Zak 1
1
‑Ayopalɩɛ
1‑Amʋ Zakɩ, n ‑glɩ Laagɔ ɩya ‑Kwlenyɔ Zozi Klisi 'la lobhoco. N zie anyɩ 'lɔkpʋa 'kʋgba ‑mɔsɔa, ‑ɩ ‑dloluo 'lɛ ‑laagɔzɔan ‑tɛtɛa na, 'nyɩ n pa anyɩ ‑ayo.
A 'la 'gulua 'kwlɩbhɩɛ
2Bholiecɩnyɩ, 'kwlɩa ‑tɛtɛa ‑ɩ bhɩa 'lɛ anyɩ na, a 'lɩlɩɩ pɔlɛkʋmɛnɔ 'kadie nɩkplaan, 3sa a ‑ci sɛɛ lebhe 'kwlɩ ‑ka anyɩ bhɩa 'nyɩ ala pɔɔtɛtɛa 'ta bhli na, ɩ gba 'nyɩ a cibhlili pɔɔklasa. 4‑Ma ɩ ‑fata lebhe ala pɔɔklalɩɛa ‑glalɩ 'kʋ ɩya a 'ka ‑kplɔkplɔnya 'plɩ, ɩya ma 'la 'ka anyɩ wɔɔnyinyi ‑ylɛylɛ cɩ 'lɩlɩ.
A 'clalɩlɩ pɔɔtɛtɛ nɩkplaan
5Gbazɩ anyɩ sidiin, bhlo 'ta dɩgalɩ ‑ci na, 'naa ɔ 'clalɩɩ Laagɔ ‑ma ɔ cɩɔ mɩ 'nyɩ. Sa ka Laagɔ wlʋ 'lɛ ɔcɩ 'kʋ 'nyɩ ɔ nyɩ 'lɛ ncɛlɩa ‑tɛtɛa. 'Ɔ 'pa 'ta maa 'ge. 6‑Ma ka 'nyɩ 'dɛnaanɔa 'clalɩlɩ pɔɔtɛtɛ nɩkplaan ɩya ɔla pɔlɛa 'la tɩtɛlɩa. ‑Masa, ɔmɔa ‑ɔla pɔlɛa tɩtɛlɩ 'lɛ na, ka ɔla gbɩa ‑kʋ 'lɛ le ‑gegaagbʋa ‑pupolu kuku 'lɛ 'nyɩ ʋ sla 'lɛ sa na. 7'Sɛ 'la nclɔɔa 'la gugua lebhe ɔ cɩ ‑Kwlenyɔ lʋʋ wlɩɩn 'lɩlɩ, 8sa ɔ ‑glɩ nclɔɔa ‑ɔla pɔlɛa ‑polio 'lɛ 'nyɩ ‑ɔ nʋ 'lɛ ‑lekeleke na.
Ka 'bhɛlɩ plɩ
9'Naa bholia ‑ɔ ‑glɩ 'lɛ ŋaazɩnyɔ na, ɔ kʋ ɔla 'kʋtolɩɛa Laagɔ nyɩɔ 'lɛ na, ɩla pɔlɛkʋmɛnɔɔn, 10ɩya ɔmɔa ‑ɔ ‑lio 'lɛ 'bhɛlɩ na, ɔ kʋ ɔla ‑ncɩdʋdʋkʋlalɩɛa Laagɔ nyɩɔ 'lɛ na, ɩla pɔlɛkʋmɛnɔɔn. ‑Masa, saa ‑piti 'la 'flawasɩ plɩ 'lɛ 'na, nclɔɔa ‑ɔ ‑lio 'lɛ 'bhɛlɩ na, 'sɛtɛɛ bhlogbɩɩ, ɔmɔ ‑ma ɔ plɩ 'lɛ. 11'Ylʋbhuoa ‑ya 'kʋbho, daa ya subho, 'nyɩ ‑pitia ya 'kʋ si, ɩla 'flawasɩa ya bhli, 'nyɩ ɩla nanɔa ya 'plɩ. Na, 'sɛtɛɛ bhlogbɩɩ nclɔɔa ‑ɔ ‑lio 'lɛ 'bhɛlɩ na, ɔmɔ ‑masɛɛ, ɔ cɩ 'ka 'lɛ ɔla 'bhɛlɩa sidiin mlɔnʋ.
