Mattêuse 1
1
Kristûsib sivorlingita maliktigêngninginik. Singaigijauninganik atinganiglo.
1Aglait Kristûsib sivorlingita maliktigêngninginik: Tâmma Davidib erninga, tâmna Abrahab erninga.
2Abrahab ernetârivâ Isaak. Isaaub ernetârivâ Jâko. Jâkob ernetârivâ Jûda ᴋatangutingillo.
3Jûdab ernetârivâ Farez Zaralo Tâmamit. Farezib ernetârivâ Hezron. Hezronib ernetârivâ Rame.
4Ramib ernetârivâ Aminada. Aminadab ernetârivâ Nahasson. Nahassonib ernetârivâ Salma.
5Salmab ernetârivâ Bôase Rahabemit. Bôasib ernetârivâ Obede Rutemit. Obedib ernetârivâ Jesse.
6Jessib ernetârivâ atanek Dâvide. Ataniub Dâvidib ernetârivâ Salomo, Urîab nuliarilauktanganit.
7Salomo ernetârivâ Roboa. Roboab ernetârivâ Abîa. Abîab ernetârivâ Assa.
8Assab ernetârivâ Jôsafat. Jôsafatib ernetârivâ Jôrame. Jôramib ernetârivâ Osia.
9Osiab ernetârivâ Jôtame. Jôtamib ernetârivâ Ahas. Ahasib ernetârivâ Ezekîa.
10Ezekiab ernetârivâ Manasse. Manassib ernetârivâ Amon. Amonib ernetârivâ Josîa.
11Josîab ernetârivâ Jekonia ᴋatangutingillo taipsomane Jûdit Babilônemut aularutjaulauktilugit.
12Babilonemit uterningata kingorngagut Jekoniab ernetârivâ Sealtiêle. Sealtiêlib ernetârivâ Zorôbabele.
13Zorôbabelib ernetârivâ Abiud. Abiudib ernetârivâ Eliakime. Eliakimib ernetârivâ Asore.
14Asorib ernetârivâ Zadoᴋ. Zadub ernetârivâ Akime. Akimib ernetârivâ Eliud.
15Eliudib ernetârivâ Eleasar. Eleasarib ernetârivâ Mattan. Mattanib ernetârivâ Jâko.
16Jâkob ernetârivâ Jôsefe, Mariab iuksanga. Tâpsoma erniarivâ Jêsuse, Kristûsemik atilik.
17Ernerêt ilûnatik Abrahamit Dâvide tikidlugo 14ovut. Dâvidemillo, Jûdit Babilônemut aularutjauᴋârtinagit, ernerêt 14 ogivut. Babilônemit uterninginit Kristûse tikidlugo ernerêt 14 ogivut.
18Jêsusible Kristûsib erniangoninga imaipok: Anânanga Maria, Jôsefemut angersimalerame, katerᴋâratik, malungnarsivok, singailermat Anernermit agunginermit.
19Uiksangatale Jôsefib, idluartôgame, kangusuktitsomangilâ, issumaᴋalerporle angigutjilune ᴋemagomavlugo.
20Taimagle issumaᴋalermat, ahâk, Nâlekab Engelingata sakᴋervigivâ sinnaktomanikut, oᴋarlune: Jôsefe, Dâvidib erninga, sivôranak, Maria nuliaksat ilingnut pilugo; singainga Anernermit ajunginermit pingmat.
21Ernermik ernijomarpok; tâmna Jêsusemik atseraraksarivat, inuᴋotine piulijomârmagit ajorninginit.
22Tamadja tamât taimailerpok, Nâlekab oᴋausingit nalautaijokut nalautserᴋovlugit, oᴋarmat:
23Ahâk, uigasuk singaijomârpok, ernermiglo ernijomârlune, Immanuêlemiglo atseraromârpât, atingata tukkinga imaipok: Gûde uvaptingnêtok.
24Jôsefele siningminit tupakame, taimailivok perᴋojaunermitut Nâlekab Engelinganut, nuliaksane aivlugo.
25Aktungilâle, erniarerᴋârtaminik ernerᴋârtinnago, atserarpâlo Jêsusemik.
Currently Selected:
Mattêuse 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.