Miqueas 1
1
1Moreset markachö täraq Miqueastam Teyta Dios revelacionkunachö rikätsirqan Samaria markata y Jerusalén markata ima pasananpaq kashqantapis. Tsënö rikätsirqan Judá nacionchö Jotam#2Rey. 15.32-38; 2Crón. 27.1-7., Acaz#2Rey. 16.1-20; 2Crón. 28.1-27. y Ezequías#2Rey. 18.1—20.21; 2Crón. 29.1—32.33. rey këkänan witsanmi.
Samaria nunakunata Teyta Dios castigananpaq kanqan
2Jinantin markakunachö täraqkuna, Teyta Dios nishqanta llapëki wiyakuyë.
Poderyuq Teyta Diosmi sagrädu templunpita patsa jutsata rurayashqëkita shimpiyäshunki.
3Tärashqanpita shamurmi jirkakunapa purinqa.
4Jaluptinmi ninachö cëra tsulluqnö tsë jirkakuna tsullunqa.#Sal. 97.5.
Pampakunapis imëka atska yaku ëwar zanjashqannömi uranyashqa quedariyanqa.
5Tsëkuna pasakunqa Jacobpita miraq nunakuna jutsata rurayashqanpitam.
Israel nunakunaqa jinan Samaria markachömi jutsata rurëkäyan.
Judá nunakunapis jinan Jerusalénchömi ïdulukunata adorakïkäyan.
6 Teyta Diosmi nin:
<<Samaria markata chipyëpa ushakätsiptïmi üvasta plantayänanllapaqna sirwinqa.
Ruminkunata uranpa qarputsiptïmi cimientunllana quedarinqa.
7Contrankuna shamurmi Samaria nunakuna adorayashqan ïdulunkunata pasëpa pakir ushayanqa.
Qerupita rurashqa sagrädu kaqkunatapis llapantam kayayanqa.
Prostitütakuna ganapakuyashqan yulaq qellëwanmi tsë ïdulukunata ruratsiyarqan.
Contrankuna shamurmi tsë ïdulukunata tsulluratsir qellëta fundiyanqa prostitüta warmikunawan kakur pagayänanpaq>>.
Miqueas llakikunqan
8Teyta Dios tsënö castigananpaq kashqanta musyarmi llakikur jiktsushqäyaq waqakïkä.
Qala chakillam y qalapächullam llakishqa purikä.
Tsënöllam chacal wawllaqnö alläpa waqakïkä.
Avestruz qaparishqannömi qaparikä.
9Samaria markapa qerinqa ima jampiwanpis manam kachakantsu.#1.9 Samaria markapa qerinqa Asiria nunakuna ushakätsiyashqanmi këkan.
Tsë qeriqa Judátapis muyashqam.
Judá mayïkuna täräyashqan Jerusalénmanpis chäkurishqam.
10Tsëtaqa Gat markachö#1.10 Gat markachöqa filisteo nunakunam täräyarqan. nunakunata ama willëtsu.
Desgracia pasamashqantsikta mana musyayänanpaq ama waqayëtsu.
Bet-le-afrachö täraq nunakuna, alläpa llakikur allpachö qochparäyë.
11Safirchö täraqkuna, nacionnikipita juk lädumanmi qalapächullata prësu apayäshunki.
Zaanánchö täraqkuna, yanapayäshunëkipaq pipis manam yarqayämunqatsu.
Beteselchö täraqkuna, waqayaptikipis pipis manam ankupäyäshunkitsu.
12Marotchö täraqkunaqa nanatsikïparan llakikuyanqa pipis salvananta shuyarar.
Pëkunamanqa desgraciallatam Teyta Dios kachamunqa.
Tsë desgraciaqa Jerusalén marka punkuyaqmi chanqa.
13Laquischö täraq nunakuna, qamkunam Israel nación nunakunanö mas puntata Judá nacionchö jutsata rurayarqunki.
Jutsata rurayänanpaq Sión nunakunatapis qamkunam yachatsiyarqunki.
Kananqa castïgum qamkunaman chämunqa.
Tsë castïgupita safayänëkipaq cawallïkikunaman carrëtëkikunata watayë.
14Imëpis manana kutimuqna Moreset-gat markapita despidikïkur ewkuyë.
Israel nacionpa reyninkunaqa Aczib marka nunakunamanmi markäkïkäyan.
Tsënö markäkuyaptinpis Aczib nunakunaman castïgu chäriptin tsë reykunata manam imanöpapis yanapayanqatsu.
15Maresachö täraqkuna, qamkunamanmi contrëkikunata kachamushaq ushakätsiyäshunëkipaq.
Tsëmi Israel nacionchö mas kapuqyuqkunapis mantsakëwan safar Adulam machëman ratakuyanqa.
16Jerusalénchö täraq nunakuna, kuyayashqëki tsurikikunata karu nacionmanmi apakuyanqa.
Tsënö këkaptinqa llakikur qala putïpa aqtsëkikunata rutukuyë.
Wiskurnö kayänëkipaq pükëkuryan rutukuyë.
Currently Selected:
Miqueas 1: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