Laagɔ fa 'ta nclɔɔ gbɩɩnclalɩɛɛn
12Ɔ ‑kʋ 'nanɩ, nclɔɔa ‑ɔ kla 'lɛ pɔlɛ 'kwlɩbhɩɛ nɩkplaan na, ‑ofi lebhe ɔ ‑ci 'lɛ pɔɔklasa na, ɔ cɩ 'ka jabhʋa 'la ‑asɩkɛkpoonkpoa 'lɩ. Sa Laagɔ ya ‑ndanyɩ ta le ɔ cɩ 'kaa maa ‑anʋa ‑ɔ ‑wɔɔ 'lɛ na 'nyɩ. 13Na, gbazɩ gbɩɩnclalɩɛ ‑ka nclɔɔ ŋeni na, ɔ 'la 'claa lebhe: «Laagɔ ‑ɔ faan 'lɛ gbɩɩnclalɩɛɛn.» Sa gbɩɩnclalɩɛ cɩ 'ta mino ɩ 'ka Laagɔ ŋeni, 'nyɩ 'ɔ ‑fata nclɔɔ bhlogbɩɩ gbɩɩnclalɩɛɛn. 14‑Ma ɩmɩa nclɔɔ 'titi ɔla pɔlɛ ‑kʋ 'lɛ cɩ, ɔ gɩlɩ 'lɛ, 'nyɩ ‑ɩ 'nyiglilio 'lɛ na, ɩmɩ ‑ɩ fɔɔ 'lɛ gbɩɩnclalɩɛɛn. 15Na, ɩmɩa ‑ɩ 'ta 'lɛ nanɩ 'nyɩ nclɔɔ 'la pɔlɛ ‑kʋ 'lɛ cɩ na, ɔ ‑kɩɩ nʋ na, ɩ ‑glɩ nyinyi 'nyɩ nyinyia ‑ka ɩla 'wlukodaa ŋeni na, ɩ lamʋ 'lɛ 'kwɩ.
16'Na ‑wawabholiecɩnyɩ, a 'la 'nyiglilia acɩ. 17Vavalʋʋa ‑tɛtɛa ‑ʋ kalɩ 'lɛ gbʋ 'nyɩ ʋ ‑glalɩ 'lɛ 'kʋ na, ‑laagɔɔn ʋ 'wlʋlʋ 'lɛ, zezezelia ‑tɛtɛa ɩ toa cɩ, ɔmɔa ‑ɔ 'plɩ 'ta 'lɛ, 'nyɩ ‑ɔ kaci kacili 'ta 'lɛ 'kʋ na. 18Ɔmɔ 'titi ‑ɔ wabha 'lɛ 'nyɩ ɔ ya 'lɛ ɔla wɔɔnyɩtʋa ‑ʋ ‑glɩ 'lɛ ‑nʋawlɛ na 'kʋ 'plɩlɩ 'nyɩ ɔ ya 'lɛ -anyɩ nʋ, le ‑a ka ɔla nʋnʋlɩɩa ‑tɛtɛa ɩla ‑bɛka -naanɩ 'plɩ.
A poo wɔɔnyɩtʋa 'nyukwliin ɩya a 'plɩlɩʋ 'kʋ
19'Na ‑wawabholiecɩnyɩ, a ‑ci ɩmɩ ‑naa 'bhlɩɩ, ‑ma 'naa nclɔɔ nclɔɔ 'nu 'faanfan, ɩya ɔ 'la 'maa wɔɔnyɩtʋ ɩya dɔgbɛ 'faanfan. 20Sa nclɔɔa ‑ɔ ‑kʋ 'lɛ dɔgbɛɛn na, 'ɔ ‑glalɩ 'ta Laagɔ 'la 'kʋnylugolulɩɛa 'kʋ. 21Na, a ‑sa acɩ 'zɩa* ‑tɛtɛa cɩ ɩya a te ‑abhɔlɛnʋnʋgbɩa ‑tɛtɛa, ɩya pɔɔwɔtɛ nɩkplaan, a ŋonu ɩya a 'ma wɔɔnyɩtʋa ‑ʋ ‑golo 'lɛ anyɩ nɩkplaan na, sa ʋ cɩ mino 'nyɩ ʋ cɩ anyɩ gbʋʋn ‑sa.
