Éxodo 22

Suwakushqanpita o däñukushqanpita imano arreglananpaqpis tantiyasishqan

1 1 (21.37) <<Pipis töruta, uyshata o cabrata suwakur pishtash o rantikush karpis töruta suwashqanpita pisqa töru mastami päganqa. Saynöla uyshata o cabrata suwashqanpitapis chusku uysha o cabra mastami päganqa.

2 2 (1) <<Pitapis sakaypa suwakuykaqta taripaykur wanusirqa wanusishqanpita manami jusayuqsu kanqa. 3 3 (2) Junaqpa suwakuykaqta taripaykur wanusirmi isanqa jusayuq kanqa.

<<Suwakuq runaqa suwakushqanpita pägapakunqa. Pägapakunanpaq qellaynin mana kaptinqa kikin suwakuqta rantikuyanqa.

4 4 (3) <<Suwakuqpa makincho wäkata karpis, uyshata karpis o ashnuta karpis kawaykaqtaraq taripaptinqa suwakushqanta kutisipakur ishkay masta pägapakunqa.

5 5 (4) <<Pipis misikur jukpa chakranta o üva huertanta däñukurqa däñukushqanpita mikuycho karpis üvacho karpis alinnin kaqta päganqa.

6 6 (5) <<Pipis kayapakuykashqancho päsapakur chakracho o ëracho kaykaq mikuyta rupasirqa nina rupashqanpita pägapakunqa.

7 7 (6) <<Paytakuy qellayta o alhäjakunata suwapaptin say suwakuqta taripaptinqa say suwakushqan jananman ishkay masta pägapakunqa. 8 8 (7) Suwakuqta mana taripaptinqa paytakuyta chaskiq runata Tayta Diospa nawpanman apayanqa.#22.8 Tayta Diospa nawpanman apayänanpaq nirqa Tinkuna Tolducho kaykaq altarpa nawpanman apayänanpaqmi nirqan. Wakin traduccionkunachöqa juezkunapa nawpanman niyanmi. Saynölami kaykan versïculu 9-chöpis. Saychönami suwakushqanta o mana suwakushqantapis juzgayanqa.

9 9 (8) <<Töruta karpis, ashnuta karpis, uyshata karpis, mödanata karpis o imata karpis ishkaq runakuna <kayqa noqapami> nir qechunakuyaptinqa say runakunata Tayta Diospa nawpanman apayanqa. Saycho mayqantapis taripaptinqa jusanpita ishkay kuti masta pägapakunqa.

10 10 (9) <<Paytakuy ashnu, paytakuy töru, paytakuy uysha o ima uywapis wanuptin, o imapis päsaptin o say paytakushqanta suwa apakuptinqa 11 11 (10) paytakuyta chaskiq runa kikin mana pakashqanta Diospa jutincho juranqa. Sayno juraptinqa uywapa ämun amana cobrasunnasu. 12 12 (11) Mana cuidayninpa suwa apakuptin isanqa oqrapakushqanpita ämunta päganqa. 13 13 (12) Jirka uywa mikush kaptinqa katupinta ämun rikananpaq apanqa. Sayno aparqa mananami pägapakunqanasu.

14 14 (13) <<Pipis runapa uywanta manakuykur ämun mana rikaykaptin wanupakur imarqa say uywapa chaninta pägapakunqa. 15 15 (14) Uywapa ämun rikaykaptin wanuptinmi isanqa uywapa chaninta pägapakunqanasu. Alquilakush kar imarqa flëtilantana päganqa.

Jusalikuqkunata imano castigayänanpaqpis nishqan

16 16 (15) <<Piwanpis manaraq kakush doncëlla jipashta pipis perdisirqa say jipashta warminpaq shuntanqa. Jipashpa taytantapis pägananpaq costumbri kashqanno päganqa. 17 17 (16) Shuntananta jipashpa taytan mana munaptinqa amana shuntasunnasu. Isanqa warmi ashiycho costumbri kashqanno jipashpa taytanta say runa päganqa.#Deut. 22.28-29.

18 18 (17) <<Brüjukunataqa lapanta wanusiyanki.#Deut. 18.10-11.

19 19 (18) <<Pitapis uywawan kakuqtaqa wanusiyanki.#Lev. 18.23; 20.15-16; Deut. 27.21.

20 20 (19) <<Tayta Diospaq sacrificiuta rupasinanpa trukan juk dioskunapaq sacrificiuta rupasiptinqa say runata wanusiyanki.#Deut. 17.2-7.

21 21 (20) <<Jäpa runakunata ama nakasiyankisu ni chikiyankisu. Yarpäyay qamkunapis Egiptucho tar jäpa kayashqaykita.

22 22 (21) <<Viüdakunatapis ni waksakunatapis ama nakasiyankisu.#Éxo. 23.9; Lev. 19.33-34; Deut. 24.17-18; 27.19. 23 23 (22) Nakasiyaptiki manakayämaptinqa noqami paykunapa favornin sharkushaq. 24 24 (23) Saymi fiyupa rabyashpä espädawan wanusiyäshayki. Saynöpami qamkunapapis warmiki viüda quëdanqa y surikikunapis waksa rikakuyanqa.

25 25 (24) <<Israel nacioncho muchuq runakunata qellayta manarqa ama wakin runakunanöqa wachayninta manaykäyankisu.#Lev. 25.35-38; Deut. 15.7-11; 23.19-20. 26 26 (25) Qellayta manayaptiki mödananta prenda kachapäyäshushqaykita pasa manaraq sakaptin kutisiyanki. 27 27 (26) Say prenda kachapäyäshushqayki mödanalanmi sakay punur pitukunanpaq kaykan. Mana kutisiptikiqa ¿imanwanraq pununqa? Aläsikur manakamaptin kuyapäkuq kashpämi favornin sharkushaq.#Deut. 24.10-13.

28 28 (27) <<Ama imaypis Tayta Diospaq lutanta parlayankisu. Saynöpis markaykicho autoridäkunata ama maldicionayankisu.#Hech. 23.5.

29 29 (28) <<Ama qonqayankisu cosëchaykipita y vïnu rurayashqaykipitapis noqapaq primicia apamuyta.

<<Qechpa surikita apayämunaykipa trukanqa noqapaq ofrendata apayämunki.#Núm. 3.40-51.

30 30 (29) <<Saynöla malta wäkaykipa y malta uyshaykipa y malta cabraykipa punta kaq orqu wawantapis noqapaq apayämunki. Yurishqanpita qanchis junaqlami say uywakuna mamanwan kayanqa. Puwaq kaq junaqchöqa noqapaq apayämunki.

31 31 (30) <<Qamkunata akrashkä jusaynaq kar santu kayänaykipaqmi. Sayno kaykarqa ama mikuyankisu jirka uywakuna katupakuyashqan aysata.#Lev. 17.15. Saytaqa alqukuna mikukuyänanpaq jitapaykuyanki.

Currently Selected:

Éxodo 22: qvhB

Highlight

Copy

Compare