Zozué 5
5
1Tawamhã uburé amoreu nhib'apito norĩ, Zodã pa zara niwĩ bâtâ zasizém niwĩ 're ihâimana za'ra mono norĩ hã duré Cana'ã nhib'apito norĩ, âporé Mediterãniu zaihâ na 're ihâimana za'ra mono norĩ zama, ma tô waihu'u za'ra, Zodã pa â, Uburé Danhib'apito te te i'rézé hã, Izaraéu nhihudu norĩ te te ãma isaprĩ za'ra zéb da hã. Tahawa Izaraéu nhihudu norĩ hã isiniwĩ te te oto saprĩ za'ra wamhã, ma tô ta norĩ hã tãma tipahi pese za'ra. Ma tô duré siptete hai'utõrĩ za'ra.
Gilgau ãma Izaraéu nhihudu norĩ, da te isihâiwata nhihâri za'ra zé wasu'u
2Tawamhã Zozuéhé ma, te Uburé Danhib'apito hã tinha, ãne:
— Ma'ãpé ẽtẽ na sib'ézé hã a'manharĩ, Izaraéu nhihudu norĩ hã ãma anhihâiwata nhihâri da, maparane ãma.
3Tawamhã Zozué ma tô a'manha, sib'ézé hã. Taha na ma tô duré Izaraéu nhihudu norĩ hã anhihâiwata nhihâ, ẽne hã Danhihâiwata Nhihârizém na isisi ãma. 4Uburé aibâ norĩ si'wapé za'ra da, Ezitu hawi iwairébé norĩ hã ro supara 'ré si 're isa'wari mono zé bâdâdi na si'utõrĩ wa, ma tô ãne hã 'manha, Zozué hã. 5Ezitu hawi uburé aibâ norĩ iwairébé hã, sihâiwata nhihâri ré si ma tô tihâimana za'ra. Tane nherẽ, a'ubuni wi, supara 'ré si 're irosa'wari mono na dasi'aba'réi ré ipoto za'ra norĩ hã, da te tãma 'manharĩ za'ra õ di, isihâiwata nhihâri za'ra zé hã. 640 na ãma iwahub za'ra na ma tô Izaraéu nhihudu norĩ hã 're nomro, supara 'ré na si. Taha ré, uburé aibâ hã za oto 're isi'wapé za'ra mono wabre ãma iwahub za'ra hã Ezitu hawi iwairébé norĩ hã ma tô tidâ'â za'ra. E marĩ wa. Uburé Danhib'apito nhimiroti te te 're wapari za'ra mono õ wa. Tahawa ma tô 'Re ihâimana u'âsi mono hã sena na tãma ropisutu za'ra, ti'a iwẽ isimarĩ pe hã titõmo na te te i'madâ'â za'ra da hã, te te tãma isa'ré za'ra õ na, ihi'rata za'ra norĩ ma, te te ãma tãma iropisutu za'ra hã, i'uirĩ na te te wama isõmri za'ra da hã. 7Tawamhã da'ra norĩ, timama norĩ nho'wa're're te te ipisutu za'ra hã zahadu a'ubuni wi ro supara 'ré na 're nomro mono ré, isihâiwata nhihâri'õ. Ta norĩ hã ma tô Zozué anhihâiwata nhihâ.
8Tahawa uburé te te isihâiwata nhihâri za'ra norĩ ma, tãma dâ'â za'ra da hã, ma tô a'â aihĩni pese 'ri hã da te dasima isõré za'ra zéb ãma si tihâimana za'ra. 9Tawamhã Uburé Danhib'apito, te Zozuéhé ma tinha, ãne:
— Aipawa'âbâ ãna Ezitu ãma dama 're irob'ma'wamarĩ za'ra wa'aba mono zéb zarina rowazé hã wa tô aima sani za'ra wa'wa, â bâtâ na hã.
Ãne wa, ma tô Gilgau#5.9 Gilgau hã Ebreu norĩ mreme na hã, “dawazerezé” te wasu'u. na siwi romnhisi. Zahadu te ãhã na zama ãma romnhisi hã 're hâimana.
