Kaŋ mballa ma 91
91
Swaga woy ta ge fareba ya Dok zi
1Ndu ge ne woy tene Bage ne digi digi zi ya zi,
dwam ya soŋgoy ge Bage pool pet ne zi.
2Mbi jan ne Bage ɗiŋnedin go:
«Mo mbi swaga woy tene ne,
mo mbi gulum ga̰l ne,
mo Dok ge mbi ne, mbi é mbi jobreya ya mo zi!»
3A na zur mo ne faɗe ge ndu ge ke kyare ne zi ne,
ne mbogom ge ne á naa pe zi ne.
4Kulbi mo na ganwak zi,
mo woy tene ya na fápul zi.
Fareba ge na ne a ɓiyaar ne, a goŋroŋ ne me.
5Mo mbo sya a̰me vo to bat, ko kaŋ ge ne hon naa vo ɗaal zi,
ko kajamle ge ne fyage mballa gyala,
6ko mbogom ge ne tṵ zi,
ko moy ge ne wan naa gyala pala.
7Ko naa ka̰ se dubu mo ziyar go,
dudubu wol mo tok matoson pal puy,
a̰me mbo ke mo to bat.
8Ndi ne mo ndwara baŋ,
mo ma̰ kwa potɗa ge Dok ne pot naa ge sone ma!
9Ago mo Bage ɗiŋnedin, mo mbi swaga woy tene ne,
mo ke digi zi ya mo swaga katɗa.
10Sone a̰me det mo ta ya to,
moy a̰me ndar ya mo gur ta zi gwa to bat.
11Ago mbo hon na maleka ma wak
nama koy mo mo viya̰ pul ma go pet#Mat 4:6, Luk 4:10-11..
12A mbo fan mo digi bama tok go,
na kaage mo koo pó njal ta to bat.
13Mo mbo ka mbo viya̰ sonne ma ne bondor-ma-ná ma pal,
mo mbo ka ndal sonne bool ma ne bom ma mo koo se.
14Ne jo̰ mbarge tene da ne mbi ɗe,
mbi mbo zur na,
mbi mbo koy na, ago kwa mbi dḭl kwa.
15Swaga ge na sḛ ne mbo tol mbi ya,
mbi mbo gwan ne na vinna.
Mbi mbo kat ne na swaga yál ma zi.
Mbi mbo zur na, mbi mbo uware na.
16Mbi mbo hon na dam twala,
mbi mbo dyan mbi máya na ta.
Currently Selected:
Kaŋ mballa ma 91: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
