Juan 12
12
Jesúspa chakinman perfümita María winapashqan
Mateo 26.6-13; Marcos 14.3-9
1 Pascua fiestapaq soqta junaq pishiykaptinmi Betania markaman Jesús aywarqan. Saychömi wanushqanpita kawarimuq Lázaro tarqan. 2Jesús chaykuptin kushikurmi meriendata yanukuyarqan. Wakin runakunawan mësaman Jesús jamakuptinmi Lázarupis jamarqan. Paykunatami mikuyta Marta qararqan.
3Saycho mikuykäyaptinmi nardupita rurash chanin perfümita mediu litrutano María apamurqan. Nirkurmi Jesúspa chakinman winapaykur aqsanwan sakisiparqan.#12.3 Say wisanmi runakuna pasaman wequkuykur mikuyaq. Sayno mikuyaptinmi Jesúspa chakinta María aqsanwan sakisiparqan.#Luc. 7.37-38. Say perfümimi wayi junta mushkurqan. 4Saymi Jesústa rantikunanpaq kaq discïpulun Judas Iscariote nirqan: 5<<¿Imapaqtaq say perfümita perdisish? Saypa trukanqa juk wata aruypa chaninchömi#12.5 Griëgucho nikan kimsa pachak (300) denariucho rantikunanpaq kashqanta. Juk denariuqa juk junaq aruypa chaninmi karqan. rantikushwan karqan. Nirkur say qellaywanna muchuqkunata yanapashwan karqan>>.
6Sayno nirpis manami muchuqkunata yanapayta munarsu nirqan, sinöqa suwa karmi. Shuntayashqan qellay sararaq karmi imaypis pakaylapa jipiq.
7Sayno niptinmi Jesús nirqan: <<Say perfümita pampakunä junaqpaqmi churaraykäsish. Sayno kaykaptinqa winapämashqanpita ama jamuraysu. 8Muchuqkunaqa qamkunawanmi imaypis kaykäyanqa.#Deut. 15.11. Noqami isanqa qamkunawan kashaqnasu>>.
Lázaruta wanusiyta munayashqan
9Betania markacho Jesús kaykashqanta musyaykurmi aska runakuna sayman aywayarqan. Manami Jesús rikaqlasu aywayarqan, sinöqa kawarimuq Lázaruta rikayänanpaqwanmi. 10Saymi mandaq cürakuna Lázarutapis wanusiyta munayarqan. 11Mandaq cürakunata cäsukuyänanpa trukanqa Lázaruta kawarisimushqanpitami aska runakuna Jesúsmanna criyiyarqan.
Jerusalénman Jesús yaykushqan
Mateo 21.1-11; Marcos 11.1-11; Lucas 19.28-40
12Waraynin junaqmi fiestaman aywaq saysika runakuna musyayarqan Jerusalénman Jesús yaykuykashqanta. 13Saymi palmakunapa rämankunata apakurkur Jesústa chaskikuq aywayarqan. Jesústa rikarmi sinchipa niyarqan: <<¡Hosana!#12.13 Israel runakuna Hosana niyarqan Tayta Diosta alabarmi. ¡Tayta Diospa jutincho shamuq runa alabash kaykuläsun! ¡Qammi Israel runakunapa mandaqnin rey kanki!>>#Sal. 118.25-26.
14Jerusalénman Jesús yaykurqan malwa ashnun loqashqami#12.14 Wakin runakunaqa muntashqami niyan.. Sayno yaykunanpaqmi Tayta Diospa palabranchöpis kayno qelqaraykan:
15<<Sión runakuna, ama mansariyaysu.
Rikayay mandaqniki rey malwa ashnun loqash shamuykaqta>>.#Zac. 9.9.
16Say höraqa discïpulunkuna manami tantiyayarqansu imanir Jerusalénman sayno yaykushqanta. Wanushqanpita kawarirkamuptinraqmi tantiyayarqan Jesús rurashqankuna Tayta Diospa palabrancho nishqannöla kashqanta.
