Jonás 4
4
Jonás piñakunqan
1Nínive nunakunata Teyta Dios mana ushakätsiptinmi Jonás alläpa piñakurqan. 2Tsëmi Teyta Diosta mañakur kënö nirqan: <<Ay Teyta Dios, musyämi ankupäkuq y perdonakuq Dios kanqëkita. Kuyakuq karmi jukllaqa piñakunkitsu. <Castigashaq> nïkurpis jutsankunata jaqiriyaptinqa manam castigankinatsu.#Éxo. 34.6. Markächö këkarnin maliciarqänam Nínive nunakunatapis ankupänëkipaq kanqanta. Tsëmi Tarsismanpis safar ëwakurqä. 3Willakaratsimar mana ushakëkätsirqa mejor juklla ëllukarkamë. Kë patsachö kawanäpa rantin juklla wanukïkushaq>>.
4Tsënö mañakuptinmi Teyta Dios nirqan: <<Tsënö piñakunqëki ¿allitsuraq këkan?>>
5Tsëpitanam Nínive markapita Jonás ëwakurqan inti yarqamunan läduman. Tsëchömi ramädata rurarir Nínive markata imapis pasashqanta rikänanpaq arwaman jamëkur shuyararqan.
6Jonás shumaq arwäkunanpaqmi ramäda jananpa calabäsupa yuranta Teyta Dios winatsimurqan. Calabäsupa rapran shumaq tsaparaptinmi Jonás alläpa kushikurqan. 7Tsënö kaptinpis waränin qoyanam calabäsupa yuranta kapchurinanpaq wisuq kuruta Teyta Dios yuritsirqan. Kapchuriptinmi calabäsu tsakirirqan. 8Tsënam inti yarqamuptin achachaq vientuta Jonásman Teyta Dios vientütsimurqan. Intipa achachënin peqanta alläpa achachaptinnam desmayananpaq kashqanta Jonás yarparqan. Tsëmi wanïta munar nirqan: <<¡Kawanäpa rantin jina wanukümanpis!>>
9Tsënam Teyta Dios kënö nirqan: <<Calabäsu tsakirinqan rëkur piñakunqëki ¿alliku këkan?>>
Jonásnam nirqan: <<Awmi. Alläpam piñëkü>>.
10Tsënam Teyta Dios nirqan: <<Tsë calabäsuta manam qamtsu mururqunki ni qamtsu manam winatsimurqunkipis. Juk paqasmi winamushqa y waränin junaqnam tsakirishqa. Tsënö këkaptinpis tsë calabäsupaqmi llakikunki tsapäshunëkipaq manana kaptin. 11Jatun Nínive markachöqa juk pachak ishkë chunka waranqapita (120,000) masmi nunakuna këkäyan. Pëkunaqa manam musyayantsu alli y mana alli ima kashqantapis. Tsëmi tsë calabäsupaq llakikunqëkipitapis masraq noqa llakikü Nínive markachö nunakunapaq y wätakunapaqpis>>.
Currently Selected:
Jonás 4: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Jonás 4
4
Jonás piñakunqan
1Nínive nunakunata Teyta Dios mana ushakätsiptinmi Jonás alläpa piñakurqan. 2Tsëmi Teyta Diosta mañakur kënö nirqan: <<Ay Teyta Dios, musyämi ankupäkuq y perdonakuq Dios kanqëkita. Kuyakuq karmi jukllaqa piñakunkitsu. <Castigashaq> nïkurpis jutsankunata jaqiriyaptinqa manam castigankinatsu.#Éxo. 34.6. Markächö këkarnin maliciarqänam Nínive nunakunatapis ankupänëkipaq kanqanta. Tsëmi Tarsismanpis safar ëwakurqä. 3Willakaratsimar mana ushakëkätsirqa mejor juklla ëllukarkamë. Kë patsachö kawanäpa rantin juklla wanukïkushaq>>.
4Tsënö mañakuptinmi Teyta Dios nirqan: <<Tsënö piñakunqëki ¿allitsuraq këkan?>>
5Tsëpitanam Nínive markapita Jonás ëwakurqan inti yarqamunan läduman. Tsëchömi ramädata rurarir Nínive markata imapis pasashqanta rikänanpaq arwaman jamëkur shuyararqan.
6Jonás shumaq arwäkunanpaqmi ramäda jananpa calabäsupa yuranta Teyta Dios winatsimurqan. Calabäsupa rapran shumaq tsaparaptinmi Jonás alläpa kushikurqan. 7Tsënö kaptinpis waränin qoyanam calabäsupa yuranta kapchurinanpaq wisuq kuruta Teyta Dios yuritsirqan. Kapchuriptinmi calabäsu tsakirirqan. 8Tsënam inti yarqamuptin achachaq vientuta Jonásman Teyta Dios vientütsimurqan. Intipa achachënin peqanta alläpa achachaptinnam desmayananpaq kashqanta Jonás yarparqan. Tsëmi wanïta munar nirqan: <<¡Kawanäpa rantin jina wanukümanpis!>>
9Tsënam Teyta Dios kënö nirqan: <<Calabäsu tsakirinqan rëkur piñakunqëki ¿alliku këkan?>>
Jonásnam nirqan: <<Awmi. Alläpam piñëkü>>.
10Tsënam Teyta Dios nirqan: <<Tsë calabäsuta manam qamtsu mururqunki ni qamtsu manam winatsimurqunkipis. Juk paqasmi winamushqa y waränin junaqnam tsakirishqa. Tsënö këkaptinpis tsë calabäsupaqmi llakikunki tsapäshunëkipaq manana kaptin. 11Jatun Nínive markachöqa juk pachak ishkë chunka waranqapita (120,000) masmi nunakuna këkäyan. Pëkunaqa manam musyayantsu alli y mana alli ima kashqantapis. Tsëmi tsë calabäsupaq llakikunqëkipitapis masraq noqa llakikü Nínive markachö nunakunapaq y wätakunapaqpis>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.