ta 'lɛ 'kʋ ‑gbɛ na, ɛ ‑glɩ 'kpɔkpɔ bha? 21‑A tokadɔ Ablaamʋ, daa ɔ ‑saa 'lɛ ɔ ‑yowli Izakɩ 'nyɩ ɔ zʋɔ 'lɛ gʋgwlagbatɩa 'kʋ na, nʋnʋgbɩ nɩkplaan ɔ 'ta 'lɛ 'kʋnylugolunyɔ 'plɩlɩ bha? 22‑N ‑jlɛ, ka ɔla pɔɔtɛtɛa ɩya ɔla nʋnʋgbɩa mʋnʋa 'lɛ cɩ. Ɔla nʋnʋgbɩa, ɩmɩ ‑ɩ ‑glalɩ 'lɛ ɔla pɔɔtɛtɛa 'kʋ. 23‑Sa ɩmɩa Zieziewɔlɩa* bhli 'lɛ kʋ na, ɩ ‑glalɩ 'lɛ 'kʋ. Ɩ nabhe: «Ablaamʋ ya ɔla pɔɔtɛtɛa Laagɔ 'kʋ zʋ, 'nyɩ ɩmɩ ‑naa 'la gbʋ, Laagɔ yɔɔ 'ma le 'kʋnylugolunyɔ, 'nyɩ ɔ yɔɔ 'lɛ ɔ 'nagɔ la.»
24Anyɩ 'titi a lɩ lebhe nclɔɔ 'la nʋnʋgbɩ nɩkplaan ɔ 'plɩlɩ 'lɛ 'kʋylugolunyɔ, ‑ma ‑n 'ta ɔla pɔɔtɛtɛa bhlobhlo nɩkplaan. 25'Sɛtɛɛ bhlogbɩɩ ɩ 'plɩa 'lɛ ‑badaagluliŋlɔa ma laa 'lɛ Ghlaabʋ na ‑ma ɔla gbazɔ. Daa ɔ kla dɩfanyaa, 'nyɩ ɔ gba 'lɛ ma 'ma 'lɛ ‑buun -gugwie, 'nyɩ ma mʋ 'lɛ na, ‑n 'ta nʋnʋgbɩ nɩkplaan ɔ 'ta 'lɛ 'kʋnylugoluŋlɔ 'plɩlɩ bha? 26Na, saa 'nyɛkɛ 'ta 'lɛ nyɔmʋ nɩkplaan ‑ka, 'nyɩ ɛ ‑kuo 'lɛ na, 'sɛtɛɛ bhlogbɩɩ pɔɔtɛtɛa nʋnʋgbɩ 'ta 'lɛ 'kʋ ‑gbɛ na, ɛ ‑glɩ 'lɛ 'kpɔkpɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.