10Tawamhã Izaraéu nhihudu norĩ, Gilgau ãma te te sima i'ri nhoré za'ra zéb ãma te tihâimana za'ra, romharé Zerico 'ri nho'u te te i'uirĩ ãma. Tame ma tô hâiwahâ bâtâ 're dia 14 na, a'amo imorĩ'rata uptabi te na sima romhu'u za'ra, Pascoa na dato isa'ẽtẽ nhisi na barana hã. 11Tawamhã awẽm na ma tô tame ti'ai 'rep te na tisa hã tihu, amnho zazu na hã, duré i'u'ẽtẽ wapu mapu õ na zama hã. 12Tawamhã awẽ bâtâ na oto tãma hâimana za'ra õ di, mana na isa za'ra nhisi hã, Izaraéu nhihudu norĩ ma. E marĩ wa. Hâiwa hawi irere'ezé hã oto simizazâri wa. Tahawa ma tô ta wahub hawimhã Cana'ã ti'ai 'remhã dasa te te 're ihuri mono zém na oto ãma sãna'rata za'ra.
'Re ihâimana u'âsi mono te, dasi'wapéi 'manharĩ'wa norĩ 'madâ'â'wa isihâi'rézé wasu'u
13Tawamhã Zozué, Zerico 'rata hâimana ré, ma tô aibâ simiza'rese õ ré tãma iwatobro hã 'madâ, sib'ézé 'wa pa ré isõ're isa hã. Tawamhã Zozué ma tô 'râwi itẽme wi. Itẽme wisi wamhã, ma tô sadanha ãne:
— E a hã wasiré dasi'wapéi 'manharĩ'wa. E wanhitob'ru norĩ niwĩmhã.
14Tawamhã ma te ãne ãma tãma wa'rã:
Mare di. Ta hãi õ di wa hã, duré nima niwĩ ĩhâimana õ, wa hã. Uburé Danhib'apito, 'Re ihâimana u'âsi mono te, dasi'wapéi 'manharĩ'wa norĩ 'madâ'â'wa wa hã, wa ãmemhã ĩhâiba.
Tawamhã Zozué hi'rãtitõ ma tô tãma nhamra. Ti'ai u ti'ubu na ma tô duré ropto, ãma wata da. Tawamhã te ãne tãma tinha:
— Ĩnhib'apito, asimiroti 'remhã wa ĩhâimana. E marĩ, wa za asima iwẽzé hã 'manha.
15Tawamhã Uburé Danhib'apito te, dasi'wapéi 'manharĩ'wa norĩ 'madâ'â'wa ma ãne ãma sada'â:
— Ma'ãpé aipara'uza hã sani na. Ti'a, a hã aipara na iwati hã, iwazéb zahi.
Tawamhã Zozué ma tô imreme zarina tipara'uza hã sani.
Currently Selected:
Zozué 5: xavBP
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc.
Zozué 5
5
1Tawamhã uburé amoreu nhib'apito norĩ, Zodã pa zara niwĩ bâtâ zasizém niwĩ 're ihâimana za'ra mono norĩ hã duré Cana'ã nhib'apito norĩ, âporé Mediterãniu zaihâ na 're ihâimana za'ra mono norĩ zama, ma tô waihu'u za'ra, Zodã pa â, Uburé Danhib'apito te te i'rézé hã, Izaraéu nhihudu norĩ te te ãma isaprĩ za'ra zéb da hã. Tahawa Izaraéu nhihudu norĩ hã isiniwĩ te te oto saprĩ za'ra wamhã, ma tô ta norĩ hã tãma tipahi pese za'ra. Ma tô duré siptete hai'utõrĩ za'ra.
Gilgau ãma Izaraéu nhihudu norĩ, da te isihâiwata nhihâri za'ra zé wasu'u
2Tawamhã Zozuéhé ma, te Uburé Danhib'apito hã tinha, ãne:
— Ma'ãpé ẽtẽ na sib'ézé hã a'manharĩ, Izaraéu nhihudu norĩ hã ãma anhihâiwata nhihâri da, maparane ãma.
3Tawamhã Zozué ma tô a'manha, sib'ézé hã. Taha na ma tô duré Izaraéu nhihudu norĩ hã anhihâiwata nhihâ, ẽne hã Danhihâiwata Nhihârizém na isisi ãma. 4Uburé aibâ norĩ si'wapé za'ra da, Ezitu hawi iwairébé norĩ hã ro supara 'ré si 're isa'wari mono zé bâdâdi na si'utõrĩ wa, ma tô ãne hã 'manha, Zozué hã. 5Ezitu hawi uburé aibâ norĩ iwairébé hã, sihâiwata nhihâri ré si ma tô tihâimana za'ra. Tane nherẽ, a'ubuni wi, supara 'ré si 're irosa'wari mono na dasi'aba'réi ré ipoto za'ra norĩ hã, da te tãma 'manharĩ za'ra õ di, isihâiwata nhihâri za'ra zé hã. 640 na ãma iwahub za'ra na ma tô Izaraéu nhihudu norĩ hã 're nomro, supara 'ré na si. Taha ré, uburé aibâ hã za oto 're isi'wapé za'ra mono wabre ãma iwahub za'ra hã Ezitu hawi iwairébé norĩ hã ma tô tidâ'â za'ra. E marĩ wa. Uburé Danhib'apito nhimiroti te te 're wapari za'ra mono õ wa. Tahawa ma tô 'Re ihâimana u'âsi mono hã sena na tãma ropisutu za'ra, ti'a iwẽ isimarĩ pe hã titõmo na te te i'madâ'â za'ra da hã, te te tãma isa'ré za'ra õ na, ihi'rata za'ra norĩ ma, te te ãma tãma iropisutu za'ra hã, i'uirĩ na te te wama isõmri za'ra da hã. 7Tawamhã da'ra norĩ, timama norĩ nho'wa're're te te ipisutu za'ra hã zahadu a'ubuni wi ro supara 'ré na 're nomro mono ré, isihâiwata nhihâri'õ. Ta norĩ hã ma tô Zozué anhihâiwata nhihâ.
