Hebreos 1
1
Libru qalaykunan
1Nawpataqa profëtankunawanmi Tayta Dios yaparir yaparir unay ayllunsikunata tukuynöpa wilaparqan. 2Kay ultimu tiempuchönami isanqa Surin Jesucristuwanna wilakuyninta wilapämansi. Paywanmi kay pasatapis jana pasatapis kamarqan. Paytami churarqan lapantapis munaynincho sararänanpaq. 3Jesucristumi musyasimansi Tayta Dios imano kashqantapis. Payta reqirqa kikin Tayta Diostapis reqinsimi.#Juan 1.1-3; Col. 1.15-17. Munayyuq palabranwanmi lapan kamashqankunatapis mandan munashqanno kayänanpaq. Jusansipita purificash kanansipaq wanurkurmi gloriaman kutirqan. Kananqa Tayta Diospa trönun aluq kaq nawpanchömi jamaraykan.
Angilkunapitapis Jesucristo mas munayyuq kashqan
4Sayno karmi Tayta Diospa Surin Jesucristo lapan angilkunapitapis mas munayyuq kaykan. Saynölami jutinpis angilkunapa jutinpita mas respitash kaykan.#1.4 Jutinpaq parlarqa Jesús Diospa Surin kashqanpita y salvamaqninsi kashqanpitami parlaykan. 5Tayta Dios manami imaypis angilkunata kayno nirqansu:
<<Qamqa surïmi kanki.
Kanan junaqpitaqa taytaykinami kaykä>>.#1.5 Kanan junaqpitaqa taytaykinami kaykä nishqanqa manami puntata Surin mana kashqantasu nikan, sinöqa Jesucristo Tayta Diospa Surin kashqanta say junaqpita musyasishqantami nikan. Sayno musyasirqan wanushqanpita Jesucristuta kawarisimurmi (Hech. 13.33).#Sal. 2.7.
Saynölami mastapis Tayta Dios nirqan:
<<Noqami paypa taytan kashaq.
Paynami noqapa surï kanqa>>.#2Sam. 7.14; 1Crón. 17.13.
6Saynölami japalan Surinta kay pasaman kachamushpan Tayta Dios nirqan: <<Lapan angilkunapis payta adorayäsun>>.#Deut. 32.43.
7Angilkunapaqmi Tayta Dios nirqan:
<<Angilnïkunata wayratanömi kachä.
Sirvimaqnï kayashpanmi bunyaypa bunyar rupaykaq ninano kaykäyan>>.#Sal. 104.4.
8Surinpaqnami isanqa nirqan:
<<Tayta Dios, trönuykichömi imayyaqpis mandaq kaykanki.
Qamqa lapantapis alimi mandanki.
9Pipis alita ruraptinqa kushikunkimi.
Mana alita ruraptinqa ajanankimi.
Saymi Tayta Dios qamta churashushkanki pïmaypitapis mas kushish kanaykipaq>>.#Sal. 45.6-7.
10Saynöpis Surinpaq kaynömi nirqan:
<<Tayta Dios, qammi kamashqayki höra kay pasatapis shumaq takyasishkanki.
Jana pasatapis makikiwanmi kamashkanki.
11Lapan kamashqayki ushakaptinpis qamqa imaypis kaykankimi.
Mödana makwayar ushakashqannömi lapanpis ushakanqa.
12Punchuta luyluqnömi kamashqaykikunatapis luylurinkipaq.
Mödanata trukasiqnölami trukarasinkipaq.
Lapan ushakaptinpis qamqa imaypis kashlanmi kaykanki.
Qamqa manami imaypis awkinyankisu>>.#Sal. 102.25-27.
13Manami mayqan angilkunatapis Tayta Dios nirqansu: <<Aluq kaq nawpäman jamakamuy lapan chikishuqnikikunata munaynikiman churashqäyaq>>.#Sal. 110.1; Mat. 22.44; Hech. 2.34; Heb. 1.3.
14Saymi angilkunaqa Tayta Diospa mandun ruraqla kaykäyan. Paykunatami Tayta Dios kachamun salvash kaqkunata yanapänanpaq.#Mat. 4.11; Luc. 1.19.
Currently Selected:
Hebreos 1: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.