Kitsariyaxi 12
12
Kwikari nɨawariyari
1'Iya tukaritsie 'ekɨ mɨpaɨ pepɨtayɨni:
«Yawé, ne nepɨmetsinɨawani
tsepanetɨ meripaitɨ nehepaɨtsita pemɨtiuyeha'akai.
Peha'atɨ pepɨtiuhayewaxɨ,
meta pekaneniɨnɨtɨaniri.
2Kakaɨyari netsiwikweitsitɨwame kanihɨkɨtɨni.
Hetsiena yuri nepɨti'erieka meta nepɨkaheumaka.
Yawé netɨrɨkariya kanihɨkɨtɨni,
Yawé nekwikari pɨhɨkɨ,
mɨkɨ netsiwikweitsitɨwame kanihɨkɨtɨni».
3Xeme xeyutemamawietɨ haa xepuwatihanɨni
wikweitsitɨarika hayaritsie.
4'Iya tukaritsie mɨpaɨ pɨtitaniukieni:
«Yawé xekenenɨawani, xekenahɨaweni,
kemɨtiuyuri xekenekuxatani teɨteri watsata,
xekenekuxatani kemɨtimariwe kemɨtitewakɨ.
5Yawé hetsiemieme nɨawari xekeneutikwikani,
mariwemekɨ mɨtiyuriene,
'ikɨ mɨpaɨ ketiutaxatsieni
kwiepa naitsarie.
6Keneutakwikani meta keneutahiwani temawierikakɨ,
Tsiyuni kiekatari,
pumariwe yurikɨ, 'ahamatɨa 'uyeikatɨ,
Mɨpatsie 'Ixaheri hetsiemieme».
Currently Selected:
Kitsariyaxi 12: hch
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc.