17Lázaruta Jesús kawarisimushqanta rikaq runakuna maysaycho wilakuyaptinmi 18Jesústa chaskikuq saysikaq aywayarqan. 19Sayta rikarmi fariseukuna niyarqan: <<Kanan ¿imatataq rurashun? ¡Lapan runakunami payta qatiraykäyan!>>
Mana Israel runakuna Jesústa ashiyashqan
20 Pascuacho Tayta Diosta adorayänanpaqmi mana Israel runakunapis Jerusaléncho kaykäyarqan. 21Paykunapita wakin runakunami Felipiman witiykur ruwakuyarqan: <<Jesústa reqiykasiyälämay, taytay>> nir.
Felipe karqan Galileacho Betsaida markapitami.
22Sayno ruwakuyaptinmi Felipiqa Andrésta wilarqan. Nirkurnami ishkan aywaykur Jesústa wilayarqan. 23Jesúsnami nirqan: <<Runapa Surin glorificash kananpaq kaq höra chämushnami.#12.23 Glorificash kananpaq nishqanqa kaykan Jesucristo wanunanpaq kashqan, wanuskir kawarimunanpaq kashqan, Tayta Diosman kutikunanpaq kashqan y lapanpaqpis munayyuq kananpaq kashqanmi. 24Rasunpami nï: Trïguta murur mana pampashqaqa manami jeqamunsu. Pampashqami isanqa jeqamur ali wayun.#Mat. 10.38; 16.24; Mar. 8.34; Luc. 9.23. 25Vïdanta salvayta munaqkunaqa vïdanta oqrayanqami. Vïdanta kay pasacho oqraqkunami isanqa vïdanta salvar mana ushakaq kawayta tariyanqa.#12.25 Sayno nirqa Jesucristo kaynömi nirqan: <<Kikin munashqanno luta kawakuqkunaqa manami salvakuyanqasu. Noqa munashqäno kawaqkunami isanqa salvakuyanqa>>.#Mat. 10.39; 16.25; Mar. 8.35; Luc. 9.24; 17.33. 26Pipis sirvimayta munaq kaqqa qatirämäsun. Qatirämarqa noqa kaykashqächömi kaykanqa. Sirvimaq kaqtaqa Taytäpis kuyanqami.
Wanunanpaq kashqanta Jesús wilakushqan
27<<Fiyupa lakikuymi sarimash. Sayno lakikurpis manami Taytäta manakümansu wanuypita salvamänanpaq. Wanunäpaqmi kay pasaman shamushkä>>.
28Sayno nishpanmi Tayta Diosta manakur nirqan: <<Papä, munayyuq kashqaykita tantiyakuyänanpaq qam munashqaykino kaykuläsun>>.
Saymi jana pasapita Tayta Dios nimurqan: <<Munayyuq kashqäta musyasishqänömi yapaypis musyasishaq>>.
29Sayta wiyarmi saycho wakin runakuna niyarqan maqakuy kashqanta. Wakinnami niyarqan ángel parlamushqanta.
30Saymi Jesús nirqan: <<Parlamuqta wiyayashqayki manami noqapaqsu kash, sinöqa Tayta Dios kachamashqanta qamkuna tantiyakuyänaykipaqmi. 31Runakuna juzgash kayänanpaq kaq höra chaykämunnami.#Juan 3.18-19; 9.39. Saynölami kay pasapa mandaqnin#12.31 Kay pasapa mandaqninpaq parlarqa Satanáspaqmi Jesús parlarqan. qarqush kananpaqpis höran chaykämunna.#Juan 16.11; Col. 2.15. 32Kay pasapita joqariyämaptinmi#12.32 Sayno nirmi Jesús tinkusiypa nirqan cruzman clävash kananpaq kashqanta y kay pasapita Tayta Dios shuntakunanpaq kashqantapis.#Juan 3.14; 8.28. maysay nación runakunata makïman shuntakushaq>>.
33Sayno nirmi Jesús tantiyasirqan imanöpa wanunanpaq kashqantapis.
