Kaŋ mballa ma 97
97
Bage ɗiŋnedin gan ne
1Bage ɗiŋnedin gan ne, suwar ke laar saal!
Til ma gḛ nama ke tuli!
2Pḭr ma ne swaga sebeya ve na ver,
na hool gan pe dó ya dosol ma ne wak yuwaleya pal.
3Ol mbo ya na ndwara zḛ,
ka ɗaabe na naa ge ho̰l ma ne na ziyar go tilla uzi.
4Na serra zen kwaya̰l dunya zi pet,
suwar kwa na, ka ndat vo.
5Njal ma ɗese se
dimma ne daaram fegem go Bage ɗiŋnedin ndwara se,
ge Bageyal ge suwar ne pet ndwara se.
6Pḭr waage na dosol,
pehir ma pet a kwa hormo ge na ne.
7Nama ge ne ke temel mo̰r hon kaŋ sḭḭm ma pet
saaso mbo ke nama,
poseya ne nama ge ne uware ta ne kaŋ ge baŋ yak ma,
dok ma pet a mbo gur na ndwara se.
8Siyona za̰ fare mbe, na sḛ ka ke tuli.
O Bage ɗiŋnedin, suwal ge Yuda ne ma
ke laar saal ne mo sarya kunna ma pe.
9Ago mo Bage ɗiŋnedin,
mo Bage ne digi zi ya ge ne suwar pal pet ne,
mo ya digi zi ya dok ma pala digi pet.
10Aŋ ge aŋ laar ne wa̰ Bage ɗiŋnedin ma,
kwane me sone kerra,
a na bage ne koy naa ge ɗeŋger ma ne,
zur nama ne naa ge sone ma tok go ne.
11Kwaya̰l zen da ne ndu ge dosol pe,
laar saal da ne naa ge dulwak peɗem ma pe.
12Naa ge dosol ma,
ke me laar saal Bage ɗiŋnedin zi,
uware me na ne dwatɗa na dḭl ge mbegeya pal.
Currently Selected:
Kaŋ mballa ma 97: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
