Leviticus 19
19
1Nâlekablo Mosese oᴋarvigivâ, oᴋarlune:
2Israêlib ᴋitorngangita ilagêktoksôningit tamaita oᴋarvigikit, oᴋautilugillo: Ivsornaituksauvose, Uvanga Nâlegaujunga Gûdise ivsornainama.
3Ilûnase atunit ilerasuktuksauvose anânapsingnik atâtapsingniglo, sabbateᴋotikkalo ivlerilugit; Uvanga Nâlegauvunga Gûdise.
4Sâniarase inungoarnut, auktisimajuniglo Gûdingoaliorniarase pivluse; Uvanga Nâlegauvunga Gûdise.
5Tunerguseromagupselo tunergutiksamik ᴋujaliutiksamik Nâlekamut tunijaksarivase nâmagijauᴋovluse.
6Nerrijaujuksauvok uvlorme tunergusertauvingane ᴋaunganalo; amiakoᴋarpallo uvluk pingajuak tikidlugo, ôtitaujuksauvok ikomamut.
7Nerrijokarpallo tâpsomangat uvluk pingajuangne, maᴋojungnarpok; idluarijauniangilak;
8Ilûnatigle nerrijut tagvangat nangmarniarput idluinermingnik, Nâlekab ivlernartoᴋotinga ivsornartingmago; inuglo tâmna avitaujuksauvok inôᴋatiminit.
9Kibluigupselo nunapse perutsianginik, kibluijuksaungilatit perorsêviub kiglinganumarik, katersijuksaungilatillo kibluijut katarartanginik.
10Nungutsimariktuksaungilatillo vaineliksakotivit paunganginik, katersijuksaungilatillo vaineliksakotivit paunganginik kataksimajunik; ᴋemagaksarivatille piksauᴋovlugit aklujunut tujormijanullo; Uvanga Nâlegauvunga Gûdise.
11Tigliktuksaungilase; nalangaitomiglo piniartuksaungilase, saglôtijuksaunaselo.
12Saglovluselo attera taivlugo angermariktuksaungilase, Gûdipse atinga naggonartilugo; Uvanga Nâlegauvunga.
13Inôᴋatit oᴋumaiksartitaksaringilat, aᴋsârnagolônêt; ikajortûblo akkiliutiksanga ilingnêtuksaungilak unnuak nâvlugo uvlâk tikidlugo.
14Tusângitok oᴋarnerlutijaksaringilat, aporviksamiglo ilijijuksaungilatit tautungitûb sânganut, Gûdîlle koksasugvigijaksarivat; Uvanga Nâlegauvunga.
15Idluarsainerme idluitulijuksaungilatit; aklujûb kinauninga naggogijaksaringilat, pitsartujûblo kinauninga opiginago; idluarnermele inôᴋatit idluarsaraksarivat.
16Arvertartuksaungilatit mangatsilutit inôᴋativit akorngane; nangertuksaungilatillônêt inôᴋativit aunga kigligiutjilukautigilugo; Uvanga Nâlegauvunga.
17ᴋatangutit ômigijaksaringilat ômatingne; inôᴋatit inerteraksarigaloarpat, nangmartuksaungilatille ajornermik tâmna pitjutigilugo.
18Inôᴋativit ᴋitornganga akkiniarvigijaksaringilat ilulugviginagolônêt, inôᴋatille nagligijaksarivat iliktut; Uvanga Nâlegauvunga.
19Perᴋojakka maligaksarivase. Nergjuteᴋotit nuliortitaksarilungilat ômajomut adsigilungitanganut; perorsêvit karngasorvigijaksaringilat karngasutinik adsigêngitunik; annorâlijartuksaungilatillo annorâksajângnik maggûngnut adsigêngitûngnut sanamajomik.
20Angutiblo arnak kivgaujok, angerutaujok uiksamut, satôrtaungitorlo, ᴋelarudjârtaungitorlo kivgaunermit, tutikpago uvineᴋatigêngnermut, pidlartaujuksauvok; toᴋotaujuksaungilak arnak kivgaujungnaititaungimat.
21Tunergutiksanalo pasijaungijutiksak ᴋaitaksarivâ Nâlekamut, ilagêktut tupingata upkoanganut, tagva saugak angusâlok tunergutiksak pasijaungijutiksak.
22Angusâlok tunergutiksarilugo pasijaungijutiksamik ajoᴋertuijûb ulapᴋoseraksarivâ Nâlekab sângane idluininga idluitulinerijanga pitjutigilugo; isumagijungnaivioniarporlo idluitulinerijanganit.
23Tikisimagupselo nunamut, ilijivluselo napârtunik sunatuinarnik paungaᴋarpaktunik nerrijausônik, paungangit isumagijaksarivase kipimanginingititut; jârit pingasut nâvlugit kipimangitutitut ilingajuksauvut ilipsingnut; nerrijaujuksaungilat.