22A 'plɩlɩ wɔɔnyɩtʋa 'kʋ, ‑ma a 'la 'plɩa ʋla 'nyukwliinponya bhlobhlo, ‑ɔ 'nyiglili 'lɛ macɩ na. 23‑Masa, gbazɩ nclɔɔ ‑ka wɔɔnyɩtʋa 'nyukwliinpo 'nyɩ ɔ 'tʋʋ 'kʋ 'plɩlɩ na, ka ɔla gbɩa ‑kʋ 'lɛ le nclɔɔa ‑ɔ kope 'lɛ ɔla 'klʋa ‑aklawoko nɩkplaan, 24'nyɩ daa ɔ ya 'lɛ ɔcɩ 'lɩmʋlɩɛ bhɩalɩ, 'nyɩ ɔ ya 'lɛ mʋ na, ɔ bolu 'lɛ saa ɔ ‑kʋkʋlʋa 'lɛ na 'kʋ na. 25‑Ma ɔmɔa ‑ɔ gugulu 'lɛ ‑jlɩmaa ‑a ‑glalɩɔ 'lɛ 'kʋ na 'kʋ, amaa ‑a nyɩ 'lɛ ‑ncɩkalɩɛ, 'nyɩ ɔ poa 'lɛ 'nyukwliin, ‑n 'ta le ɔ 'kaa 'kʋbolu, ‑ma ‑ɔ 'plɩlɩa 'lɛ 'kʋ na, ɔmɔ ‑naa cɩ 'nanɩ kʋ ɔla nʋnʋgbɩa ‑tɛtɛa nɩkplaan.
26Na, nclɔɔ ‑ɔ ‑ka gugu lebhe ɔ ‑glɩ gʋgwlanyɔ, 'nyɩ ɔ 'ta ɔla mɩɔa 'kʋ klasa ‑ci na, ɔmɔ 'titi ɔcɩ ɔ 'nyiglili 'lɛ, 'nyɩ ɔla gʋgwlɛa ‑glɩ 'kpɔkpɔ. 27‑A To Laagɔ 'ci 'kʋ, a ‑ka kwiicuo ɩya 'kuzluŋwlɛ pɔlɛcɩfalɩ, mala 'kwlɩbhɩɛ nɩkplaan, 'nyɩ a ‑ka ‑laagɔzɔn 'la lɩɩa ‑ɩ nyumo 'lɛ nclɔɔ na cɩ da tlʋbhalɩ na, ɩmɩ ‑ɩ ‑glɩ 'lɛ gʋgwlɛa ‑ɛ ‑kplɔ 'lɛ 'nyɩ ‑ɛ ‑glɩ 'lɛ gʋgwlɛa 'titi na.
Currently Selected:
Zak 1: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Zak 1
1
‑Ayopalɩɛ
1‑Amʋ Zakɩ, n ‑glɩ Laagɔ ɩya ‑Kwlenyɔ Zozi Klisi 'la lobhoco. N zie anyɩ 'lɔkpʋa 'kʋgba ‑mɔsɔa, ‑ɩ ‑dloluo 'lɛ ‑laagɔzɔan ‑tɛtɛa na, 'nyɩ n pa anyɩ ‑ayo.
A 'la 'gulua 'kwlɩbhɩɛ
2Bholiecɩnyɩ, 'kwlɩa ‑tɛtɛa ‑ɩ bhɩa 'lɛ anyɩ na, a 'lɩlɩɩ pɔlɛkʋmɛnɔ 'kadie nɩkplaan, 3sa a ‑ci sɛɛ lebhe 'kwlɩ ‑ka anyɩ bhɩa 'nyɩ ala pɔɔtɛtɛa 'ta bhli na, ɩ gba 'nyɩ a cibhlili pɔɔklasa. 4‑Ma ɩ ‑fata lebhe ala pɔɔklalɩɛa ‑glalɩ 'kʋ ɩya a 'ka ‑kplɔkplɔnya 'plɩ, ɩya ma 'la 'ka anyɩ wɔɔnyinyi ‑ylɛylɛ cɩ 'lɩlɩ.
A 'clalɩlɩ pɔɔtɛtɛ nɩkplaan
5Gbazɩ anyɩ sidiin, bhlo 'ta dɩgalɩ ‑ci na, 'naa ɔ 'clalɩɩ Laagɔ ‑ma ɔ cɩɔ mɩ 'nyɩ. Sa ka Laagɔ wlʋ 'lɛ ɔcɩ 'kʋ 'nyɩ ɔ nyɩ 'lɛ ncɛlɩa ‑tɛtɛa. 'Ɔ 'pa 'ta maa 'ge. 6‑Ma ka 'nyɩ 'dɛnaanɔa 'clalɩlɩ pɔɔtɛtɛ nɩkplaan ɩya ɔla pɔlɛa 'la tɩtɛlɩa. ‑Masa, ɔmɔa ‑ɔla pɔlɛa tɩtɛlɩ 'lɛ na, ka ɔla gbɩa ‑kʋ 'lɛ le ‑gegaagbʋa ‑pupolu kuku 'lɛ 'nyɩ ʋ sla 'lɛ sa na. 7'Sɛ 'la nclɔɔa 'la gugua lebhe ɔ cɩ ‑Kwlenyɔ lʋʋ wlɩɩn 'lɩlɩ, 8sa ɔ ‑glɩ nclɔɔa ‑ɔla pɔlɛa ‑polio 'lɛ 'nyɩ ‑ɔ nʋ 'lɛ ‑lekeleke na.
