Huan 15
15
Hesus ta e berdadero mata di wendrùif
1Ami ta e mata di wendrùif#Isaías 5:1-7; Sirag 24:17 berdadero i mi Tata ta e vitó. 2E ta kita tur taki fo'i Mi ku no ta karga fruta, i E ta snui tur taki ku sí ta karga fruta, pa nan karga mas fruta ainda. 3Ya boso ta puru kaba, pa medio di e palabra ku Mi a papia ku boso. 4Keda den Mi i Ami lo keda den boso. Un taki no por duna fruta di su mes, sin ku e ta pegá na e mata. Meskos asin'ei boso no por karga fruta si boso no keda den Mi.
5Ami ta e mata di wendrùif; boso ta e takinan. Esun ku keda den Mi i Ami den dje, lo karga hopi fruta, pasobra boso no por hasi nada sin Mi. 6Esun ku no keda den Mi ta tira ta tir'é afó manera un taki i e ta para seka; ta hunta e takinan ei, tira nan den kandela i kima nan. 7Si boso keda den Mi i mi palabranan keda den boso, pidi e ora ei loke boso ke i boso ta hañ'é. 8Ora boso karga hopi fruta, Tata ta haña gloria i boso ta mi disipel.
9Meskos ku mi Tata ta stima Mi, asina Mi ta stima boso; keda den mi amor. 10Si boso obedesé mi mandamentunan, boso ta keda den mi amor. Meskos ku Ami ta obedesé e mandamentunan di mi Tata i ta keda den su amor.
11Mi a bisa e kosnan akí pa mi legria por ta den boso i boso legria por ta kompleto. 12Esaki ta mi mandamentu: stima otro, manera Ami a stima boso.#Huan 13:34; 15:17; 1 Huan 3:23; 2 Huan 5 13E amor di mas grandi ku un hende por tin pa su amigunan ta di entregá su bida pa nan. 14Boso ta mi amigu, si boso hasi loke Mi manda boso. 15Mi no ta yama boso sirbidó mas, pasobra un sirbidó no sa kiko su shon ta hasi. Ma Mi ta yama boso amigu, pasobra Mi a laga boso sa tur kos ku Mi a tende di mi Tata. 16No ta boso a skohe Mi, ma ta Ami a skohe boso i Mi a apuntá boso pa bai i karga hopi fruta; fruta ku ta keda. Loke boso pidi Tata den mi nòmber, E ta duna boso. 17Esaki antó ta loke Mi ta manda boso hasi: stima otro.
Mundu lo odia boso
18Si mundu odia boso, sa ku el a odia Ami promé. 19Si boso tabata pertenesé na e mundu akí, mundu lo a stima boso manera e ta stima esnan ku ta pertenesé n'e. Pero boso no ta di mundu: Ami a skohe boso for di mundu i ta p'esei hende sin Dios ta odia boso.#Huan 17:14-18 20Kòrda kiko Mi a bisa boso: un sirbidó no ta mas importante ku su shon;#Mateo 10:24; Lukas 6:40; Huan 13:16 si nan a persiguí Mi, nan lo persiguí boso tambe. Si nan a obedesé mi siñansa, nan lo obedesé di boso tambe. 21Ma nan lo hasi tur e kosnan akí ku boso pa mi motibu, pasobra nan no konosé Esun ku a manda Mi. 22Si Mi no a bin papia ku nan, nan lo no tabata kulpabel di piká. Awor nan no tin niun eksküs pa nan piká. 23Esun ku odia Mi, ta odia mi Tata tambe. 24Si Mi no a hasi e obranan ku niun hende no a yega di hasi nunka entre nan, nan lo no tabatin kulpa di piká. Pero ounke nan a mira awor loke Mi a hasi, tòg nan ta odia tantu Ami komo mi Tata. 25Esaki a sosodé pa asina loke ta skibí den nan mes lei keda kumplí: “Nan a odia Mi sin motibu.”#Salmonan 35:19; 69:4
26Esun ku ta yuda boso, lo bini; E ta e Spiritu di bèrdat ku ta bini di Tata. Ami lo mand'É pa boso i lo E testiguá na mi fabor. 27Boso tambe mester testiguá, pasobra boso tabata huntu ku Mi for di kuminsamentu.
Currently Selected:
Huan 15: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013