Osea 1
1
Lohateny
1Tenin’i Iaveh, tonga tamin’i Osea, zanak’i Beeri, tamin’ny andron’i Oziasa sy i Joatama sy i Akaza ary i Ezekiasa, mpanjakan’i Jodà, sy tamin’ny andron’i Jerôbôama, zanak’i Jôasa#1,1 I Jerôbôama, zanak’i Jôasa: i Jerôbôama faha-2, zaza indray nihira tamin’i Oziasa, faingy maty talohan’io mpanjaka io., mpanjakan’i Israely.
1. NY FANAMBADIAN’I OSEA SY NY MAHA FAMANTARANA AN’IZANY
Fanambadian’i Osea sy ireo zanany
2Tamin’ny niandohan’ny#1,2 Tamin’ny niandohan’ny, sns. Fiandohan’ny nitenenan’ny Tompo tamin’i Osea. nitenenan’i Iaveh tamin’i Osea, izao no nolazain’i Iaveh tamin’i Osea: «Mandehana ianao, makà vady#1,2 Mandehana ianao, makà vady: Fomba fitenenana hebrio izany, mitovy amin’ny antsika Malagasy, ka ny heviny dia vady marina ara-dalàna. tena janga#1,2 Tena janga: Izany hoe, izay efa nijangajanga. Izany fanambadiana hafahafa sady mahagaga izany, dia tandindona sy filazana fa ny vehivavy janga dia manambara an’i Samaria izay nivarilavo tamin’ny fanompoan-tsampy, ary ny zanany, izay teny an’ohatra koa no ilazana azy, dia ny fahatezeran’ny Tompo izay efa mitatao sy ny famaliany ratsy vonona dia vonona hipoaka amin’ny vahoakany. Ny mpaminany no mazàna famantarana izay tsy maintsy ho tonga amin’i Israely (jereo Iz 20; Jer 28; Ezek 4, sns.), aman-janaky ny fijangajangana, satria tsy misy ataon’ny tany#1,2 Tany: Izany hoe, ny mponina ao Samaria. afa-tsy ny misaraka amam-bady amin’ny fandaozana an’i Iaveh.» 3Dia nandeha izy, naka an’i Gômera, zanaka vavin’i Debelaïma, ary nanana anaka ravehivavy, ka nitera-dahy taminy. 4Ary hoy i Iaveh taminy: «Ataovy hoe Jezrahely#1,4 I Jezrahely: Ny hevitr’izany amin’ny teny hebrio dia hoe: Andriamanitra hamafy, hanely, ka io teny farany io no mifanandrify aminy eto. ny anarany, fa andro vitsy sisa, dia hovaliako ny taranak’i Jehò noho ny ra nalatsaka tao Jezrahely, ary hotaperiko ny fanjakan’ny taranak’i Israely. 5Amin’izany andro izany, hotapahiko, eo amin’ny tanilemak’i Jezrahely, ny tsipìkan’i Israely.»
6Ary nanana anaka indray ravehivavy ka nitera-bavy, dia hoy i Iaveh tamin’i Osea: «Ataovy hoe Lô-Rôkama ny anarany, fa tsy hiantra intsony ny taranak’i Israely Aho ka hamela heloka azy. 7Fa ny taranak’i Jodà no hiantrako; ary i Iaveh Andriamaniny no hamonjeko azy ireo; fa tsy amin’ny tsipìka, na amin’ny sabatra, na amin’ny ady, na amin’ny soavaly, na amin’ny mpitaingin-tsoavaly no hamonjeko azy.» 8Nony notazany i Lô-Rôkama#1,8 Notazana i Lô-Rôkama. Roa taona eo ho eo vao otazan’ny Jody ny zaza., dia nanana anaka indray ravehivavy, ka nitera-dahy. 9Dia hoy i Iaveh tamin’i Osea: «Ataovy hoe Lô-Amì#1,9 Lô-Amì: Ny dikan’izany dia hoe: tsy vahoakako, na tsy oloko, ka izany dia ohatra enti-milaza fa lany ny faharetan’i Iaveh amin’ny vahoakany, fa ariany i Israely. ny anarany, fa ianareo tsy vahoakako, ary Izaho tsy ho Andriamanitrareo.»
Currently Selected:
Osea 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.