Leviticus 21
21
1Nâlekablo Mosese oᴋautivâ: Ajoᴋertuijut Aronib erningit oᴋarvigikit, oᴋautilugillo: Ivsornartitoᴋarniarane nangminerminik toᴋungajut inôᴋatime akorngane pivlugit;
2Kisiane ilane ᴋanigijane pivlugit anânane, atâtanalo, erninalo, paninalo, angajunalo, nukanalo;
3Najanalo uigasuk ilaluatsiarijane, uiᴋalaungitok, tâpkoa pivlugit ivsornartitsungnarpok nangminerminik.
4Ivsornartituksaungilak nangminerminik, erᴋarnartôgame inôᴋatime akorngane, naggonartiᴋonago nangminerminik.
5Niaᴋomingne nujairsimajoᴋartuksaungilat, umingmiglo isungit kipjaraksaringilait, kilertuksaungilallo uviningmingnik.
6Ivsornaituksauvut Gûdimingnut, Gûdimiglo atinga naggonartitaililugo; tunergusermatta tunijaumajunik Nâlekamut ikomakut, Gûdimik nerᴋinganik; tamanna pivlugo ivsornaituksauvut.
7Nulianiktuksaungilat arnamik anguniarpaktomik ilusitsiariktôngitomiglônêt; arnamiglônêt avitaumajomik uiminit nulianiktuksaungilat; ivsornaidlarmatta Gûdimingnut.
8Taimaimat ivsornaititaksarivat, Gûdivit nerᴋinga tunergutigingmago; ivsornaitokutigijaksarivat; Uvanga Nâlegaujunga ivsornaititise ivsornaidlarama.
9Ajoᴋertuijullo naliata paningata, naggonartigune nangminerminik anguniarnermut, atâtane naggonartigivâ; ikomamut ôtaujuksauvok.
10Ajoᴋertuijersoangojublo ᴋatangutime akorngane, niaᴋokut koverijaulauktûb orᴋsumik mingoarutiksamik, ingmikôrtartitaujûblo annorâlijarᴋovlugo (ajoᴋertuijoksûb) annorânginik, tâpsoma niaᴋome nujangit palangatigijaksaringilait, annorânelônêt aliktoraksaringilait.
11Toᴋungajûblo timinganut itertuksaungilak, atâtanelônêt anânanelônêt pivlugo ivsornartituksaungilak nangminerminik;
12Anijuksaungilarlo ivsornaitovingmit, Gûdimelo ivsornaitoviᴋotinga naggonartitaksaringilâ; orᴋsumut mingoarutimut ingmigolingatitaungmat Gûdiminut; Uvangaugama Nâlegak.
13Nulianiktuksauvok uigasungmik angutimik ᴋaujilauksimangitomik.
14Uigarnermik, avitaumajomiglônêt uiminit, arnarmiglônêt iluseluktomik, anguniarpaktomiglônêt nulianiktuksaungilak; uigasungmigle (angutimik ᴋaujilauksimangitomik) inôᴋatime akornganit nulianiktuksauvok.
15Naggonartitsijuksaungilarlo kinguvângminik inôᴋatime akorngane; Uvangaugama Nâlegak ivsornaititsijok tâpsominga.
16Nâlekablo Mosese oᴋarvigivâ, oᴋarlune:
17Arone oᴋarvigiuk, oᴋarlutit: Kinguvâksavit naliat kinguvârêngningine ᴋanoetoᴋarpat, tâmna najorniktuksaungilak Gûdime nerᴋiksanga tunergutigijomavlugo.
18Kinaugaloarune ᴋanoetoᴋarune najorniktuksaungilak; tautungitok, tusiaktorlônêt, ᴋingaᴋartorlônêt sêksimajomik, ilutseluktorlônêt,
19Itigaᴋartorlônêt aggaᴋartorlônêt ilakungortomik,
20Pikingajorlônêt, erᴋilarlônêt, nakkungajorlônêt, kalaktorlônêt, uttoviluktorlônêt, ijuluktorlônêt;
21Kinalônêt Aronib ajoᴋertuijoksûb kinguvânginit ᴋanoetoᴋartok najorniktuksaungilak tunerguseromavlune tunergutinik Nâlekamut ikomakut; ᴋanoetoᴋarpok; najorniktuksaungilak Gûdime nerᴋinga tunergutigijomavlugo.
22Nerrijuksauvok Gûdime nerᴋiksanganik, tamarmik ivsornainerpaujomiglo ivsornaitomiglo.
23Itertuksaungilarle upkôb ungatânut, tunerguserviublônêt najugânut pijuksaungilak, ᴋanoetoᴋarame; naggonartitsiᴋonago ivsornaitoviᴋotimnik; Uvangaugama Nâlegak ivsornaititsijok tâpkoninga.
24Taimaimallo Mosesib Aronalo erningillo Israêlikullo ilûnaita oᴋarvigivait.
Currently Selected:
Leviticus 21: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
