Marcos 1
1
Bautizakuq Juan willakunqan
Mateo 3.1-12; Lucas 3.1-9, 15-17; Juan 1.19-28
1Teyta Diospa Tsurin Jesucristupa alli willakïninta willakur qallëkunanpaqmi 2profëta Isaías kënö qellqarqan:
<<Nänita pitsaqnö nunakuna alistakuyänanpaqmi willakuqnïta puntëkita kachashaq.#Mal. 3.1.
3Pëmi chusyaq jirkachö qaparipa willakur ninqa:
<Teyta Dios shamunanpaq nänita altsayë.
Wiksu nänikunata derechayë> >>.#Isa. 40.3.
4Isaías qellqashqannöllam chusyaq jirkachö Juan bautizar nunakunata nirqan: <<Teyta Dios perdonayäshunëkipaq jutsëkikunata jaqirir bautizakuyë>>.
5Juan willakushqanta wiyaqmi Judea provinciapita y Jerusalénpita llapan nunakuna ëwayarqan. Teyta Diosta perdonta mañakuyaptinmi Jordán mayuchö tsë nunakunata Juan bautizarqan.
6Juanpa ratashninqa karqan camëllupa aqtsanpita awashqam. Wachukunpis karqan camëllupa qaranpita rurashqam.#2Rey. 1.8. Pintiq kurukunatawan mieltam mikurqan.
7Willakurninmi nirqan: <<Qepäta shamuq kaqmi noqapita mas puëdiq këkan. Pëpa llanqinpa watunta paskanällapaqpis manam sirwïtsu. 8Noqaqa yakullawanmi bautizayaq. Pëqa Espíritu Santuwanmi bautizayäshunki>>.
Jesústa Juan bautizanqan
Mateo 3.13-17; Lucas 3.21-22
9Tsë witsanmi Galileachö këkaq Nazaretpita Juan bautizëkashqan kaqman Jesús ëwarqan. Chäriptinmi pëtapis Jordán mayuchö Juan bautizarqan. 10Yakupita sharkamurmi Jesús rikarqan ciëlu kichakaptin Espíritu Santu imëka urpënö pëman urëkämuqta. 11Tsë höram ciëlupita Teyta Dios kënö nimurqan: <<Qammi kuyë tsurï kanki. Qampitam kushikü>>.#Sal. 2.7; Isa. 42.1; Mat. 3.17; 12.18; Mar. 9.7; Luc. 3.22.
Jesústa Satanás tentëta munanqan
Mateo 4.1-11; Lucas 4.1-13
12Tsëpitanam Jesústa Espíritu Santu chusyaq jirkaman pusharqan. 13Chusku chunka (40) junaq chucaru animalkuna kayashqanchö këkaptinmi Satanás tentarqan. Angelkunanam Jesústa yanapayarqan.
Galileachö alli willakïta willakur Jesús qallëkunqan
Mateo 4.12-17; Lucas 4.14-15
14Juan carcelchö llawirëkaptinnam Galileaman Jesús kutikurqan. Tsëchömi Teyta Diospa mandakïninpaq alli willakïta willakur 15nirqan: <<¡Teyta Dios änishqankunata cumplishqanam! ¡Teyta Diospa mandakïnin chämushqanam! ¡Jutsa rurëta jaqirir Teyta Diospa alli willakïninta chaskikuyë!>>
Discïpulun kayänanpaq pescädu tsariqkunata Jesús qayanqan
Mateo 4.18-22; Lucas 5.1-11
16Galilea qocha kuchunpa ëwëkashqanchömi Jesús rikarqan Simónta y wawqin Andrésta. Pëkunaqa pescädu tsariq karmi atarräyankunata yakuman jitëkäyarqan. 17Pëkunatam Jesús kënö nirqan: <<Qatiyämë. Noqam yachatsiyashqëki nunakunata pescayänëkipaq>>.
18Tsënö niptinmi atarräyankunata jaqirïkur Jesúswan ewkuyarqan.
19Tsëpita mas washata ëwëkäyashqanchönam Zebedeupa tsurin Santiaguta y wawqin Juanta rikarqan. Pëkunam barcunkunachö atarräyankunata remendëkäyarqan. 20Pëkunatapis qayaptinmi Jesústa juklla qatirkur juklla ewkuyarqan tëtan Zebedeuta y minkankunata barcuchö jaqirir.
Supë löcuyätsinqan nunata Jesús kachakätsinqan
Lucas 4.31-37
21Tsëpitanam Capernaúm markaman discïpulunkunawan Jesús ëwayarqan. Jamakï junaqnam sinagögaman yëkïkur yachatsikur qallëkurqan. 22Yachatsikuptinmi nunakuna alläpa espantakuyarqan. Manam ley yachatsiq nunakunanötsu yachatsirqan, sinöqa puëdiq karmi shumaq yachatsikurqan.
23Tsë sinagögachömi këkarqan supë löcuyätsishqan nuna. Pëmi qaparir qayarir 24nirqan: <<[¡Waauuu!] ¡Nazaretpita Jesús! ¡Imanankitaq noqakunawan! ¿Ushakätsiyämaqnïku shamurqunki? ¡Noqa musyämi Teyta Dios kachamunqan santu nuna kashqëkita!>>
25Tsëmi supëta piñapar Jesús kënö nirqan: <<¡Upälla kë nunapita yarqï!>>
26Tsënö niptinmi tsë nunata tapsikacharkur supë alläpa qaparir ewkurqan. 27Tsëta rikëkurmi jukninpis jukninpis mantsakar niyarqan: <<¡Imatanataq rikantsik! ¡Poderninwan niptintaq supëkunapis cäsukurnin ewkuyan! ¡Pë yachatsishqannöqa manam pipis yachatsikuntsu!>>
28Supëta qarqushqanta musyëkurmi jinantin Galileachö Jesús puëdiq kashqanta parlayaq.
Pedrupa suegranta Jesús kachakätsinqan
Mateo 8.14-15; Lucas 4.38-39
29 Sinagögapita Jesús yarqurnam Santiaguta y Juanta pusharkur Simónpa y Andréspa wayinman ëwayarqan. 30Chäriyaptinmi Simónpa suegran fiebriwan feyupa qeshyëkanqanta willayarqan. 31Tsëmi qeshyëkashqanman Jesús yëkurir makipita sharkatsiptin tsë höra kachakärirqan. Kachakärirnam mikïninkuna pëkunata qararqan.
Atskaq qeshyaqkunata Jesús kachakätsinqan
Mateo 8.16-17; Lucas 4.40-41
32Patsa tutapëkaptinnam llapan qeshyaqkunata y supëkuna jipatsishqan nunakunatapis Jesúsman apayarqan. 33Tsë markachö llapan nunakunam Jesús këkashqan wayi punkuman ëllukäyarqan. 34Tsëchömi tukïläya qeshyawan qeshyaqkunata Jesús kachakätsirqan. Tsënöllam atskaq nunakunapita supëkunatapis qarqurqan. Pï kanqanta supëkuna musyayaptinmi Jesús piñaparqan mana parlakuyänanpaq.
Galileachö willakur Jesús purinqan
Lucas 4.42-44
35Waräninnam Teyta Diosta mañakunanpaq qoya qoyalla chusyaqman Jesús ewkurqan. 36Tsëmi Jesústa watukarnin Simón y pëwan këkaqkuna ashir ëwayarqan. 37Taririrnam niyarqan: <<Tëtë, llapanmi ashikäyäshunki>>.
38Jesúsnam nirqan: <<Teyta Diospa willakïninta willapäkuq wakin markakunapapis ëwashun. Tsëpaqmi shamurqü>>.
39Tsëmi jinantin Galileapa Jesús purirqan sinagögakunachö willakur y supëkunata nunakunapita qarqur.#Mat. 4.23; 9.35.
Leprawan qeshyëkaqta Jesús kachakätsinqan
Lucas 5.12-16
40Juk kutinam leprawan qeshyëkaq nuna Jesúspa nöpanman qonqurikur nirqan: <<Tëtë, munarninqa kachakëkatsillämë>>.
41Tsënö rowakuptinnam Jesús ankuparnin yatëkur nirqan: <<Munämi kachakashqa kanëkita>>.
42Tsënö niptinmi tsë höra nunapa cuerpunpita lepra tsinkariptin#1.42 Wakin nunakunaqa illaririptin niyanmi. kachakärirqan. 43Ewkunanpaq nirirmi Jesús kënö nirqan: 44<<Kachakätsishqaqta ama pitapis willankitsu. Tsëpa rantinqa sacerdötiman ëwë kachakashqëkita rikäshunëkipaq. Tsëpita Moisés qellqashqanchö nishqannölla purificäkunëkipaq ofrendëkita templuman apë. Tsënöpam kachakashqëkita musyayanqa>>.#Lev. 14.1-32.
45Tsënö nikaptinpis tsë nunaqa Jesús kachakätsishqantam pïmëtapis willarqan. Tsëmi Jesúsqa markamanpis yëkurqannatsu, sinöqa chusyaq jirkallachönam quedakurqan. Tsëmanpis jinantinpitam nunakuna ëwayarqan.
Currently Selected:
Marcos 1: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.