2 Tesalonisensenan 1
1
Saludo
1Esaki ta un karta di Pablo, Silas i Timoteo pa e iglesia na Tesalónika#Echonan 17:1; 1 Tesalonisensenan 1:1 ku ta uní ku Dios, nos Tata, i ku nos Señor Hesu-Kristu. 2Grasia i pas di Dios nos Tata i Señor Hesu-Kristu sea ku boso.
Gradisimentu, kurashamentu i orashon
3Rumannan, ta nos deber pa semper yama Dios danki pa boso. Anto ta bon pa hasi esei, pasobra boso fe ta kresiendo abundantemente i e stimashon ku boso tin pa otro ta oumentando. 4P'esei nos ta papia di boso ku orguyo den e iglesianan di Dios i ta konta kon boso ta soportá persekushon i sufrimentu ku perseveransia i fe. 5Boso ta pasa den tur e kosnan ei komo un señal palpabel kon hustu Dios su huisio ta i pa asina boso por ta digno di drenta su reino, pa kual enberdat boso ta pasa sufrimentu.
6Pasobra ta korekto pa Dios laga esnan ku ta kousa boso sufrimentu tambe sufri 7i pa E duna boso ku ta sufri alivio meskos ku nos. Esei lo sosodé riba e dia ku Señor Hesus aparesé ku su angelnan poderoso,#1:7 su angelnan poderoso; otro posibel tradukshon: angelnan ku ta manifestá su poder biniendo for di shelu 8den vlandam di kandela. Lo E bini pa kastigá esnan ku no ke sa nada di Dios; sí,#1:8 esnan…esnan; otro posibel tradukshon: esnan ku no ke sa nada di Dios i tambe esnan esnan ku no ta hasi kaso di e bon notisia di nos Señor Hesus. 9Nan kastigu lo ta destrukshon eterno i nan lo ta alehá for di presensia di Señor, for di su poder glorioso. 10Esei lo sosodé riba e dia ku Señor lo bini pa su pueblo santu honr'É i pa tur kreyente atmir'É. Boso tambe lo ta den nan, pasobra boso a kere e testimonio ku nos a duna boso.
11Ta p'esei mes nos ta resa semper pa boso, pa nos Dios hasi boso digno di su yamada i pa E realisá ku su poder tur boso bon propósitonan i e trabounan ku boso ke hasi, motivá pa fe. 12Asina, danki na boso, nòmber di nos Señor Hesus lo keda honrá i danki n'E boso lo keda honrá konforme grasia di nos Dios i nos Señor Hesu-Kristu.
Currently Selected:
2 Tesalonisensenan 1: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013