Mpitsara 1
1
SASIN-TENY VOALOHANY FITANTARANA FOHY NY NIDIRANA TANY KANAANA
Ny nametrahana an’i Jodà sy i Simeôna sy i Kaleba ary ny taranak’i Kenaza
1Nony maty i Jôsoe, dia nanontany an’i Iaveh ny zanak’i Israely nanao hoe: «Iza aminay no hananika voalohany ny Kananeanina hiady aminy?» 2Hoy ny navalin’i Iaveh: «I Jodà no hananika#1,2 Iza aminay no hananika voalohany? sns. I Jodà no hananika. Ny fokon’i Jodà no saika loha lalana mandrakariva amin’ny ady atao: izy no be olona indrindra sady mahery fo indrindra. Ny tany, dia ny tany Kanaana sy ny mponina ao aminy.; indro efa natolotro eo an-tanany ny tany». 3Ary hoy i Jodà tamin’i Simeôna rahalahiny: «Andeha hiakatra miaraka amiko ianao ho any amin’ny tany azoko tamin’ny loka, dia hiady amin’ny Kananeanina isika; dia handeha hiaraka aminao koa aho any amin’ny tany azonao tamin’ny loka.» Dia niaraka taminy i Simeôna#1,3 Nandeha niaraka tamin’i Simeôna. Nifanolotra ny zara tanin’i Jodà sy i Simeôna. Azo lazaina fa nifangaro ny anjara tanin’ireo foko ireo.. 4Niakatra i Jodà ary natolotr’i Iaveh teo an-tanany ny Kananeanina sy ny Ferezeanina. Lehilahy iray alina no resiny tao Bezeka. 5Hitany tao Bezeka i Adôni-Bezeka, ka nasiany, dia resiny ny Kananeanina sy ny Ferezeanina. 6Nandositra i Adôny-Bezeka fa nenjehin’izy ireo, koa nony azony, notapahiny ny ankiben-tanany aman-tongony#1,6 Notapahiny ny ankiben-tanany aman-tongony. Fanao tamin’izay amin’ny firenena rehetra ny manapaka ny rantsam-batana amin’ny fahavalo voasambotra, mba hisakana azy tsy hiady intsony. Ny amin’ity Adôny-Bezeka ity, dia azo lazaina fa ny ratsy nataony tamin’ny namany no nitsingerina taminy.. 7Dia hoy i Adôni-Bezeka: «Mpanjaka fitopolo notapahina ankiben-tongotra aman-tanana no nitsindroka tao ambany latabatro, ka ny nataoko ity no afotitr’Andriamanitra amiko.» Nentina nankany Jerosalema izy, dia maty tany.
8Namely an’i Jerosalema ny taranak’i Jodà dia afany, ary nodorany tamin’ny afo ny tanàna. 9Taorian’izany dia nidina ny taranak’i Jodà hiady amin’ny Kananeanina monina amin’ny tendrombohitra, ny Negeba ary ny Sefelà#1,9 Ny Sefelà. Tany lemaka iva, amoron’ny Ranomasina Mediteranea.. 10Dia nandroso i Jodà namely ny Kananeanina nonina tany Hebrôna, izay nantsoina fahiny hoe Kariata-Arbe, ary nandresy an’i Sesaia sy i Ahimàna ary Tolmaia. 11Avy eo dia nandroso hiady tamin’ny mponina tao Dabira, izay nantsoina fahiny hoe Kariata-Sefera. 12Ary hoy i Kaleba: «Homeko an’i Aksà zanako vavy ho vadiny, izay mamely ka mahafaka an’i Kariata-Sefera.» 13Dia Otoniela zanak’i Keneza, zandrin’i Kaleba, no nahafaka azy, ka nomen’i Kaleba ho vadiny i Aksà zanany vavy. 14Nony nandeha tany amin’i Otoniela izy, dia namporisika azy hangataka saha amin-drainy. Niala tamin’ny ampondrany razazavavy, ka hoy i Kaleba taminy: «Maninona ianao?» 15Ary hoy ny navaliny azy: «Omeo tombom-pitia aho, fa tany tsy misy rano no nametrahanao ahy, ka mba omeo loharano aho.» Dia nomen’i Kaleba ny loharano ambony sy ny loharano ambany izy#1,15 Jereo Jôs 15,15-19.
16Niara-niakatra tamin’ny taranak’i Jodà, avy any amin’ny tanànan-drofia, ny taranak’ilay Kineanina#1,16 Ny taranak’ilay Kineanina. Tsy iza ilay Kineanina fa i Hobaba zanak’i Jetrao rafozan’i Môizy (Eks 2,18; 3,1). zaodahin’i Môizy, nankany amin’ny efitr’i Jodà, atsimon’i Arada: ka tonga niara-monina tamin’ny vahoaka izy.
