1 Tesalonisensenan 1
1
Saludo
1Esaki ta karta di Pablo, Silas#1:1 Silas; na griego: Silvanus, variante di Silas i Timoteo pa e iglesia na Tesalónika#Echonan 17:1 ku ta pertenesé na Dios Tata i na nos Señor Hesu-Kristu. Grasia i pas sea ku boso.
Bida i fe di e kreyentenan
2Semper nos ta gradisí Dios pa boso tur, ora nos kòrda boso den nos orashon. Pasobra kontinuamente 3nos ta kòrda, den presensia di nos Dios i Tata, kon boso ta pone boso fe den práktika, kuantu trabou boso ta pasa pa mustra amor i kon boso ta sigui spera ku firmesa riba nos Señor Hesu-Kristu. 4Ademas rumannan stimá pa Dios, nos sa ku El a skohe boso. 5Pasobra ora nos a prediká e bon notisia na boso, nos no a hasié djis ku palabra so, pero ku poder i Spiritu Santu, basá riba un konvikshon firme.#1:5 basá riba un konvikshon firme; otro posibel tradukshon: i boso a keda kompletamente konvensí Tambe boso sa kon nos a komportá nos serka boso pa boso mes bon.
6Anto boso di boso banda a bira hende ku ta sigui nos ehèmpel i esun di Señor, pasobra ku goso ku ta bini di Spiritu Santu boso a risibí e mensahe, ounke tabata meimei di hopi tribulashon.#Echonan 17:5-9 7Asin'ei boso a bira un ehèmpel pa tur e kreyentenan na provinsia di Masedonia i provinsia di Gresia, 8pasobra ta boso a laga e mensahe di Señor resoná no solamente na Masedonia i Gresia, pero tur kaminda, i e fe ku boso tin den Dios ta konosí. P'esei no ta na nodi pa nos agregá nada. 9E hendenan mes ta konta di e akohida ku nos a haña serka boso i kon boso a bira lomba pa e diosnan falsu pa bai sirbi e Dios bibu i berdadero 10i spera binida di Dios su Yu for di shelu; ta Hesus ku El a lanta for di morto. E ta libra nos di e kastigu benidero.
Currently Selected:
1 Tesalonisensenan 1: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013