34Saymi runakuna niyarqan: <<Tayta Diospa palabrancho nikan salvamaqninsi Cristo imayyaqpis kawananpaq kashqantami.#Sal. 110.4; Isa. 9.7; Eze. 37.25; Dan. 7.14. Sayno nikaptinqa ¿imanirtaq nikanki Runapa Surin wanunanpaq kashqanta? Sayno kaptinqa ¿pitaq say Runapa Surinqa?>>
35Sayno niyaptinmi Jesús nirqan: <<Walka junaqlanami qamkunawan aksi kaykanqa. Manaraq sakäpakur aksi kashqanyaq puriyay. Sakaypana purirqa maypa aywayashqaykitapis manami tantiyayankisu.#12.35 Sayno Jesús parlarqan kikinta aksiman tinkusikurmi. Saymi sakäpakush kaqkuna Jesústa mana chaskikuqkuna kaykäyan.#Sal. 27.1; 119.105; Prov. 6.23; Isa. 49.6; Juan 9.5. 36Sayno kaykaptinqa aksi qamkunawan kaykashqanyaq aksiman criyiyay. Saynöpami qamkunapis aksino kayanki>>.
Sayno niskir pakaylapa aywakuptinmi rikayarqannasu.
Runakuna Jesúsman mana criyiyashqan
37Aska milagrukunata ruraykashqanta rikarpis runakuna Jesúsman manami criyiyarqansu. 38Sayno mana criyiyänanpaq kashqantami profëta Isaías kayno nirqan:
<<Tayta Dios, wilakuyashqäta ¿piraq chaskikush?
Salvakuq kashqaykita musyasiptikipis ¿piraq tantiyakush?>>#Isa. 53.1.
39Say nishqannölami Jesúsmanpis criyiyarqansu. Tayta Dios nishqanta mastapis Isaías kaynömi nirqan:
40<<Say runakunapa nawinkunata qaprayäsishqami.#12.40a Nawinkunata qaprayäsish nishqanqa yarpayninta pantakäsish ninanmi.
Paykunapa shonqunkunatapis chukruyäsishqami.
Saynöpami mana rikar y mana tantiyar wanakuyanqasu#12.40b Wakin runakunaqa wiyakuyanqasu niyan..
Sayno kayaptinmi noqapis aliyäsishaqsu>>.#12.40c Manami qeshyalapita aliyäsinanpaqsu nikan, sinöqa nakaykunapita, lakikuykunapita y jusalikuykunapita salvananpaqmi nikan.#Isa. 6.10.
41Isaías Jesucristupita sayno qelqarqan gloriacho munayyuq kaykaqta rikarmi.#Isa. 6.1-4.
42Jesústa wakin runakuna mana chaskikuyaptinpis askaqmi payman criyiyarqan. Wakin Israel autoridäkunapis payman criyiyarqanmi. Sayno criyiykarpis sinagögapita fariseukuna qarquyänanta mansakuyashpanmi wilakuyarqansu. 43Tayta Diospita ali rikash kayänanpa trukan paykuna mas munayarqan runakunalapita ali rikash kaytami.
Jesúsman criyiqkuna Tayta Diosmanpis criyiyashqan
44Saypitanami sinchipa Jesús nirqan: <<Noqata criyimaq kaqqa kachamaqnïtapis criyiyanmi. 45Saynöpis noqata reqimaq kaqqa kachamaqnïtapis reqiyanmi. 46Noqami aksi kä.#12.46 Aksi kashqanta nirqa runakunata salvaq kashqanta y Dios munashqanno kawananpaq tantiyasikuq kashqantami Jesús nirqan.#Sal. 27.1; 119.105; Prov. 6.23; Isa. 49.6; Juan 9.5. Kay pasaman shamushkä noqata criyimaqkuna sakäpakushno mana kawayänanpaqmi.
47<<Manami runakunata condenanäpaqsu kay pasaman shamushkä, sinöqa runakunata salvanäpaqmi. Sayno kaykaptinqa nishqäkunata musyaykar mana cäsukuqkunata manami noqasu condenashaq, 48sinöqa wilakuynïkunami juiciu finalcho condenanqa. 49Manami kikiläpa yarpayläpitasu wilakuykä, saypa trukanqa kachamaqnï Taytä nimashqankunalatami. 50Pay nimashqankunata cäsukuqkunaqa mana ushakaq kawaytami tariyanqa. Sayta musyarmi Taytä nimashqannöla lapantapis wilakuykä>>.
Currently Selected:
Juan 12: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.