Éxodo 14
14
Israel runakunata Egipto runakuna qatipäyashqan
1Saypitanami Moisésta Tayta Dios nirqan: 2<<Israel runakunata niy Pi-hahirotläpa tikrayänanpaq. Say kaykan Migdolpita lamarman aywaqchömi. Lamar kuchunman chaykur Baal-Zefónpa simpancho posädakuyashpan toldunkunata ichisiyäsun. 3Saycho kaykäyashqaykita musyarmi Faraón yarpanqa sunyaq jirkacho pantakash puriykäyashqaykita. 4Noqami Faraónpa shonqunta chukruyäsishaq qepaykikunata qatipäyäshunaykipaq. Sayno qatipaykäyäshuptikimi munaynïwan soldädunkunata ushakäsishaq. Saynöpami Egipto runakuna musyayanqa munayyuq Tayta Dios kashqäta>>.
Sayno niptinmi yäsishqannöla Israel runakuna rurayarqan.
5Israel runakuna qeshpir aywakuykäyashqantami Faraónta wilayarqan. Saymi Faraónpis y mandäsiqninkunapis pësakuyashpan niyarqan: <<¿Imapaqtaq Israel runakunata kacharishkansi? Kanan ¿pinataq arupämäshun?>>
6-7Sayno nirmi soqta pachak (600) alinnin kaq carrëtankunata y wakin kaq carrëtakunatapis kamarirkasir soldädunkunawan qepanta aywayarqan. Cada carrëtachömi juk capitanpis aywarqan. 8Sayno qatipäyänanpaqqa Tayta Diosmi Faraónpa shonqunta chukruyäsirqan. Saymi Israel runakuna yarquyänanpaq Egipto runakunata mansariypaq castïgukunawan Tayta Dios castigaykaptinpis mana tantiyakuypa qatipäyarqan.
9Egipto runakuna soldädunkunawan, carrëtankunawan y cawallunkunawan aywarmi Israel runakuna posädaraykäyashqanman chaykäyarqanna. Israel runakuna posädaraykäyarqan Pi-hahirotpa nawpancho Baal-Zefónpa simpan lamar kuchunchömi. 10Soldädunkunawan Faraón taripaykäyashqanta rikaykurmi Israel runakuna pasaypa mansariyashpan salvananpaq Tayta Diosta manakuyarqan. 11Nirkurmi Moisésta niyarqan: <<Wanur pampakuyänäpaq ¿manaku Egiptucho panteón karqan? ¿Imanirtaq kay sunyaq jirkachöraq ushakäyänäpaq jorqayämashkanki? 12Kayta maliciarmi Egiptulachöraq kaykar niyarqä: <Jina Egipto runakunata arupar täkuyäshaq. Sunyaq jirkacho wanuyänäpa trukanqa Egipto runakunapa ashmaynin kayashqämi mas ali kaykan> >>.
13Sayno niyaptinmi Moisés nirqan: <<Ama jaka shonqu kayaysu. Kananmi rikayanki Tayta Dios imano salvamashqansitapis. Kananpitaqa mananami imaypis Egipto runakunata rikayankinasu. 14Ama lakikuyaysu. Tayta Diosmi favorninsi sharkur pelyanqa>>.
Israel runakuna Puka Lamarpa päsayashqan
15Saypitanami Moisésta Tayta Dios nirqan: <<Manakaykämashqaykipa trukanqa Israel runakuna jukla aywayänanpaq niy. 16Saynöpis tukruykita lamar jananpa toqriy ishkayman yaku rakikänanpaq. Saynöpami Israel runakuna lamar chawpinpa sakipana päsayanqa. 17Egipto runakuna qatipäyäshunaykipaq noqami shonqunta chukruyäsishaq. Kananmi Faraónta, soldädunkunata, carrëtankunata y cawallunkunatapis ushakäsiptï munayyuq kashqäta pïmaypis musyanqa. 18Faraónta carrëtantinta y cawalluntinta ushakäsiptïmi Egipto runakunapis munayyuq Tayta Dios kashqäta musyayanqa>>.
19Saymi Tayta Diospa angilninwan ichiraykaq pukutaypis Israel runakunapa puntanta aywaykashqanpita paykunapa qepanmanna churakarqan. 20Say ichiraykaq pukutay Israel runakunata Egipto runakuna mana taripäyänanpaqmi saparqan. Egipto runakuna aywayashqanpa pukutay pasaypa sakakurkuptinmi rikayta mana kamäpakur warati aywarpis Israel runakunata taripäyarqansu. Israel runakuna aywayashqanpami isanqa pukutay asikyaparqan.