8Tahawa uburé te te isihâiwata nhihâri za'ra norĩ ma, tãma dâ'â za'ra da hã, ma tô a'â aihĩni pese 'ri hã da te dasima isõré za'ra zéb ãma si tihâimana za'ra. 9Tawamhã Uburé Danhib'apito, te Zozuéhé ma tinha, ãne:
— Aipawa'âbâ ãna Ezitu ãma dama 're irob'ma'wamarĩ za'ra wa'aba mono zéb zarina rowazé hã wa tô aima sani za'ra wa'wa, â bâtâ na hã.
Ãne wa, ma tô Gilgau#5.9 Gilgau hã Ebreu norĩ mreme na hã, “dawazerezé” te wasu'u. na siwi romnhisi. Zahadu te ãhã na zama ãma romnhisi hã 're hâimana.
10Tawamhã Izaraéu nhihudu norĩ, Gilgau ãma te te sima i'ri nhoré za'ra zéb ãma te tihâimana za'ra, romharé Zerico 'ri nho'u te te i'uirĩ ãma. Tame ma tô hâiwahâ bâtâ 're dia 14 na, a'amo imorĩ'rata uptabi te na sima romhu'u za'ra, Pascoa na dato isa'ẽtẽ nhisi na barana hã. 11Tawamhã awẽm na ma tô tame ti'ai 'rep te na tisa hã tihu, amnho zazu na hã, duré i'u'ẽtẽ wapu mapu õ na zama hã. 12Tawamhã awẽ bâtâ na oto tãma hâimana za'ra õ di, mana na isa za'ra nhisi hã, Izaraéu nhihudu norĩ ma. E marĩ wa. Hâiwa hawi irere'ezé hã oto simizazâri wa. Tahawa ma tô ta wahub hawimhã Cana'ã ti'ai 'remhã dasa te te 're ihuri mono zém na oto ãma sãna'rata za'ra.
'Re ihâimana u'âsi mono te, dasi'wapéi 'manharĩ'wa norĩ 'madâ'â'wa isihâi'rézé wasu'u
13Tawamhã Zozué, Zerico 'rata hâimana ré, ma tô aibâ simiza'rese õ ré tãma iwatobro hã 'madâ, sib'ézé 'wa pa ré isõ're isa hã. Tawamhã Zozué ma tô 'râwi itẽme wi. Itẽme wisi wamhã, ma tô sadanha ãne:
— E a hã wasiré dasi'wapéi 'manharĩ'wa. E wanhitob'ru norĩ niwĩmhã.
14Tawamhã ma te ãne ãma tãma wa'rã:
Mare di. Ta hãi õ di wa hã, duré nima niwĩ ĩhâimana õ, wa hã. Uburé Danhib'apito, 'Re ihâimana u'âsi mono te, dasi'wapéi 'manharĩ'wa norĩ 'madâ'â'wa wa hã, wa ãmemhã ĩhâiba.
Tawamhã Zozué hi'rãtitõ ma tô tãma nhamra. Ti'ai u ti'ubu na ma tô duré ropto, ãma wata da. Tawamhã te ãne tãma tinha:
— Ĩnhib'apito, asimiroti 'remhã wa ĩhâimana. E marĩ, wa za asima iwẽzé hã 'manha.
15Tawamhã Uburé Danhib'apito te, dasi'wapéi 'manharĩ'wa norĩ 'madâ'â'wa ma ãne ãma sada'â:
— Ma'ãpé aipara'uza hã sani na. Ti'a, a hã aipara na iwati hã, iwazéb zahi.
Tawamhã Zozué ma tô imreme zarina tipara'uza hã sani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc.