Kaŋ mballa ma 98
98
Mbá me kaŋ mballa ge giya̰l ne Bage ɗiŋnedin pe
1Kaŋ mballa.
Mbá me kaŋ mballa ge giya̰l ne Bage ɗiŋnedin pe,
ago na sḛ ke kaŋ ge ajab ma.
Hál naa da ne na tok matoson ma ne na tok ge mbegeya.
2Bage ɗiŋnedin ke kwarra go, na bage máya ne,
dya̰ dosol ge na ne pehir ge ɗogle ma ndwara go pet.
3Na sḛ dwa ne kwa a̰se ge na ne ma
ne fareba ge na ne ne pehir ge Israyela ne pe.
Ɗiŋ mbo suwar pe ndegɗe ya,
naa kwa máya ge nee Dok ne.
4Naa ge ne suwar pal ma pet,
puwale me ne Bage ɗiŋnedin pe,
á me aŋ pe suwa̰leya digi,
ke me laar saal, mbá me kaŋ!
5Siya̰le me Bage ɗiŋnedin ne biliŋ ma,
ne biliŋ ma, mbá me kaŋ ne ka̰l ndaar!
6Ne burci ma, ne tṵ sunna ma,
oy me digi ne laar saal Bage ɗiŋnedin, Gan ndwara se!
7Maŋgaɗam ga̰l yuwam,
ne kaŋ ge ne na se ma pet nama suwa̰le digi,
dunya, ne kaŋ ge ne na zi ma pet me!
8Maŋgaɗam ma fó nama tok#98:8 fó nama tok No ŋgay sḭḭl potɗa ge ne pot dimma ne tok ne fol ne go.,
ɓanna ne njal ma, nama suwa̰le digi
9Bage ɗiŋnedin ndwara se!
Ago na sḛ mbo ya ndwara kun sarya suwar pal,
mbo kun dunya sarya dosol pal,
mbo kun pehir ma sarya be vareya.
Currently Selected:
Kaŋ mballa ma 98: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
