Mateo Kjibokwo ëre sorë
Kjibokwo ëre sorë
Domer shäng kjl̈ara ko Mateo. E kowëba Leví bakoe. E judío. Dënashko ga e dbur töngga Roma so kong. Pjl̈ara ga sök ba pak l̈ishko ga rokara Jesúsdë opping ba tjok. Kuya ga to jek ba tjok, beno shäng ba oppingga shara. E irgo ga öötong beno shäng ba oppinggaga dogl̈o sak kjwara kjingsho pjök (12) l̈i kjl̈arayo bakoe.
Eshko dbaryo ga judíoga l̈öng no pjl̈uyo iche l̈e Sbörë l̈i koshë, gueniyo e Jesús miydara ararë l̇l̇ëme. E kjĩshko ga Jesús wol̈ono, ga woshrara Sbörë iröng obi irgo ga kjibokwo ëre tara Mateorë. L̇l̇ëbo ĩna, kura om go l̈i jyã tara beno l̈ok kjibokwo ëre go, ber judíoga uunkong kong wl̈o. Woyde ga kjibokwo ëre go ga miyde l̈ok ga koshe l̈öng l̈i, e Jesús om go.
Currently Selected:
Mateo Kjibokwo ëre sorë: tfr
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.