Malakai 1
1
1Na i tukutuku oqo sa solia na Turaga vei Malakai me kauta vei ira na Isireli.
Na Nona Lomani Isireli o Jiova
2 #
Roma 9.13
#Aisea 34.5-17; 63.1-6; Jere 49.7-22; Isi 25.12-14; 35.1-15; Emo 1.11,12; Ope 1-14A sa kaya o Jiova vei ira na nona tamata, “Au sa dau lomani kemuni tiko ga.”
Ia era sa qai sauma ka kaya, “Na sala cava o ni a vakaraitaka kina na nomuni lomani keimami?”
A sauma o Jiova ka kaya, “E rau sa veitacini ga o Iso kei Jekope, ia au a lomani Jekope ga kei ira na nona kawa, 3ka'u a besetaki Iso kei ira na nona kawa. Au a vakarusa na vanua veiulunivanua nei Iso ka solia me ra tawana na manumanu kila.”
4Kevaka era kaya na kawa i Iso, o ya o ira na kai Itomi, “Sa vakarusai na noda veikoro, ia eda na tarai ira vou tale”; ena qai kaya na Turaga, “Laiva me ra tara vou tale, ia ka'u na qai basuraka sobu tale. Ena vakatokai ira na tamata, ‘Na vanua ca’ kei ‘Na vanua sa cudruva tawa mudu o Jiova.’ ”
5Era na qai raica na ka oqo ena matadra dina o ira na Isireli, era na qai kaya kina, “Sa kaukauwa talega na Turaga ena taudaku kei Isireli.”
Na Nodra Cakacaka Duka na Kawa Vakabete
6A sa vosa vakaoqo na Turaga o Jiova ni lewevuqa vei ira na bete, “Era dau vakarokoroko na gone vei ira na nodra i tubutubu, o ira talega na tamata vei ira na nodra turaga. Oi au na tamamuni, a cava o ni sa sega ni rokovi au kina? Oi au na nomudou i vakavuvuli, a cava dou sa sega ni dokai au kina? O ni sa beca na yacaqu, ia o ni qai taroga ga, “Kemami sa beca vakacava na yacamuni?” 7Ia sa vaka ga oqo — mai na nomuni sa dau kauta ga mai na kakana e sega ni vinaka ki na noqu i cabocabonisoro. Oti o ni sa qai dau taroga, ‘Keimami sa sega ni rokovi kemuni vakacava?’ Au na tukuna vei kemuni — oqori ena nomuni vakaraitaka na nomuni beca na noqu i cabocabonisoro. 8#Vrua 15.21O ni nanuma beka ni ka dodonu na nomuni kauta mai e dua na manumanu mataboko se lokiloki se tauvimate me mai i soro vei au? O ni nanuma beka ni sa ka dodonu tiko na nomuni kauta mai e dua na manumanu lokiloki se tauvi mate? Ni tovolea mada mo ni solia e dua na manumanu vakaoqo vua na nomuni kovana! Ena marautaki kemuni beka li o koya, se na caka vinaka vei kemuni?”
9Ena gauna oqo, ni tovolea mada na bete mo ni kerea vua na Kalou me bau vinaka vei keda. Ena sega sara ga ni sauma o koya na nomuni masu, ka sa na baleti kemuni sara ga. 10A sa kaya na Turaga o Jiova ni lewevuqa, “Au diva mada ga me dua vei kemuni e sogosogota na veikatuba ni Valenisoro me tarova na nomuni dau la'ki vakawaqa tiko kina na buka sa sega na betena ena noqu i cabocabonisoro. Au sa sega ni taleitaki kemuni; ka'u na sega sara ni ciqoma e dua na i madrali o ni cabora mai vei au. 11Era dokai au na tamata mai na dua na yasa i vuravura ki na yasana kadua. Era vakama na ka boi vinaka vei au mai na veivanua kece, ka ra vakacabora na i madrali vivinaka. Era sa dokai au kece sara! 12Ia, oi kemuni o ni sa beci au ga ena nomuni tukuna ni sa sega ni yaga na noqu i cabocabonisoro, kei na nomuni vakacabora kina na i madrali o ni sa sega ni vinakata. 13O ni sa kaya, ‘Keimami sa oca dina sara ga ena ka kece oqo!’ ka qai vakidi ucu mai vei au. O ni sa kauta mai na manumanu butakoci, se e dua sa lokiloki tu se tauvi mate me mai nomuni madrali vei au. O ni nanuma beka ni'u na ciqoma na ka qo mai vei kemuni? 14Ena kalouca sara o koya na dauveivakaisini sa mai vakacabora vei au na manumanu sa sega ni vinaka, ni tiko ga ena nona qele ni manumanu na ka bulabula vinaka sa yalataka oti tu me solia vei au! Ni'u sa tui cecere sara oi Au, ka ra sa rerevaki au na tamata mai na veivanua kecega.”
Currently Selected:
Malakai 1: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.