21Moisésnami makinta lamar jananpa joqarirqan. Saymi inti jeqamunan kaqläpita Tayta Dios warati fiyupa wayräsimur lamarta ishkayman rakirqan.#Sal. 77.16-20. Saymi yaku rakikashqan kaq sakina karqan. 22Ishkanlächo tapianöraq yaku ichiraptinmi chawpinpa Israel runakuna sakilapana päsayarqan.#1Cor. 10.1-2; Heb. 11.29.
23Saymi Israel runakunata qatipar Egipto runakunapis Faraónpa cawallunkunawan y carrëtankunawan lamar chawpinyaq yaykuyarqan. 24Pasa manaraq waraptin pukutaypita y nina ichiraykaqpita Tayta Dios pantakäsiptin Egipto soldädukuna ima ruraytapis kamäpakuyarqansu. 25Carrëtankunapa ruëdankunatapis Tayta Dios yarqukäsiptinmi aywaytapis kamäpakuyarqannasu. Saymi Egipto runakuna kikinpura ninakuyarqan: <<Israel runakunapita qeshpikushun. Tayta Diosmi paykunapa favornin sharkur contransi kaykan>>.
26Say hörami Moisésta Tayta Dios nirqan: <<Makikita lamar jananpa joqariy Egipto runakunata carrëtantinta y cawalluntinta yaku chipyaq ultakurkunanpaq>>.
27Niptinmi lamar jananpa makinta Moisés joqarirqan. Saymi pasa waraptinna kashqanman yaku kutir Egipto runakuna qeshpiykäyaqta ultaskirqan. Saynöpami lamar chawpincho Egipto runakunata Tayta Dios ushakäsirqan. 28Rakiraykashqanpita yaku kutirmi Faraónpa carrëtankunatapis, cawallunkunatapis soldädunkunatapis chipyaq nitirqan. Saymi Israel runakunata qatipar yaykuqkunaqa lapan ushakäyarqan.
29Israel runakunami isanqa ishkan lädunpa tapianöraq yaku rakiraptin sakila simpäyarqan. 30Say junaqmi Egipto runakunapa makinpita Israel runakunata Tayta Dios qeshpisirqan. Sayno qeshpiykasiptinmi Egipto runakunapa ayankunata Israel runakuna rikayarqan lamar kuchuncho jitaraykäyaqta. 31Egipto runakunata munayninwan Tayta Dios ushakäsishqanta rikaykurmi Israel runakuna mansakur payman y sirviqnin Moisésman yärakuyarqan.
Currently Selected:
Éxodo 14: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Éxodo 14
14
Israel runakunata Egipto runakuna qatipäyashqan
1Saypitanami Moisésta Tayta Dios nirqan: 2<<Israel runakunata niy Pi-hahirotläpa tikrayänanpaq. Say kaykan Migdolpita lamarman aywaqchömi. Lamar kuchunman chaykur Baal-Zefónpa simpancho posädakuyashpan toldunkunata ichisiyäsun. 3Saycho kaykäyashqaykita musyarmi Faraón yarpanqa sunyaq jirkacho pantakash puriykäyashqaykita. 4Noqami Faraónpa shonqunta chukruyäsishaq qepaykikunata qatipäyäshunaykipaq. Sayno qatipaykäyäshuptikimi munaynïwan soldädunkunata ushakäsishaq. Saynöpami Egipto runakuna musyayanqa munayyuq Tayta Dios kashqäta>>.
Sayno niptinmi yäsishqannöla Israel runakuna rurayarqan.
5Israel runakuna qeshpir aywakuykäyashqantami Faraónta wilayarqan. Saymi Faraónpis y mandäsiqninkunapis pësakuyashpan niyarqan: <<¿Imapaqtaq Israel runakunata kacharishkansi? Kanan ¿pinataq arupämäshun?>>
6-7Sayno nirmi soqta pachak (600) alinnin kaq carrëtankunata y wakin kaq carrëtakunatapis kamarirkasir soldädunkunawan qepanta aywayarqan. Cada carrëtachömi juk capitanpis aywarqan. 8Sayno qatipäyänanpaqqa Tayta Diosmi Faraónpa shonqunta chukruyäsirqan. Saymi Israel runakuna yarquyänanpaq Egipto runakunata mansariypaq castïgukunawan Tayta Dios castigaykaptinpis mana tantiyakuypa qatipäyarqan.
9Egipto runakuna soldädunkunawan, carrëtankunawan y cawallunkunawan aywarmi Israel runakuna posädaraykäyashqanman chaykäyarqanna. Israel runakuna posädaraykäyarqan Pi-hahirotpa nawpancho Baal-Zefónpa simpan lamar kuchunchömi. 10Soldädunkunawan Faraón taripaykäyashqanta rikaykurmi Israel runakuna pasaypa mansariyashpan salvananpaq Tayta Diosta manakuyarqan. 11Nirkurmi Moisésta niyarqan: <<Wanur pampakuyänäpaq ¿manaku Egiptucho panteón karqan? ¿Imanirtaq kay sunyaq jirkachöraq ushakäyänäpaq jorqayämashkanki? 12Kayta maliciarmi Egiptulachöraq kaykar niyarqä: <Jina Egipto runakunata arupar täkuyäshaq. Sunyaq jirkacho wanuyänäpa trukanqa Egipto runakunapa ashmaynin kayashqämi mas ali kaykan> >>.
