YouVersion Logo
Search Icon

Hebreonan 1

1
Dios a papia pa medio di su Yu
1Promé aya Dios a papia hopi bia i na hopi manera ku nos antepasadonan pa medio di e profetanan, 2pero awor, den e delaster dianan, El a papia ku nos pa medio di su Yu. Dios a krea universo pa medio di djE i a dun'É tur kos pa semper den poseshon. 3Den djE gloria di Dios ta resplandesé, E ta semehansa di Dios su ser. Pa medio di su palabra poderoso#Sabiduria 7:25-26; 8:1,6; 9:9; Huan 1:1-3; Kolosensenan 1:15-17 E ta mantené tur kos. Despues ku El a hasi posibel ku piká por keda pordoná, El a tuma lugá na man drechi di e Mahestat den shelu. 4E ta alsá riba angelnan i a risibí un título ku tambe ta surpasá esun di nan.
Yu ta superior na e angelnan
5Pasobra nunka Dios a yega di bisa niun angel:
‘Bo ta mi Yu;
awe Mi a duna Bo bida,’#Salmo 2:7
ni tampoko:
‘Ami lo ta un Tata p'E
i E lo ta un Yu pa Mi.’#2 Samuel 7:14; 1 Krónikanan 17:13
6Pero, ora Dios a trese su Yu úniko na mundu, El a bisa:
‘Tur Dios su angelnan mester ador'É.’#Deuteronomio 32:43; Salmo 97:7
7Di e angelnan E ta bisa:
‘E ta hasi su angelnan manera bientu fuerte,
su sirbidónan manera vlam di kandela.’#Salmo 104:4
8Pero E ta bisa su Yu:
‘Bo trono, Dios, t'ei pa semper,
bo sèpter real ta un sèpter di hustisia.
9Bo stima hustisia i ta odia maldat.
P'esei Dios, bo Dios, a konsagrá Bo ku zeta,
señal di alegria, mas ku tur bo kompañeronan.’#Salmo 45:6-7
10Tambe E ta bisa:
‘Señor, Bo a funda mundu den prinsipio,
shelu ta obra di bo man.
11Nan lo peresé, ma Abo ta keda,
tur lo gasta manera pañ'i bisti.
12Lo Bo dobla nan manera un mantel,
kambia nan manera paña.
Ma Abo ta keda semper meskos,
lo no tin fin na bo añanan.’#Salmo 102:25-27
13Pero E no a yega di bisa niun angel nunka:
‘Sinta Bo aki na mi man drechi,
miéntras Mi ta hasi bo enemigunan
un banki pa bo pia sosegá.’#Salmo 110:1
14Pasobra tur e angelnan ta spiritu den servisio di Dios,#Tobit 12:15; Mateo 4:11; Lukas 1:19 ku E ta manda bai sirbi esnan ku lo risibí salbashon.

Currently Selected:

Hebreonan 1: PBDC13

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy