Miqueas 2
2
Allqutsakuq rïcukunata castigananpaq ninqan
1¡Allaw! Qamkunaqa mana allita rurayänëkipaq yarparëkarmi punuriyankipis.
Patsa waräriptinnam mana alli rurëkuna munënikikunallachö kaptin yarpäyashqëkinö rurariyanki.
2Tsëmi jukpa chakrankunata codiciar duëñutukurkuyanki.
Nuna mayikipa wayintapis qochikurkuyanki.
Tsënö rurarmi warminta y tsurinta jipëkätsiyanki.
Posesionninkunatapis mana ankupashpam qochikäyanki.
3Tsënö kayaptikim Teyta Dios nin:
<<Noqapis yarpakachëkänam qamkunata castigayänaqpaq.
Castigayaptiq manam imanöpapis safayankitsu.
Alläpa jipatsiyaptiq nuna tukuq kënikikunapis mëparaq ëwanqa.
4Venciyäshuqnikikunam kushipäyäshurniki qotsupar kënö niyäshunki:
<Allichömi pasëpa ushakäyarqunki.
Diosnikim chakrëkikunata qoykayämashqa.
Qamkunata venciyarnikim qochiyarquq.
Chakrëkikunaqa noqakunapanam këkan>.
Tsënö wiyapätsiyäshurnikim qotsupäyäshunki>>.
5Tsënöpam Teyta Dios qomashqantsik nacionchö qamkunataqa pipis chakrakunata rakiyäshunkitsu.
6Teyta Dios tsënö castigananpaq kashqanta willakuptïmi nunakuna kënö nikäyäman:
<<Qam niyämashqëkinöqa manam ima mana allipis pasayämanqatsu.#Isa. 30.10.
7Jacobpita miraqkuna kayaptïmi Teyta Dios noqakunawanqa piñakuntsu.
Castigayämänanpaq kashqanta willakuptikipis pëqa manam castigayämanqatsu.
Alli nunakuna kayaptïmi pëqa imëpis yanapayämanqa>>.
8Tsënö niqkunapaqmi Teyta Dios kënö nin:
<<Qamkunaqa kuyashqä nunakuna këkarpis conträmi shärikäyanki.
Guërrapita wayinkunaman yamë kutikuq nunakunapa ratashninkunatapis qochikäyankim.
9Warmikunatapis kuyëllapaq wayinkunapitam qarqïkäyanki.
Tsënöllam wawankunapa herenciankunatapis qochikäyanki.
10<<¡Qamkunata manam rikënikikunatapis munätsu!
¡Këpita juklla yarquyë!
Kë nacionchöqa mananam täräyankinatsu.
Qamkunam jutsayuq këkäyanki kë jinantin nacionchöpis jutsa rurëlla kananpaq.
Tsëmi chipyëpa ushakätsiyashqëki.
11Wakinkunaqa ulikurmi niyan:
<Teyta Diosmi bendicionta churamunqa vïnupis y ima machatsikuqpis atska kananpaq>.
Tsënö nir pipis willakuptinqa profëtëki kananpaq kushishqam chaskiyanki>>.
Kuyanqan nunakunata Teyta Dios salvananpaq ninqan
12<<Jacobpita miraq nunakuna,
kawëkar quedaqkunataqa imëka üshakunata juk pampaman ëllukurkuqnömi nacionnikikunaman yapë ëlluyämushqëki.
Apakayämuptiqmi wallkaqlla karpis atskaqnö büllata rurar kushikuyanki.
13Juk lädu nacionchö këkäyashqëkipita kikïmi nacionnikiman pushayämushqëki.
Marka punkupa yarqayämuptikipis manam pipis atajäyäshunkitsu.
Mandakuqniki rey karmi puntëkikunata kikï ëwashaq>>.
Currently Selected:
Miqueas 2: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