Ka 'bhɛlɩ plɩ
9'Naa bholia ‑ɔ ‑glɩ 'lɛ ŋaazɩnyɔ na, ɔ kʋ ɔla 'kʋtolɩɛa Laagɔ nyɩɔ 'lɛ na, ɩla pɔlɛkʋmɛnɔɔn, 10ɩya ɔmɔa ‑ɔ ‑lio 'lɛ 'bhɛlɩ na, ɔ kʋ ɔla ‑ncɩdʋdʋkʋlalɩɛa Laagɔ nyɩɔ 'lɛ na, ɩla pɔlɛkʋmɛnɔɔn. ‑Masa, saa ‑piti 'la 'flawasɩ plɩ 'lɛ 'na, nclɔɔa ‑ɔ ‑lio 'lɛ 'bhɛlɩ na, 'sɛtɛɛ bhlogbɩɩ, ɔmɔ ‑ma ɔ plɩ 'lɛ. 11'Ylʋbhuoa ‑ya 'kʋbho, daa ya subho, 'nyɩ ‑pitia ya 'kʋ si, ɩla 'flawasɩa ya bhli, 'nyɩ ɩla nanɔa ya 'plɩ. Na, 'sɛtɛɛ bhlogbɩɩ nclɔɔa ‑ɔ ‑lio 'lɛ 'bhɛlɩ na, ɔmɔ ‑masɛɛ, ɔ cɩ 'ka 'lɛ ɔla 'bhɛlɩa sidiin mlɔnʋ.
Laagɔ fa 'ta nclɔɔ gbɩɩnclalɩɛɛn
12Ɔ ‑kʋ 'nanɩ, nclɔɔa ‑ɔ kla 'lɛ pɔlɛ 'kwlɩbhɩɛ nɩkplaan na, ‑ofi lebhe ɔ ‑ci 'lɛ pɔɔklasa na, ɔ cɩ 'ka jabhʋa 'la ‑asɩkɛkpoonkpoa 'lɩ. Sa Laagɔ ya ‑ndanyɩ ta le ɔ cɩ 'kaa maa ‑anʋa ‑ɔ ‑wɔɔ 'lɛ na 'nyɩ. 13Na, gbazɩ gbɩɩnclalɩɛ ‑ka nclɔɔ ŋeni na, ɔ 'la 'claa lebhe: «Laagɔ ‑ɔ faan 'lɛ gbɩɩnclalɩɛɛn.» Sa gbɩɩnclalɩɛ cɩ 'ta mino ɩ 'ka Laagɔ ŋeni, 'nyɩ 'ɔ ‑fata nclɔɔ bhlogbɩɩ gbɩɩnclalɩɛɛn. 14‑Ma ɩmɩa nclɔɔ 'titi ɔla pɔlɛ ‑kʋ 'lɛ cɩ, ɔ gɩlɩ 'lɛ, 'nyɩ ‑ɩ 'nyiglilio 'lɛ na, ɩmɩ ‑ɩ fɔɔ 'lɛ gbɩɩnclalɩɛɛn. 15Na, ɩmɩa ‑ɩ 'ta 'lɛ nanɩ 'nyɩ nclɔɔ 'la pɔlɛ ‑kʋ 'lɛ cɩ na, ɔ ‑kɩɩ nʋ na, ɩ ‑glɩ nyinyi 'nyɩ nyinyia ‑ka ɩla 'wlukodaa ŋeni na, ɩ lamʋ 'lɛ 'kwɩ.