24Jârille sitamangane paungangit ilûnatik ivsornaituksauvut, ᴋujaliutiksautitauvlutik Nâlekamut.
25Jârillo tallimangane paungangit nerᴋiksarilârpase, sakᴋertangit ilipsingnut ilingalârput; Uvanga Nâlegauvunga Gûdise.
26Aulingmik sumiglônêt nerrijuksaungilase; angakoktortuksaungilaselo, nalautainerluktuksaunaselo.
27Niaᴋupse nujangit angmaloᴋitautilugit salijaksaringilase, umipselo terreᴋungit sujugaksaringilase.
28Kilertuksaungilase uvinipsingnik toᴋungajut pivlugit, tumneliortuksaunaselo ilipsingne; Uvanga Nâlegauvunga.
29Panît ivsornartiniarnago anguniarpaktungortilugo; nunamiut sittorᴋonagit assiniarnermut, nunalo nâmaᴋonago maᴋojungnartulinermik.
30Sabbateᴋotikka ivlerijaksarivase, ivsornaitoviᴋotigalo kuksasugvigilugo; Uvanga Nâlegauvunga.
31Sanguniarase torngaᴋuteᴋartunut angakonullônêt; ᴋenerniarase taimaitunik sujuktaudlalârapse tâpkonunga; Uvanga Nâlegauvunga Gûdise.
32Nikovilerit ᴋêrtojûb sângane, ittôjûblo kênanga opigiuk, Gûdîllo koksasugvigiuk; Uvanga Nâlegauvunga.
33Takorngartarlo nunaᴋarpat nunapsingne idluitulivigijaksaringilase.
34Takorngartak nunaᴋartok akunapsingne ilingavigijaksarivase nuname inûlertotut, iliktullo nagligijaksarivat; ilipse takorngartaulaurapse nuname Egipteneme; Uvanga Nâlegauvunga Gûdise.
35Idluitulijuksaungilase ôktortiluse takinermik, oᴋumainermiglônêt, ilutonermiglônêt.
36Kiktitautinik nalautsijunik, oᴋumailutanik nalautsijunik, ôktûtimik efamik nalautsijomik, ôktûtimiglo hinemik nalautsijomik, pitaᴋartuksauvose; Uvanga Nâlegauvunga Gûdise; tikiutjilauktoᴋ ilipsingnik nunamit Egiptenemit.
37Perᴋojakkalo ilûnaita, ilusioᴋojakkalo ilûnaita kamagijaksarivase piniarlugillo; Uvanga Nâlegauvunga.
Currently Selected:
Leviticus 19: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
Leviticus 19
19
1Nâlekablo Mosese oᴋarvigivâ, oᴋarlune:
2Israêlib ᴋitorngangita ilagêktoksôningit tamaita oᴋarvigikit, oᴋautilugillo: Ivsornaituksauvose, Uvanga Nâlegaujunga Gûdise ivsornainama.
3Ilûnase atunit ilerasuktuksauvose anânapsingnik atâtapsingniglo, sabbateᴋotikkalo ivlerilugit; Uvanga Nâlegauvunga Gûdise.
4Sâniarase inungoarnut, auktisimajuniglo Gûdingoaliorniarase pivluse; Uvanga Nâlegauvunga Gûdise.
5Tunerguseromagupselo tunergutiksamik ᴋujaliutiksamik Nâlekamut tunijaksarivase nâmagijauᴋovluse.
6Nerrijaujuksauvok uvlorme tunergusertauvingane ᴋaunganalo; amiakoᴋarpallo uvluk pingajuak tikidlugo, ôtitaujuksauvok ikomamut.
7Nerrijokarpallo tâpsomangat uvluk pingajuangne, maᴋojungnarpok; idluarijauniangilak;
8Ilûnatigle nerrijut tagvangat nangmarniarput idluinermingnik, Nâlekab ivlernartoᴋotinga ivsornartingmago; inuglo tâmna avitaujuksauvok inôᴋatiminit.
9Kibluigupselo nunapse perutsianginik, kibluijuksaungilatit perorsêviub kiglinganumarik, katersijuksaungilatillo kibluijut katarartanginik.
10Nungutsimariktuksaungilatillo vaineliksakotivit paunganginik, katersijuksaungilatillo vaineliksakotivit paunganginik kataksimajunik; ᴋemagaksarivatille piksauᴋovlugit aklujunut tujormijanullo; Uvanga Nâlegauvunga Gûdise.
11Tigliktuksaungilase; nalangaitomiglo piniartuksaungilase, saglôtijuksaunaselo.
12Saglovluselo attera taivlugo angermariktuksaungilase, Gûdipse atinga naggonartilugo; Uvanga Nâlegauvunga.
13Inôᴋatit oᴋumaiksartitaksaringilat, aᴋsârnagolônêt; ikajortûblo akkiliutiksanga ilingnêtuksaungilak unnuak nâvlugo uvlâk tikidlugo.
