Rut 3
3
Boozan naweni Rut tepesmau
1Chikichik tsawantin Noemí Rutan chicharuk: Wina nawantru, ame aishrum shir anentramsatnun eatkatjame. 2Ina patai Boozan inatairi ainajai ni takarkum pujusum nu, ju káshia jui cebadan akak ajariin wetatui. 3Tumatin asamtai maim, perfume yakamarta. Tura jaanch pegker iisam nugkurta, tumam ai wetá. Turasha Booz waitkai tusam yurumkan yuati uumkam nakasta, tusa tinaiti. 4Tumam tuig tepes kanarat tusam shir nekata. Tura jearim naweni jaanch urakam nuig amesha tepesta. Turam ni ame turumainnaka turamtatui, tusa tinaiti. 5Takai Rut ayak: Ame turutam nunaka ashi umiktajai, tusa tinaiti.
6Timau asa Rut, mai, perfumen yakamar tura jaanch pegkeran nugkur Booz cebadan akak pujamunam jeawaiti. Tuma nui jea nina tsatsari timaunka turusag umikuiti. 7Booz yurumkan yua shir aneas cebada akara iruumramunam tepes kanaruiti. Tumamtai Rut uumak pujau asa yaitamtaik jeari nawenam jaanchin uratak nisha nuig tepesuiti. 8Káshi ajampek ai Booz nantaki yáki nuwasha wina naweruinisha tepa tusa puyakkauwaiti. 9Tuma Booz iniak: ¿Yaitme? tusa tinaiti. Takai nuwa ayak: Wika amina inatairam Rutaitjai. Ameka wina tsatsaru pataiyaitme tuma asam yainkata. Tura nuatrukti tusan wakerajme, tusa tinaiti.
10Takai Booz chicharuk: Yuus pegkernum yainmakti. Amina aishrum amain wiya ju natsaka eatsuk, kuitrinchau, tura kuitrinnuksha eakchaume. Amina aishrum ajakua nuna patai eme anentsa iiya asam ame timaurmeka metek umiame. 11Ame nuwa uminaitam nunaka, wina yaaktarin Belénnum shuar pujuina nuka ashi nekarmainawai. Tuma asamtai ashamkartukaipa, ame wina warig seattam nunaka turusnak umiktajai, tusa tinaiti. 12Nekas wii amina nuatmainaitjame. Turasha amina aishrum ajakua nuna shir patai nuatramak kuitamramaincha atsuash, 13tuma asamtai juig juakam kanarta, tura kashin tsawara yáki amina nuatramaincha atii nu shir nekami. Turasha ni nuatramta nakitakaigka wii nuatkatjame tusan Yuusa naarijai tajame, tusa tinaiti.
14Tutai Boozsan naweni Rut kanaruiti. Turasha kashin tsawak shir tsawatsu aig káshi nantaknaiti. Nunaka nuwa jui kanarun chikichkiksha nekacharti tusa tumawaiti. 15Tura Booz chicharuk: Jaanch awagkeakam nu jusam nugka ainkata, tusa tinaiti. Tutai jaanchin jusa ainkauwaiti, turamtai Booz cebada kijintri cuarenta aramun nagkasau aun ayankauwaiti. Turam yaaktanam waketkinaiti. 16Rut tsatsari pujamunam jeawaiti. Tumamtai tsatsari chicharuk: ¿Wina nawantru uruk wekasaume? tusa tinaiti. Tutai Rut tsatsarin Booz ni turamun ashi ujak, 17nuiyasha chichaak: “Amina tsatsarminka pegke jutsukka wemaitsume” tusa cebada ainan juna surusai, tusa tinaiti. 18Takai Noemí chichaak: Iturchat enentaimtsuk nakasta. Ju shuarka ayamtsuk yamaik ashi iwar inaisattawai, tusa tinaiti.
Currently Selected:
Rut 3: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
Rut 3
3
Boozan naweni Rut tepesmau
1Chikichik tsawantin Noemí Rutan chicharuk: Wina nawantru, ame aishrum shir anentramsatnun eatkatjame. 2Ina patai Boozan inatairi ainajai ni takarkum pujusum nu, ju káshia jui cebadan akak ajariin wetatui. 3Tumatin asamtai maim, perfume yakamarta. Tura jaanch pegker iisam nugkurta, tumam ai wetá. Turasha Booz waitkai tusam yurumkan yuati uumkam nakasta, tusa tinaiti. 4Tumam tuig tepes kanarat tusam shir nekata. Tura jearim naweni jaanch urakam nuig amesha tepesta. Turam ni ame turumainnaka turamtatui, tusa tinaiti. 5Takai Rut ayak: Ame turutam nunaka ashi umiktajai, tusa tinaiti.
6Timau asa Rut, mai, perfumen yakamar tura jaanch pegkeran nugkur Booz cebadan akak pujamunam jeawaiti. Tuma nui jea nina tsatsari timaunka turusag umikuiti. 7Booz yurumkan yua shir aneas cebada akara iruumramunam tepes kanaruiti. Tumamtai Rut uumak pujau asa yaitamtaik jeari nawenam jaanchin uratak nisha nuig tepesuiti. 8Káshi ajampek ai Booz nantaki yáki nuwasha wina naweruinisha tepa tusa puyakkauwaiti. 9Tuma Booz iniak: ¿Yaitme? tusa tinaiti. Takai nuwa ayak: Wika amina inatairam Rutaitjai. Ameka wina tsatsaru pataiyaitme tuma asam yainkata. Tura nuatrukti tusan wakerajme, tusa tinaiti.
10Takai Booz chicharuk: Yuus pegkernum yainmakti. Amina aishrum amain wiya ju natsaka eatsuk, kuitrinchau, tura kuitrinnuksha eakchaume. Amina aishrum ajakua nuna patai eme anentsa iiya asam ame timaurmeka metek umiame. 11Ame nuwa uminaitam nunaka, wina yaaktarin Belénnum shuar pujuina nuka ashi nekarmainawai. Tuma asamtai ashamkartukaipa, ame wina warig seattam nunaka turusnak umiktajai, tusa tinaiti. 12Nekas wii amina nuatmainaitjame. Turasha amina aishrum ajakua nuna shir patai nuatramak kuitamramaincha atsuash, 13tuma asamtai juig juakam kanarta, tura kashin tsawara yáki amina nuatramaincha atii nu shir nekami. Turasha ni nuatramta nakitakaigka wii nuatkatjame tusan Yuusa naarijai tajame, tusa tinaiti.
14Tutai Boozsan naweni Rut kanaruiti. Turasha kashin tsawak shir tsawatsu aig káshi nantaknaiti. Nunaka nuwa jui kanarun chikichkiksha nekacharti tusa tumawaiti. 15Tura Booz chicharuk: Jaanch awagkeakam nu jusam nugka ainkata, tusa tinaiti. Tutai jaanchin jusa ainkauwaiti, turamtai Booz cebada kijintri cuarenta aramun nagkasau aun ayankauwaiti. Turam yaaktanam waketkinaiti. 16Rut tsatsari pujamunam jeawaiti. Tumamtai tsatsari chicharuk: ¿Wina nawantru uruk wekasaume? tusa tinaiti. Tutai Rut tsatsarin Booz ni turamun ashi ujak, 17nuiyasha chichaak: “Amina tsatsarminka pegke jutsukka wemaitsume” tusa cebada ainan juna surusai, tusa tinaiti. 18Takai Noemí chichaak: Iturchat enentaimtsuk nakasta. Ju shuarka ayamtsuk yamaik ashi iwar inaisattawai, tusa tinaiti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.