16'Na ‑wawabholiecɩnyɩ, a 'la 'nyiglilia acɩ. 17Vavalʋʋa ‑tɛtɛa ‑ʋ kalɩ 'lɛ gbʋ 'nyɩ ʋ ‑glalɩ 'lɛ 'kʋ na, ‑laagɔɔn ʋ 'wlʋlʋ 'lɛ, zezezelia ‑tɛtɛa ɩ toa cɩ, ɔmɔa ‑ɔ 'plɩ 'ta 'lɛ, 'nyɩ ‑ɔ kaci kacili 'ta 'lɛ 'kʋ na. 18Ɔmɔ 'titi ‑ɔ wabha 'lɛ 'nyɩ ɔ ya 'lɛ ɔla wɔɔnyɩtʋa ‑ʋ ‑glɩ 'lɛ ‑nʋawlɛ na 'kʋ 'plɩlɩ 'nyɩ ɔ ya 'lɛ -anyɩ nʋ, le ‑a ka ɔla nʋnʋlɩɩa ‑tɛtɛa ɩla ‑bɛka -naanɩ 'plɩ.
A poo wɔɔnyɩtʋa 'nyukwliin ɩya a 'plɩlɩʋ 'kʋ
19'Na ‑wawabholiecɩnyɩ, a ‑ci ɩmɩ ‑naa 'bhlɩɩ, ‑ma 'naa nclɔɔ nclɔɔ 'nu 'faanfan, ɩya ɔ 'la 'maa wɔɔnyɩtʋ ɩya dɔgbɛ 'faanfan. 20Sa nclɔɔa ‑ɔ ‑kʋ 'lɛ dɔgbɛɛn na, 'ɔ ‑glalɩ 'ta Laagɔ 'la 'kʋnylugolulɩɛa 'kʋ. 21Na, a ‑sa acɩ 'zɩa* ‑tɛtɛa cɩ ɩya a te ‑abhɔlɛnʋnʋgbɩa ‑tɛtɛa, ɩya pɔɔwɔtɛ nɩkplaan, a ŋonu ɩya a 'ma wɔɔnyɩtʋa ‑ʋ ‑golo 'lɛ anyɩ nɩkplaan na, sa ʋ cɩ mino 'nyɩ ʋ cɩ anyɩ gbʋʋn ‑sa.
22A 'plɩlɩ wɔɔnyɩtʋa 'kʋ, ‑ma a 'la 'plɩa ʋla 'nyukwliinponya bhlobhlo, ‑ɔ 'nyiglili 'lɛ macɩ na. 23‑Masa, gbazɩ nclɔɔ ‑ka wɔɔnyɩtʋa 'nyukwliinpo 'nyɩ ɔ 'tʋʋ 'kʋ 'plɩlɩ na, ka ɔla gbɩa ‑kʋ 'lɛ le nclɔɔa ‑ɔ kope 'lɛ ɔla 'klʋa ‑aklawoko nɩkplaan, 24'nyɩ daa ɔ ya 'lɛ ɔcɩ 'lɩmʋlɩɛ bhɩalɩ, 'nyɩ ɔ ya 'lɛ mʋ na, ɔ bolu 'lɛ saa ɔ ‑kʋkʋlʋa 'lɛ na 'kʋ na. 25‑Ma ɔmɔa ‑ɔ gugulu 'lɛ ‑jlɩmaa ‑a ‑glalɩɔ 'lɛ 'kʋ na 'kʋ, amaa ‑a nyɩ 'lɛ ‑ncɩkalɩɛ, 'nyɩ ɔ poa 'lɛ 'nyukwliin, ‑n 'ta le ɔ 'kaa 'kʋbolu, ‑ma ‑ɔ 'plɩlɩa 'lɛ 'kʋ na, ɔmɔ ‑naa cɩ 'nanɩ kʋ ɔla nʋnʋgbɩa ‑tɛtɛa nɩkplaan.
26Na, nclɔɔ ‑ɔ ‑ka gugu lebhe ɔ ‑glɩ gʋgwlanyɔ, 'nyɩ ɔ 'ta ɔla mɩɔa 'kʋ klasa ‑ci na, ɔmɔ 'titi ɔcɩ ɔ 'nyiglili 'lɛ, 'nyɩ ɔla gʋgwlɛa ‑glɩ 'kpɔkpɔ. 27‑A To Laagɔ 'ci 'kʋ, a ‑ka kwiicuo ɩya 'kuzluŋwlɛ pɔlɛcɩfalɩ, mala 'kwlɩbhɩɛ nɩkplaan, 'nyɩ a ‑ka ‑laagɔzɔn 'la lɩɩa ‑ɩ nyumo 'lɛ nclɔɔ na cɩ da tlʋbhalɩ na, ɩmɩ ‑ɩ ‑glɩ 'lɛ gʋgwlɛa ‑ɛ ‑kplɔ 'lɛ 'nyɩ ‑ɛ ‑glɩ 'lɛ gʋgwlɛa 'titi na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.