YouVersion Logo
Search Icon

2 JONI 1

1
1Mai vei koya na Qase ni Lotu
Kivei koya na Marama lomani kei ira na luvena, o ira ka'u sa lomana vakaidina. Ia sa sega ga ni oi au taudua, o ira kece talega era sa kila na dina, 2baleta ni sa tikoga vei keda na dina, io ena tikoga vei keda ka sega ni mudu.
3Me qai solia vei keda na Kalou o Tamada kei na Luvena ko Jisu Karisito na lolomasavu, na yalololoma kei na vakacegu; ka me sa noda ga na veika oqo ena dina kei na loloma.
Na Dina kei na Loloma
4Au sa reki vakalevu dina e noqu raica ni ra sa muria tiko na dina eso vei ira na luvemu, me vaka sa vakaroti keda kina na Tamada. 5#Joni 13.34; 15.12,17E na ka oqo ka'u sa kerei kemuni kina vakaoqo, na Marama lomani: me da ia ga na veilomani. Au sa sega ni vola yani oqo vei kemuni e dua na i vakaro vou; ia na kena ga eda sa taukena mai na i vakatekivu. 6Na loloma au sa kaya tiko oqo sai koya me da muria na i vakaro ni Kalou. Na i vakaro, me vaka o ni a sa rogoca mai na i vakatekivu, o ya mo ni bula veilomani tikoga.
Na i Vakavuvuli Lasu
7Sa lewe vuqa na dauveivakacalai era sa lako voli e vuravura, oqo o ira na tamata era sa sega ni vakadinata ni sa lako mai ko Jisu Karisito ena yago vakatamata. O ira na tamata vakaoqo era sa dauveivakacalai, ni ra sa meca i Karisito. 8Ni qarauni kemuni vinaka, mo ni kakua kina ni vakayalia na veika eda cakacakataka oti, ia mo ni na taura ga na kena i sau taucoko sara.
9O koya vakayadua sa sega ni vakadeitaki koya ena i vakavuvuli i Karisito, ia sa lako sivita ga, sa sega ni tiko vua na Kalou. O koya ga sa muria dei tiko na i vakavuvuli i Karisito, sa tiko vua na Tamana kei na Luvena talega. 10Ena ka oqo, ni kevaka sa lako yani vei kemuni e dua na tamata ka sega ni vakatavuvulitaka na i vakavuvuli oqo, ni kakua ni ciqomi koya se vakacurumi koya ki na nomuni vale. 11Ni o koya ga sa ciqomi koya sa wasea vata talega kei koya na nona cakacaka ca.
Kena i Tinitini
12Sa levu sara na ka me'u tukuna vei kemuni, ia au sa sega ga ni via vola kece yani, baleta ni'u sa nuitaka ga me'u na la'ki sikovi kemuni yani ka me da veivosaki sara ga ena matana votu, me noda kece sara kina na reki.
13Sa loloma yani vei iko o ira na luvena na marama tacimuni lomani.

Currently Selected:

2 JONI 1: FNV

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy