Leviticus 24
24
1Nâlekablo Mosese oᴋarvigivâ, oᴋarlune:
2Israêlib ᴋitorngangit perᴋokit, âtsiᴋovlugit ilingnut napârtûb orᴋsuliub orᴋsuanik ilaᴋangitomik katjuksimajomik ikomaksamik, ᴋolleᴋartilugo ikimatsainartomik.
3Kigligiutjinektaliub upkoangata silatâne, tupersoarme katimavingme, Aronib âᴋiksoraksarivâ sorairᴋonago unungmit ulûb ᴋaulerninga tikidlugo Nâlekab sângane; perᴋojak tamanna soᴋosijuituksauvok kinguvângoᴋatigêngnipsigut.
4Kollit âᴋiksoraksarivait nanneroaᴋarvingme piojome Nâlekab sângane soraingitomik.
5Sanaugatsiarmiglo tigusijuksauvotit ᴋakᴋôjaliorlutillo 12nik tâpsomangat; efab tallimaujûgik maggûk ᴋakᴋôjarmut atautsemut ilingajuksauvuk.
6Aᴋiksoraksarivatillo avilugit ingmikut maggoililugit, atunit sixotilugit, sâme ivsornaitome Nâlekab sângane.
7Ingmigolingajûngnalo tamangne ilijijuksauvotit tipitsiariksautiksamik ilaᴋangitomik, ᴋakᴋôjauᴋovlugit erᴋaumajutiksanik, tunergutiksanik ikomakut Nâlekamut.
8Sabbatine tamaine âᴋiksoraksaritsainarpait Nâlekab sângane; angiᴋatigêngniovok soraijuitok Israêlib ᴋitorngangit pivlugit.
9Aroniblo erningitalo perᴋutigijaksarivait; nerrijaksarivaillo ivsornaitovingme; ivsornainerpaungmat tâpsomunga, tunijaujunit tamainit Nâlekamut ikomakut perᴋojamut soᴋosijuituksaujomut.
10Arnablo Israêlitiojûb erninga, Egiptenemiomik atâtalik, anivok Israêlib ᴋitorngangita akornganut: arnablo Israêlitiojûb erninga angullo Israêlitiojok aivautivuk tangmârvingme;
11Arnablo Israêlitiojûb erningata Atek oᴋarnilutigivâ mittautigilugolo; âpâlo Mosesemut. Anânangalo ateᴋarpok Selomitemik, Dibrib paninganik, kinguvârêt Danekut ilanganik.
12Parngnanairsorpâlo, nalojungnaititaujomavlutik Nâlekab ᴋaninganut.
13Nâlekablo Mosese oᴋarvigivâ, oᴋarlune:
14Oᴋarnilutjijok tikiutisiuk tupersuit avatânut; ilûnatiglo tusalauktut tâpsominga patingmilitsuk niaᴋoagut, ilagêllo ilûnatik milorlitsuk ujarᴋanut.
15Israêliblo ᴋitorngangit oᴋarvigijaksarivatit, oᴋarlutit: Oᴋarnilutjijok Gûdiminik nangmartuksauvok ajornerminik.
16Nâlekablo atinganik mitauteᴋartok, tâmna toᴋotaksauvok; ilagêt ilûnatik miloraksarivât ujarᴋanut; takorngartaumangâllônêt takorngartaungimangâllônêt, Nâlekab atinganik mitauteᴋartok toᴋotaujuksauvok.
17Toᴋotsijorlo inungmik, tâmna toᴋotaujuksauvok;
18Toᴋotsijorlo nergjutemik, tâmna akkileraksarivâ, inôsek inôsermik.
19Inûblo inôᴋatine akᴋunakpago, sôrlo pinialaurame taimâk piniarviojuksauvok;
20Killeᴋ killermik, ije ijemik, kigut kigumik, sôrlo tâpsoma inuk akᴋunarlaungmago, taimâk piniarviojuksaugivok.
21Nergjutemiglo toᴋotsijok, tâmna akkileraksarivâ; toᴋotsijorlo inungmik, toᴋotaujuksaugivok.
22Tâpsomingatsainak maligaksaᴋartuksauvose takorngartamut takorngartaungitomullo; Uvangaugama Nâlegak Gûdise.
23Mosesiblo Israêlib ᴋitorngangit oᴋarvigivait, imnalo oᴋarnilutjijok âpât tupersuit avatânut milorlugolo ujarᴋanut. Israêliblo ᴋitorngangit piniarput sôrlo Nâlekab Mosese perᴋongmago.
Currently Selected:
Leviticus 24: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