14Tusângitok oᴋarnerlutijaksaringilat, aporviksamiglo ilijijuksaungilatit tautungitûb sânganut, Gûdîlle koksasugvigijaksarivat; Uvanga Nâlegauvunga.
15Idluarsainerme idluitulijuksaungilatit; aklujûb kinauninga naggogijaksaringilat, pitsartujûblo kinauninga opiginago; idluarnermele inôᴋatit idluarsaraksarivat.
16Arvertartuksaungilatit mangatsilutit inôᴋativit akorngane; nangertuksaungilatillônêt inôᴋativit aunga kigligiutjilukautigilugo; Uvanga Nâlegauvunga.
17ᴋatangutit ômigijaksaringilat ômatingne; inôᴋatit inerteraksarigaloarpat, nangmartuksaungilatille ajornermik tâmna pitjutigilugo.
18Inôᴋativit ᴋitornganga akkiniarvigijaksaringilat ilulugviginagolônêt, inôᴋatille nagligijaksarivat iliktut; Uvanga Nâlegauvunga.
19Perᴋojakka maligaksarivase. Nergjuteᴋotit nuliortitaksarilungilat ômajomut adsigilungitanganut; perorsêvit karngasorvigijaksaringilat karngasutinik adsigêngitunik; annorâlijartuksaungilatillo annorâksajângnik maggûngnut adsigêngitûngnut sanamajomik.
20Angutiblo arnak kivgaujok, angerutaujok uiksamut, satôrtaungitorlo, ᴋelarudjârtaungitorlo kivgaunermit, tutikpago uvineᴋatigêngnermut, pidlartaujuksauvok; toᴋotaujuksaungilak arnak kivgaujungnaititaungimat.
21Tunergutiksanalo pasijaungijutiksak ᴋaitaksarivâ Nâlekamut, ilagêktut tupingata upkoanganut, tagva saugak angusâlok tunergutiksak pasijaungijutiksak.
22Angusâlok tunergutiksarilugo pasijaungijutiksamik ajoᴋertuijûb ulapᴋoseraksarivâ Nâlekab sângane idluininga idluitulinerijanga pitjutigilugo; isumagijungnaivioniarporlo idluitulinerijanganit.
23Tikisimagupselo nunamut, ilijivluselo napârtunik sunatuinarnik paungaᴋarpaktunik nerrijausônik, paungangit isumagijaksarivase kipimanginingititut; jârit pingasut nâvlugit kipimangitutitut ilingajuksauvut ilipsingnut; nerrijaujuksaungilat.
24Jârille sitamangane paungangit ilûnatik ivsornaituksauvut, ᴋujaliutiksautitauvlutik Nâlekamut.
25Jârillo tallimangane paungangit nerᴋiksarilârpase, sakᴋertangit ilipsingnut ilingalârput; Uvanga Nâlegauvunga Gûdise.
26Aulingmik sumiglônêt nerrijuksaungilase; angakoktortuksaungilaselo, nalautainerluktuksaunaselo.
27Niaᴋupse nujangit angmaloᴋitautilugit salijaksaringilase, umipselo terreᴋungit sujugaksaringilase.
28Kilertuksaungilase uvinipsingnik toᴋungajut pivlugit, tumneliortuksaunaselo ilipsingne; Uvanga Nâlegauvunga.
29Panît ivsornartiniarnago anguniarpaktungortilugo; nunamiut sittorᴋonagit assiniarnermut, nunalo nâmaᴋonago maᴋojungnartulinermik.
30Sabbateᴋotikka ivlerijaksarivase, ivsornaitoviᴋotigalo kuksasugvigilugo; Uvanga Nâlegauvunga.
31Sanguniarase torngaᴋuteᴋartunut angakonullônêt; ᴋenerniarase taimaitunik sujuktaudlalârapse tâpkonunga; Uvanga Nâlegauvunga Gûdise.
32Nikovilerit ᴋêrtojûb sângane, ittôjûblo kênanga opigiuk, Gûdîllo koksasugvigiuk; Uvanga Nâlegauvunga.
33Takorngartarlo nunaᴋarpat nunapsingne idluitulivigijaksaringilase.
34Takorngartak nunaᴋartok akunapsingne ilingavigijaksarivase nuname inûlertotut, iliktullo nagligijaksarivat; ilipse takorngartaulaurapse nuname Egipteneme; Uvanga Nâlegauvunga Gûdise.
35Idluitulijuksaungilase ôktortiluse takinermik, oᴋumainermiglônêt, ilutonermiglônêt.
36Kiktitautinik nalautsijunik, oᴋumailutanik nalautsijunik, ôktûtimik efamik nalautsijomik, ôktûtimiglo hinemik nalautsijomik, pitaᴋartuksauvose; Uvanga Nâlegauvunga Gûdise; tikiutjilauktoᴋ ilipsingnik nunamit Egiptenemit.
37Perᴋojakkalo ilûnaita, ilusioᴋojakkalo ilûnaita kamagijaksarivase piniarlugillo; Uvanga Nâlegauvunga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.