13Sayno niyaptinmi Moisés nirqan: <<Ama jaka shonqu kayaysu. Kananmi rikayanki Tayta Dios imano salvamashqansitapis. Kananpitaqa mananami imaypis Egipto runakunata rikayankinasu. 14Ama lakikuyaysu. Tayta Diosmi favorninsi sharkur pelyanqa>>.
Israel runakuna Puka Lamarpa päsayashqan
15Saypitanami Moisésta Tayta Dios nirqan: <<Manakaykämashqaykipa trukanqa Israel runakuna jukla aywayänanpaq niy. 16Saynöpis tukruykita lamar jananpa toqriy ishkayman yaku rakikänanpaq. Saynöpami Israel runakuna lamar chawpinpa sakipana päsayanqa. 17Egipto runakuna qatipäyäshunaykipaq noqami shonqunta chukruyäsishaq. Kananmi Faraónta, soldädunkunata, carrëtankunata y cawallunkunatapis ushakäsiptï munayyuq kashqäta pïmaypis musyanqa. 18Faraónta carrëtantinta y cawalluntinta ushakäsiptïmi Egipto runakunapis munayyuq Tayta Dios kashqäta musyayanqa>>.
19Saymi Tayta Diospa angilninwan ichiraykaq pukutaypis Israel runakunapa puntanta aywaykashqanpita paykunapa qepanmanna churakarqan. 20Say ichiraykaq pukutay Israel runakunata Egipto runakuna mana taripäyänanpaqmi saparqan. Egipto runakuna aywayashqanpa pukutay pasaypa sakakurkuptinmi rikayta mana kamäpakur warati aywarpis Israel runakunata taripäyarqansu. Israel runakuna aywayashqanpami isanqa pukutay asikyaparqan.
21Moisésnami makinta lamar jananpa joqarirqan. Saymi inti jeqamunan kaqläpita Tayta Dios warati fiyupa wayräsimur lamarta ishkayman rakirqan.#Sal. 77.16-20. Saymi yaku rakikashqan kaq sakina karqan. 22Ishkanlächo tapianöraq yaku ichiraptinmi chawpinpa Israel runakuna sakilapana päsayarqan.#1Cor. 10.1-2; Heb. 11.29.
23Saymi Israel runakunata qatipar Egipto runakunapis Faraónpa cawallunkunawan y carrëtankunawan lamar chawpinyaq yaykuyarqan. 24Pasa manaraq waraptin pukutaypita y nina ichiraykaqpita Tayta Dios pantakäsiptin Egipto soldädukuna ima ruraytapis kamäpakuyarqansu. 25Carrëtankunapa ruëdankunatapis Tayta Dios yarqukäsiptinmi aywaytapis kamäpakuyarqannasu. Saymi Egipto runakuna kikinpura ninakuyarqan: <<Israel runakunapita qeshpikushun. Tayta Diosmi paykunapa favornin sharkur contransi kaykan>>.
26Say hörami Moisésta Tayta Dios nirqan: <<Makikita lamar jananpa joqariy Egipto runakunata carrëtantinta y cawalluntinta yaku chipyaq ultakurkunanpaq>>.
27Niptinmi lamar jananpa makinta Moisés joqarirqan. Saymi pasa waraptinna kashqanman yaku kutir Egipto runakuna qeshpiykäyaqta ultaskirqan. Saynöpami lamar chawpincho Egipto runakunata Tayta Dios ushakäsirqan. 28Rakiraykashqanpita yaku kutirmi Faraónpa carrëtankunatapis, cawallunkunatapis soldädunkunatapis chipyaq nitirqan. Saymi Israel runakunata qatipar yaykuqkunaqa lapan ushakäyarqan.
29Israel runakunami isanqa ishkan lädunpa tapianöraq yaku rakiraptin sakila simpäyarqan. 30Say junaqmi Egipto runakunapa makinpita Israel runakunata Tayta Dios qeshpisirqan. Sayno qeshpiykasiptinmi Egipto runakunapa ayankunata Israel runakuna rikayarqan lamar kuchuncho jitaraykäyaqta. 31Egipto runakunata munayninwan Tayta Dios ushakäsishqanta rikaykurmi Israel runakuna mansakur payman y sirviqnin Moisésman yärakuyarqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.