1Yohanna 1
1
Fare ge ndwara
(Yoh 1:1-14)
1Kaŋ ge ne ka ne pe eya ya day, kaŋ ge i ne za̰ na, kaŋ ge i ne kwa na ne i ndwara fa̰ ma, kaŋ ge i ne ndi na, ge i tok ma ne tá na, a fare ge ndwara ne, 2ndwara dya̰ ya, i kwa na, i ke na kwarra no, da ne pe no i waage aŋ ndwara ge ɗiŋnedin no, na ge ne ka Báá ta ya, na ge a ne dya̰ nee na ya. 3I waage aŋ kaŋ ge i ne kwa na, ge i ne za̰ na, ne da pe aŋ sḛ ma me, aŋ ka ba̰a̰n dagre ne i. Ago ba̰a̰n ge nee ne a dagre ne Báá, ne na Vya Jeso Kris me. 4I njaŋge aŋ kaŋ mbe ma no, ne da pe laar saal ge nee ne na ka wiya tap.
Dok kwaya̰l, a kwaɗa go nee mbo kwaya̰l zi
5Fare ge i ne za̰ ne na ta no, a na ge i ne waage aŋ na: Dok a kwaya̰l, tṵ ne na zi go ŋgeɗo to bat. 6Kadɗa nee jan go: «Nee ba̰a̰n dagre ne na», amma nee ka mbo tṵ zi me, nee ke hale, nee ke mborra ne fareba pal to bat. 7Amma kadɗa nee ke mborra kwaya̰l zi, dimma ne na sḛ ne kwaya̰l zi go, nee ba̰a̰n dagre ne ta, swama ge na Vya ne usi nee ya kwaya̰l harcal ne sone ma go pet. 8Kadɗa nee jan go: «Nee be ke sone to», nee ya̰me ta, fareba ne nee zi to bat. 9Kadɗa nee fut nee sone ma ya zum, ne jo̰ na sḛ ndu ge ne koy wak tuli ge na ne, ne ndu ge dosol me, mbo pore sone ge nee ne ma, mbo hat nee harcal ne dosol kerra to ge nee ne ma go pet. 10Kadɗa nee jan go: «Nee be ke sone to», nee saŋge na ndu ge hale, fare ge na ne ne nee zi to bat.
Currently Selected:
1Yohanna 1: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.