YouVersion Logo
Search Icon

Nehemia 1

1
Fiantsoana an’i Nehemia sy ny nanirahana azy ho an’i Jodà
1Tenin’i Nehemia#1,1 Tenin’i Nehemia: Teny nalaina tamin’ny fitadidiavana nosoratan’i Nehemia. Ny tenan’i Nehemia no nanoratra izany. zanak’i Helkiasa.
Tamin’ny volana Kasleo#1,1 Kasleo, volana fahasivy tamin’ny Jody, nanomboka tamin’ny faramparan’ny volana ataontsika hoe nôvambra. Taona faharoapolo nanjakan’i Artakserksesa; 445 taona talohan’i Jesoa Kristy., taona faha roapolo, raha tao an-dapa, tany Sosa#1,1 Sosa, renivohitry ny faritany atao hoe Sosiana. Tao Sosa no nonenan’ny mpanjakan’i Persa; ary ny rovany, izay natao hoe Akrôpôla, dia niorina teo ambonin’ny tovon-tany narenina. aho, 2dia inty tonga i Hananì, anankiray amin’ny rahalahiko, mbamin’ny lehilahy sasany avy tany Jodà. Nanontaniako izy ireo, ny amin’ny Jody efa afaka, dia izay nitsoaka tamin’ny fahababoana, sy ny amin’i Jerosalema. 3Ka izao no navaliny ahy: «Lavina ny fahoriana sy latsa mahazo ny sisa afaka, dia izay nitsoaka tamin’ny fahababoana, any amin’ny ambanivohitra any; ny mandan’i Jerosalema voarodana, ny vavahadiny levon’ny afo.»
4Vao nandre izany zavatra izany aho dia tafatombina nitomany ny nisaona andro maro. Nifady hanina sy nivavaka teo anatrehan’ny Andriamanitry ny lanitra aho, 5nanao hoe: «Ry Iaveh Andriamanitry ny lanitra ô, Andriamanitra lehibe sy mahatahotra ô, Ianao izay mitana ny fanekena sy ny famindram-po amin’izay tia Anao sy mitandrina ny didinao anie, 6hanongilana ny sofinao sy hampahiratra ny masonao, hihaino ny vavaky ny mpanomponao izay ataoko aminao ankehitriny, andro aman’alina ho an’ny zanak’i Israely mpanomponao, amim-piekena ny fahotan’ny zanak’i Israely, dia izay nataony taminao; fa nanota izahay dia izaho sy ny fianakavian-draiko. 7Efa nanao izay ratsy indrindra taminao izahay, fa tsy nitandrina ny didy, ny lalàna amam-pitsipika nandidianao an’i Môizy mpanomponao. 8Tsarovy ilay teny nasainao nolazain’i Môizy mpanomponao nataonao hoe: Raha mandika ny didiko ianareo, dia haeliko any amin’ny firenena; 9nefa raha miverina amiko ianareo, ka mitandrina ny didiko sy manaraka azy, na dia efa any am-paravodilanitra aza ny voasesitany aminareo, dia hangoniko avy any sy hoentiko ho eo amin’ny fitoeram-boafidiko hamponenako ny Anarako. 10Mpanomponao sy vahoakanao, izay navotanao tamin’ny herinao lehibe sy ny tananao mahery izy ireo. 11Endrey, ry Tompo, aoka hanongilan-tsofina amin’ny vavak’ity mpanomponao Ianao, sy amin’ny vavak’ireo mpanomponao izay mankasitraka tokoa ny matahotra ny Anaranao! Ho sitrakao anie ny hanambina ny mpanomponao anio, sy hampahita fitia azy eo imason’io lehilahy io.»
Mpandroso divain’ny mpanjaka aho fahizay.

Currently Selected:

Nehemia 1: MBC

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy