Juan 12
12
Jesúspa chakinman perfümita María jichanqan
Mateo 26.6-13; Marcos 14.3-9
1 Pascua fiestapaq joqta junaq pishikaptinmi Betania markaman Jesús ëwarqan. Tsëchömi wanushqanpita kawarimuq Lázaro tärarqan. 2Jesús chanqanpita kushikurmi mikïta aruyarqan. Wakin nunakunawan mësaman Jesús täkuriptinnam Lázarupis mikunanpaq täkurirqan. Pëkunatam Marta qararqan.
3Tsëchö mikïkäyaptinnam nardupita rurashqa chaniyuq perfümita pullan litrutanö María apamurqan. Tsë perfümitam Jesúspa chakinman jichapur aqtsanwan tsakitsipurqan.#12.3 Tsë witsan nunakuna patsaman kikitëkurmi mikuyaq. Tsënö mikuyaptinmi Jesúspa chakinta María aqtsanwan tsakitsipurqan.#Luc. 7.37-38. Tsë perfümim wayi junta pukutäkurqan. 4Tsëmi Jesústa rantikunanpaq kaq discïpulun Judas Iscariote kënö nirqan: 5<<¿Imapaqtaq tsë perfümita perdiratsin? Tsëpa rantinqa juk wata uryapukur ganashqantsikchömi#12.5 Griëguchömi nikan kima pachak (300) denariuchö rantikunanpaq kashqanta. Juk denariuqa juk junaq uryapukur ganayashqanmi karqan. rantikushwan karqan. Tsë qellëwannam waktsakunata yanapashwan karqan>>.
6Tsënö nirqan manam waktsakunata yanapanan rëkurtsu, sinöqa suwakunan rëkurmi. Qellëta tsararaq karmi imëpis pakëllapa qellëta jorquq.
7Jesúsnam nirqan: <<Tsë perfümitaqa tsararashqa pampayämänan junaqpaqmi. Tsënö këkaptin jichapumashqanpita ama penqapëtsu. 8Waktsakunaqa qamkunawanmi imëpis këkäyanqa.#Deut. 15.11. Noqaqa mananam qamkunawan kashaqnatsu>>.
Lázaruta wanutsita munayanqan
9Betania markachö Jesús këkashqanta musyarirnam atskaq nunakuna tsëman ëwayarqan. Manam Jesús rikaqllatsu ëwayarqan, sinöqa kawarimuq Lázaruta rikäyänanpaqpis ëwayarqam. 10Tsëmi mandakuq sacerdötikuna Lázarutapis wanutsita munayarqan. 11Mandakuq sacerdötikunata cäsuyänanpa rantinmi Lázaruta kawatsimunqanpita atskaq nunakuna Jesúsmanna creyikuyarqan.
Jerusalénman Jesús yëkunqan
Mateo 21.1-11; Marcos 11.1-11; Lucas 19.28-40
12Waränin junaqnam fiestaman ëwaq atskaq nunakuna musyayarqan Jerusalénman Jesús yëkïkashqanta. 13Tsëmi palmërapa raprankunata aparkur Jesústa chaskiyänanpaq ëwayarqan. Jesústa rikarnam llapan kallpankunawan niyarqan: <<¡Hosana!#12.13 Israel nunakuna Hosana niyarqan Teyta Diosta alabarmi. ¡Teyta Diospa shutinchö shamuq nuna alabashqa këkullätsun! ¡Qammi Israel nunakunapa reynin kanki!>>#Sal. 118.25-26.
14Jerusalénmanmi Jesús yëkurqan pollïnu ashnun montarishqa. Tsënö yëkunanpaqmi Teyta Diospa palabranchöpis kënö qellqarëkan:
15<<Sión nunakuna, ama mantsakäyëtsu.
Rikäyë mandakuqniki rey pollïnu ashnun montashqa shamïkaqta>>.#Zac. 9.9.
16Tsëta rikäyashqan höra discïpulunkuna manam käyiyarqantsu imanir Jerusalénman tsënö yëkushqanta. Wanushqanpita kawarimuptinran käyiyarqan Jesús rurashqankuna Teyta Diospa palabranchö nishqannölla kashqanta.
17Lázaruta Jesús kawaritsishqanta rikaq nunakuna jinantinchö willakuyaptinmi 18Jesústa chaskiq atskaq ëwayarqan. 19Tsëta rikarmi fariseukuna kënö niyarqan: <<Kananqa ¿imatataq rurashun? ¡Llapan nunakunanataq pëta qatikurkuyan!>>
Mana Israel kaqkuna Jesústa ashiyanqan
20 Pascuachö Teyta Diosta adorayänanpaqmi mana Israel nunakunapis Jerusalénchö këkäyarqan. 21Pëkunapitam wakin kaqkuna Felipiman ëwar rowakuyarqan: <<Tëtë, Jesústa reqïkatsilläyämë>> nirnin.
Felipiqa karqan Galileachö Betsaida markapitam.
22Felipinam Andrésta willarqan. Tsëpitanam ishkan ëwar Jesústa willayarqan reqita munayashqanta. 23Jesúsnam nirqan: <<Nunapa Tsurin glorificashqa kananpaq kaq höra chämushqanam.#12.23 Glorificashqa kananpaq kashqanta nirqa Jesucristo wanunanpaq, kawarimunanpaq, Teyta Diosman kutikunanpaq y llapanpaqpis poderyuq kananpaq kashqantam nirqan. 24Rasunpam niyaq: Trïgu muruta mana pampashqaqa manam jeqamuntsu. Pampashqaqa jeqamurmi alli wayun.#Mat. 10.38; 16.24; Mar. 8.34; Luc. 9.23. 25Kawëninta salvëta munaq nunaqa kawëninta oqranqam. Kawëninta kë patsachö oqraq nunanam kawëninta salvarnin wiñë kawëta tarinqa.#12.25 Tsënö nirqa Jesucristo kënömi nirqan: <<Kikin munashqannö lluta kawakuqkunaqa manam salvakuyanqatsu. Noqa munanqänö kawaqkunam sï salvakuyanqa>>.#Mat. 10.39; 16.25; Mar. 8.35; Luc. 9.24; 17.33. 26Pipis sirwimëta munaq kaqqa qatirämätsun. Qatirämarqa noqa këkashqächömi kanqa. Sirwimaq kaqtaqa Teytäpis kuyanqam.
Wanunanpaq kanqanta Jesús willakunqan
27<<Alläpa llakikïmi tsarimashqa. Tsënö llakikurpis manam Teytäta mañakümantsu wanïpita salvamänanpaq. Wanunäpaqmi kë patsaman shamurqü>>.
28Tsënö nirmi Teyta Diosta mañakurnin nirqan: <<Teytallä, puëdiq kashqëkita käyikuyänanpaq qam munashqëkinö këkullätsun>>.
Tsënam ciëlupita Teyta Dios kënö nimurqan: <<Puëdiq kashqäta musyatsishqänömi yapëpis musyatsishaq>>.
29Tsëta wiyëkurnam tsëchö wakin nunakuna niyarqan: <<¡Räyum janrarämun!>> Wakinnam niyarqan: <<¡Angelmi parlamushqa!>>
30Jesúsnam nirqan: <<Parlamuqta wiyayashqëkiqa kashqa manam noqapaqtsu, sinöqa Teyta Dios kachamashqanta qamkuna käyikuyänëkipaqmi. 31Nunakuna juzgashqa kayänanpaq höra chëkämunnam.#Juan 3.18-19; 9.39. Tsënöllam kë patsapa mandakuqnin#12.31 Kë patsapa mandakuqninpaq parlarqa Satanáspaqmi Jesús parlarqan. qarqushqa kananpaqpis höran chëkämunna.#Juan 16.11; Col. 2.15. 32Kë patsapita pallarkayämaptinmi#12.32 Tsënö nirmi Jesús iwalatsikïpa nirqan cruzman clavashqa kananpaq kashqanta y kë patsapita Teyta Dios pushananpaq kashqantapis.#Juan 3.14; 8.28. jinantin nación nunakunata noqaman markäkayämunanpaq ëllushaq>>.
33Tsënö nirmi Jesús käyitsirqan imanöpa wanunanpaq kashqanta.
34Nunakunanam niyarqan: <<Teyta Diospa palabranchöqa nikan salvamaqnintsik Cristo wiñëpa kawananpaq kashqantam.#Sal. 110.4; Isa. 9.7; Eze. 37.25; Dan. 7.14. Tsënö nikaptinqa ¿imanirtaq nikanki Nunapa Tsurin wanunanpaq kashqanta? Tsëpinqa ¿pitaq tsë Nunapa Tsurinqa?>>
35Jesúsnam nirqan: <<Ichikllanam qamkunawan aktsi kanqa. Manaraq tutapaptin aktsi kashqanyaq puriyë. Tutapëchö purirqa mëpa ëwayashqëkitapis manam tantiyayankitsu.#12.35 Tsënö Jesús parlarqan kikinta aktsiman iwalatsikurmi. Tsëmi tutapëchö puriqkuna Jesústa mana chaskikuqkuna këkäyan.#Sal. 27.1; 119.105; Prov. 6.23; Isa. 49.6; Juan 9.5. 36Tsënö këkaptinqa aktsi qamkunawan këkashqanyaq aktsiman creyiyë. Tsënöpam qamkunapis aktsinö kayanki>>.
Tsënö nirir tsinkariptinmi#12.36 Wakin nunakunaqa illaririptinmi niyanmi. rikäyarqannatsu.
Nunakuna Jesúsman mana creyiyanqan
37Atska milagrukunata ruranqanta rikarpis nunakuna Jesúsman manam creyiyarqantsu. 38Tsënö mana creyiyänanpaq kashqantam profëta Isaías kënö nirqan:
<<Teyta Dios, willakuyashqäta ¿piraq creyishqa?
Salvakuq kashqëkita musyatsiptikipis ¿piraq käyikushqa?>>#Isa. 53.1.
39Tsë nishqannöllam Jesúsmanpis creyikuyarqantsu. Jina Teyta Dios nishqanta Isaías kënömi nirqan:
40<<Tsë nunakunapa nawinkunata wiskuyätsishqam.#12.40a Nawinkunata wiskuyätsishqa nishqanqa yarpëninta pantatsishqa ninanmi.
Pëkunapa shonqunkunatapis chukruyätsishqam.
Tsënöpam mana rikar y mana käyikur cäsuyanqatsu.
Tsënö kayaptinmi noqapis kachakätsishaqtsu>>.#12.40b Manam qeshyallapita kachakätsinanpaqtsu nikan, sinöqa jipakïkunapita, llakikïkunapita y jutsa rurëkunapita salvananpaqmi nikan.#Isa. 6.10.
41Isaías Jesucristupaq tsënö qellqarqan gloriachö poderyuq këkaqta rikarmi.#Isa. 6.1-4.
42Jesústa wakin nunakuna mana chaskiyaptinpis atskaqmi pëman creyiyarqan. Wakin Israel autoridäkunapis pëman creyiyarqanmi. Tsënö creyikarpis sinagögapita fariseukuna qarquyänanta mantsakurmi willakuyarqantsu. 43Teyta Diospita alli rikashqa kayänanpa rantinmi pëkunaqa mas munayarqan nunakunapita alli rikashqa këta.
Jesúsman creyiqkuna Teyta Diosmanpis creyiyanqan
44Tsëpitanam qaparipa Jesús kënö nirqan: <<Noqaman creyikuqqa kachamaqnïmanpis creyinmi. 45Tsënöllam noqata reqimaq kaqqa kachamaqnïtapis reqin. 46Noqa aktsim.#12.46 Aktsi kashqanta nirqa nunakunata salvaq kashqanta y Dios munashqannö kawananpaq käyitsikuq kashqantam Jesús nirqan.#Sal. 27.1; 119.105; Prov. 6.23; Isa. 49.6; Juan 9.5. Kë patsaman shamurqü noqaman creyimuqkuna tutapëchönö mana kawayänanpaq.
47<<Manam nunakunata condenaqtsu kë patsaman shamurqü, sinöqa nunakunata salvanäpaqmi. Tsëmi nishqäkunata musyëkar mana cäsukuqkunataqa noqatsu condenashaq, 48sinöqa juiciu junaqchömi willakïnïkuna condenanqa. 49Manam kikïpa yarpënïllapitatsu willakïkä, sinöqa kachamaq Teytä nimashqankunallatam. 50Pë nimashqankunata cäsukuqkunaqa wiñë kawëtam tariyanqa. Tsëmi Teytä nimashqannölla llapantapis willakïkä>>.
Currently Selected:
Juan 12: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.