Jonás 1
1
Jonás safar ewkunqan
1Amitaipa tsurin Jonástam#2Rey. 14.25. Teyta Dios nirqan: 2<<Nínive markachö täraq nunakunapa jutsankunata mananam awantänatsu. Tsë jatun markaman ëwëkur pëkunata ushakätsinäpaq kaqta willakï>>.#Nah. 1.1; 3.1-19.
3Tsënö nikaptinpis Jonásqa safarmi Jope markaman ewkurqan. Tsëchömi tarirqan Tarsis markaman barcu yarqunanpaqna këkaqta. Tsëmi Teyta Diospita safëta yarpar juklla pasäjin rantirir tsë barcuwan Tarsisman ewkurqan.
4Tsë barcuwan ëwëkaptinnam Teyta Dios alläpa vientütsimurqan. Tsënam yaku alläpa rarapa laqchiqsaptin barcupis pakikänanpaqna këkarqan. 5Tsëmi barcu manijaqkunaqa alläpa mantsakar diosninkunata juknin juknin mañakuyarqan. Tsëpitanam barcu mana hundikänanpaq apëkäyanqan cargankunata lamarman jitakacharkuyarqan.
Tsëyaqnam barcupa jawa kaq cuartunchö Jonás punukïkarqan. 6Barcu manijaqkunapa mandakuqninnam riyatsir kënö nirqan: <<¡So punï siki! ¡Imanirtaq punukïkanki! Sharkur diosnikita mañakï. Itsa salvëkamashwan këchö mana ushakänantsikpaq>>.
7Tsëpitanam barcu manijaqkunaqa kënö ninakuyarqan: <<Pipa jutsanpita kënö jipashqantsiktapis musyanantsikpaq sortiyashun>>.
Tsënö sortiyayaptinmi Jonáspaq suerti yarqurirqan.
8Tsënam Jonásta kënö tapuyarqan: <<Willëkayämë. ¿Imatataq rurarqunki kënö jipanantsikpaq? ¿Imachötaq uryanki? ¿Mëpitataq shamurqunki? ¿Më nunataq kanki? ¿Mëqan castataq kanki?>>
9Jonásnam nirqan: <<Noqaqa hebreo casta nunam kä. Ciëluchö këkaq Teyta Diosta mantsakurmi pëta sirwï. Pëmi lamartapis kë patsatapis kamashqa>>.
10Tsënam barcuchö uryaqkuna alläpa mantsakar kënö niyarqan: <<¡Imanirtaq Teyta Diosta cäsurqunkitsu!>>
Tsënö niyarqan Teyta Diospita safëkanqanta willakushqa kaptinmi. 11Lamar mas feyupa laqchiqsakurkuptinnam tapuyarqan: <<Kanan ¿imatataq rurashun yaku pärananpaq?>>
12Jonásnam nirqan: <<Lamarman weqaparkayämë laqcheqsëkaq yaku pärananpaq. Noqam jutsayuq kä lamar kënö laqchiqsänanpaq>>.
13Tsënö niptinpis barcuta manijaqkunaqa lamar kuchunmanmi barcuta imëkanöpapis jorqëta munayarqan. Tsënö kaptinpis alläpa vientuptinmi jorqëta puëdiyarqantsu.
14Tsëmi Teyta Diosta kënö mañakuyarqan: <<Teyta, qam munaptikim llapan këkuna pasakïkan. Kë nuna jutsata ruranqanpita ama ushakëkatsilläyämëtsu. Lamarman jitarkuyaptï jutsannaq kaptinqa ama noqakunata tumpayämëtsu>>.
15Tsënö mañakurirmi Jonásta lamarman jitarkuyarqan. Tsë höram lamarpa laqcheqsënin pärarirqan.
16Tsënö pärariptinmi Teyta Dios alläpa puëdiq kanqanta musyarir barcu manijaqkuna alläpa mantsakäyarqan. Tsëmi sacrificiuta kayar äniyarqan pëta sirwiyänanpaq.
17 17 (2.1) Jonásta ñoqtakurkunanpaqmi Teyta Dios shuyarëkätsirqan jatun pescäduta. Ñoqtakurkuptinmi pescädupa pachanchö kima paqas kima junaq kakurqan.#Mat. 12.40.
Currently Selected:
Jonás 1: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
