Deuteronomio 34
34
Moisés jakamtai ikusmau
1Nuna tusa inagnak, Moisés nugka Moabnum aya nugkanmag pujau mura Nebo tutainam wuwaiti. Tuma Jericójai iinias amaunam mura tsakari Pisgá tutainam imanai wakauwaiti. Tumamtai Yuus Galaadta nugken, tura Dankan nugkencha inaktusuiti. 2Nuiyasha Neftalí, Efraín, Manasés, Judá nu weantu ainan nugke atinan nayants Mediterráneo tutainam atatmaun ashi inaktusuiti. 3Tura nuiyasha, Néguebpan, tura entsa Jordánkan pakarin, yaakat Jericó palmera tuuta amajtain, tura yaakat Sóar tutaincha inaktusuiti. 4Nuna tura Yuus chicharuk: “Au nugka aigka jeashtin aminig wainkati tusan inaktusujme. Abrahaman, Isaacan tura Jacobon nu ainan amee weantu ainan susartinaitjai, tusan nugkan anajmatawaitaj nuka auwaiti”, tusa tinaiti.
5Nuna tusa timatai Moisés, Yuusa umirin ajakua nu, Yuus tumattame tusa tina tumasag Moab nugkanam jakauwaiti. 6Tumamtai Moab nugkanam, Bet-peor tutaijai iinias amaunam Yuus ikusuiti. Turasha tuig ikusuit nuka yamaiya juisha pegke nekantsui. #Jud 9 7Moiséska ciento veinte uwí ején akusha jamamtinchau, tura jiisha kusurchau pujau jakauwaiti. 8Tuma jakamtai israelita aina Moab nugkanam, wake mesemar nekapainak, útainak chikichik nantu pujusaruiti.
9Moisés eke jatsuk pujus, Nun ajakua nuna uchiri Josuén, israelita ainancha uruk yaruaktig nuna pachis Yuus nekatan susati tusa muknum achikuiti. Turamu asamtai ni takamainan ashi nekamtikati tusa Yuus, nina Wakanin Josuén susauwaiti. Turamu asamtai israelita ainaka Yuus Moisésan tina turusag Josuén umirkaruiti. 10Moisés Yuusjai igkuniak chichajakua imanka Yuusa chichamen etserin Israel shuar ainanmagka chikichka atsusuiti. 11Nuna tumachkusha wainchatai ashammain ainan, iwainarti tusa Yuus timau asa, Moisés Egipto nugkanam faraónkan, tura nijai takau ainajaimak kajerak nitan waitkasua imanka chikichka pegke atsusuiti. 12Tura Moisés senchirtin asa, wainchatai ashammain ainan atum Israel shuar ainatiram waintrumin iwainarua imatika iwainamainka chikichkiksha pegke atsusuiti.
Currently Selected:
Deuteronomio 34: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
