Kaŋ mballa ma 67
67
Ɓase ma uware mo
1Ne naa ge mbal kaŋ ma ga̰l pe: Kaŋ mballa, a ka hale biliŋ na wak go.
2Ya̰ Dok na ke nee kwaɗa, na é wak busu nee pal,
na dó na ndwara ya nee pal! Ɗigliya
3Ne da pe, naa ge ne suwar pal ma kwa mo koo pul,
pehir ge ɗogle ma pet nama kwa go mo bage máya ne me!
4O Dok, ɓase ma uware mo,
pehir ma mwaɗak, nama uware mo!
5Ya̰ naa suwa̰le digi, nama ke tuli,
ago mo kun naa sarya be vareya,
a mo ɗame naa ne suwar pal ne. Ɗigliya
6O Dok, ɓase ma uware mo,
pehir ma mwaɗak, nama uware mo!
7Suwar hon na kaŋzam go,
Dok, Dok ge nee ne, é nee wak busu!
8Ya̰ Dok na é nee wak busu,
ɗiŋ mbo suwar pe ndegɗe, naa pet, nama sya na vo.
Currently Selected:
Kaŋ mballa ma 67: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