17Dia niainga nandeha indray i Jodà, nomban’i Simeôna rahalahiny, ka nandresy ny Kananeanina nonina tany Sefaata; nataony anatema ny tanàna, ka Hormà no niantsoana azy. 18Afak’i Jodà#1,18 Afak’i Jodà. Gazà, Askalôna, Akarôna, tanànan’ny Filistinina, notafihin’i Jodà; nefa vetivety foana dia azon’ny tompony taloha indray (jereo Mpits 14,19; 15,1). koa i Gazà mbamin’ny faritaniny. 19Nomba an’i Jodà i Iaveh ka lasany ny tendrombohitra; tsy voaroakany anefa ny mponina amin’ny tany lemaka; fa nanan-kalesy vy ireny. 20Nomena an’i Kaleba i Hebrôna araka ny voalazan’i Môizy, ka noroahiny hiala tao ny zanak’i Enàka telo lahy.
21Tsy nandroaka ny Jeboseanina nonina tao Jerosalema ny taranak’i Benjamina, ka niara-nonina tamin’ny zanak’i Benjamina tao Jerosalema mandraka androany ny Jeboseanina.#1,21 Jereo Jôs 15,63
Ny Nametrahana ny fianakavian’i Josefa
22Niakatra namely an’i Betela koa ny fianakavian’i Josefa#1,22 Fianakavian’i Josefa. Ny fokon’i Efraima sy ilay antsasa-pokon’i Manase ao andrefan’i Jordany. ary nomba azy ireo i Iaveh. 23Naniraka hisafo an’i Betela, tanàna nantsoina fahiny hoe Lozy, ny fianakavian’i Josefa. 24Hitan’ny mpiambina ity lehilahy anankiray nivoaka avy tao an-tanàna, ka hoy izy taminy: «Atoroy anay izay azo idirana any an-tanàna fa hamindrànay fo ianareo.» 25Dia natorony azy ireo izay ho azony hidirana any an-tanàna, ka nasian’izy ireo tamin’ny lelan-tsabatra ny tanàna, fa ralehilahy sy ny mpianakaviny rehetra no nalefany handeha. 26Any amin’ny tanin’ny Heteanina#1,26 Ny tanin’ny Heteanina. Firenena lehibe sy malaza fahiny fahagola ireo Heteanina ireo, any amoron’ny ony Eofrata. no nalehan-dralehilahy, dia nanorina tanàna izy, nomeny anarana hoe Lozy, mbola anarany mandraka androany izany.
Ny nametrahana an’ireo foko tany avaratra sy ireo Edômita na Amôreana
27I Manase tsy nandroaka ny mponina tao Betsàna sy ny tanàna momba azy, na ny tao Tanàka sy ny tanàna momba azy, na ny mponina tao Dôra sy ny tanàna momba azy, na ny mponina tao Jeblaamà sy ny tanàna momba azy, ka nahazo toky hipetraka amin’izany tany izany ny Kananeanina.#1,27 Jereo Jôs 17.12,13. 28Nony efa nihanahery i Israely, dia nampandoaviny hetra ny Kananeanina, nefa tsy noroahiny izy ireo.
29I Efraima tsy nandroaka ny Kananeanina nonina tao Gareza, ka nonina teo amin’i Efraima tao Gareza ny Kananeanina.#1,29 Jereo Jôs 16,10
30I Zabolôna tsy nandroaka ny mponina tao Setrôna, na ny mponina tao Naalôna, ka nonina tao amin’i Zabolôna ny Kananeanina fa nampandoaviny hetra.
31I Asera tsy nandroaka ny mponina tao Akao, na ny mponina tao Sidona, na ny tao Ahalaba, Akaziba, Helbà, Afeka, ary Rohoba, 32ka nonina teo amin’ny Kananeanina tompon-tany ny taranak’i Asera, satria tsy nandroaka azy.
33I Neftalì tsy nandroaka ny mponina tao Bety-Samesy na ny mponina tao Bety-Anata, ka nonina teo amin’ny Kananeanina tompon-tany izy, nefa nandoa hetra tamin’ny mponina tao Bety-Samesy sy Bety-Anata.
34Nasesiky ny Amôreana ho any amin’ny tendrombohitra ny taranak’i Dana, fa tsy navelany hidina ho amin’ny tany lemaka, 35ary nahazo toky ny Amôreana hitoetra ao Hara-Haresy sy Ajalôna ary Selebima fa nanampatra ny herin’ny tanany tamin’izy ireo kosa ny fianakavian’i Josefa, ka nampandoaviny hetra izy ireo. 36Ny faritanin’ny Amôreana, dia hatramin’ny fiakarana Akrabima sy Selà no ho miakatra.
Currently Selected:
Mpitsara 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.